ମୃତ୍ୟୁ ସହ ଖେଳ ପଡିଲା ମହଙ୍ଗା, ମଦ ପିଇ ଯାହା କଲେ ଦେଖି ହେବନି
ନିଶାଶକ୍ତ ଅବସ୍ଥାରେ ଜୀବନର ମୂଲ୍ୟ ବୁଝିଲେନି । ଦେଖୁ ଦେଖୁ ନିମିଷକରେ ଚାଲିଗଲା ପ୍ରାଣ । ଜୀବନ କଣ ଏତେ ଶସ୍ତା । ସାମାନ୍ୟ କେଇ ମିନିଟର ଖୁସି ପାଇଁ ନିଶାଶକ୍ତ ଅବସ୍ଥାରେ ନିଜେ ହରାଇ ବସିଲେ ନିଜ ଜୀବନ । ବିଦ୍ୟୁତ ଟାୱାର ଉପରେ ଚଢିଥିବାବେଳେ ତଳେ ପଡିଗଲେ । ତାପରେ ଯାହା ହେଲା ଆପଣ ଠିକ୍ ଅନୁମାନ କରିପାରୁଥିବେ ।
ଯାଜପୁର(କେନ୍ୟୁଜ୍): ନିଶାଶକ୍ତ ଅବସ୍ଥାରେ ଜୀବନର ମୂଲ୍ୟ ବୁଝିଲେନି । ଦେଖୁ ଦେଖୁ ନିମିଷକରେ ଚାଲିଗଲା ପ୍ରାଣ । ଜୀବନ କଣ ଏତେ ଶସ୍ତା । ସାମାନ୍ୟ କେଇ ମିନିଟର ଖୁସି ପାଇଁ ନିଶାଶକ୍ତ ଅବସ୍ଥାରେ ନିଜେ ହରାଇ ବସିଲେ ନିଜ ଜୀବନ । ବିଦ୍ୟୁତ ଟାୱାର ଉପରେ ଚଢିଥିବାବେଳେ ତଳେ ପଡିଗଲେ । ତାପରେ ଯାହା ହେଲା ଆପଣ ଠିକ୍ ଅନୁମାନ କରିପାରୁଥିବେ ।
ଏକ ଉଚ୍ଚ ଶକ୍ତି ସମ୍ପନ୍ନ ବିଦ୍ୟୁତ ଟାୱାର ଉପରେ ମୃତ୍ୟୁ ସହ ଚାଲିଥିଲା ଖେଳ। ୧୩୨ କେଭି ବିଦ୍ୟୁତ ଟାୱାର ଉପରେ ବହୁ ସମୟ ଧରି ଜଣେ ବ୍ୟକ୍ତି ଜଣକ ଟାୱାର ଉପରେ ଚଢି ପାଟିତୁଣ୍ଡ କରୁଥିଲେ । ତଳେ ଦେଖୁଥିବା ଲୋକେ ତାଙ୍କୁ ଓହ୍ଲାଇ ଆସିବାକୁ ବାରମ୍ବାର କହୁଥିଲେ । ନାଟକୀୟ ପରିସ୍ଥିତି ସୃଷ୍ଟି ହୋଇଥିଲା। ଅଗ୍ନିଶମ ବାହିନୀ ମଧ୍ୟ ପହଞ୍ଚି ଥିଲା ତାଙ୍କୁ ଉଦ୍ଧାର କରିବାକୁ । ହେଲେ ବିପଜ୍ଜନକ ସ୍ଥିତିରେ ସୂତାଖିଅରେ ଥିଲା ଜୀବନ । ଆଉ ଶେଷରେ ବିଦ୍ୟୁତ ସଂସ୍ପର୍ଶରେ ଆସି ପ୍ରାୟ ୬୦ଫୁଟ ତଳକୁ ଖସିପଡି ବ୍ୟକ୍ତିଙ୍କର ମୃତ୍ୟୁ ଘଟିଛି । ସମସ୍ତେ ଦେଖୁଥିଲେ କିନ୍ତୁ କେହି ବି ତାଙ୍କୁ ରକ୍ଷା କରି ପାରି ନଥିଲେ। ଭଳି ଅଭାବନୀୟ ଘଟଣା ଦେଖିବାକୁ ମିଳିଛି ଯାଜପୁର ଜିଲ୍ଲା ବାଲିଚନ୍ଦ୍ରପୁର ବଜାରରେ।
ମୃତ ବ୍ୟକ୍ତି ଜଣଙ୍କ ହେଲେ ସ୍ଥାନୀୟ ଘଡେଇ ସାହିର ବଇନ ଘଡେଇ। କୁହାଯାଉଛି କି ନିଶାସକ୍ତ ଅବସ୍ଥାରେ ଘର ପାଖରେ ଥିବା ୧୩୨ କେଭି ବିଦ୍ୟୁତ ଟାୱାର ଉପରକୁ ଚଢି ଯାଇଥିଲେ। ତାଙ୍କୁ ଉଦ୍ଧାର ପାଇଁ ସ୍ଥାନୀୟ ଲୋକେ ଅଗ୍ନିଶମ ବାହିନୀ ଓ ପୋଲିସକୁ ଖବର ଦେଇଥିଲେ। ସମସ୍ତେ ତାଙ୍କୁ ତଳକୁ ଓହ୍ଲାଇ ଆସିବା ପାଇଁ ଅନୁରୋଧ କରିଥିଲେ। କିନ୍ତୁ ବଇନ କାହା କଥା ନଶୁଣି ପିନ୍ଧିଥିବା ସାର୍ଟ ଖୋଲି ଦେଇଥିଲେ ।
ଆଉ ବିଦ୍ୟୁତ ତାର ସଂସ୍ପର୍ଶରେ ଆସି ସମସ୍ତଙ୍କ ଆଖି ଆଗରେ ତଳକୁ ଖସି ପଡ଼ିଥିଲେ। ଅଗ୍ନିଶମ ଅଧିକାରୀ ଗୁରୁତର ଅବସ୍ଥାରେ ତାଙ୍କୁ ନିକଟସ୍ଥ ମାହାଙ୍ଗା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ । କିନ୍ତୁ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଏହା ପୂର୍ବରୁ ମଧ୍ୟ ବଇନ ବାରମ୍ବାର ଏହିଭଳି କାଣ୍ଡ ଘଟାଇଥିବା ସୂଚନା ମିଳିଛି।
ତେବେ ନିଶା ଯେ କେତେ କ୍ଷତିକାରକ ଏହି ଘଟଣାରୁ ଆପଣମାନେ ଭାବନ୍ତୁ । ନିଶା ଖାଉଥିବା ବ୍ୟକ୍ତି ଏଥିରୁ ଦୂରେଇ ରୁହନ୍ତୁ । ନିଜର ମୂଲ୍ୟବାନ ଜୀବନକୁ ଏମିତି ଯିବାକୁ ଦିଅନ୍ତୁନାହିଁ । ନିଜ ପାଇଁ ନହେଉ ପଛେ ଥରେ ପରିବାର କଥା ଚିନ୍ତା କରନ୍ତୁ ।
