ଅତ୍ୟାଧୁନିକ ସହରରେ ବାସ କରୁଥିବା ଲୋକଙ୍କ ପାଇଁ ବଗିଚା କରିବା ଫଳ, ଫୁଲ ଆଦି ଚାଷ କରିବା ଏକ ପ୍ରକାର ଅସମ୍ଭବ କହିଲେ ଚଳେ । ଜାଗାଭାବ କାରଣରୁ ସେମାନେ ଏହି କାମ କରି ପାରନ୍ତି ନାହିଁ । ଏହି ସବୁ ପାଇଁ ସେମାନେ ବିଶେଷ ଭାବେ ମଲରେ ମିଳୁଥିବା ଖାଦ୍ୟ ଜିନିଷ ଉପରେ ହିଁ ନିର୍ଭରଶୀଳ । କିନ୍ତୁ ପୁନେରେ ବାସ କରୁଥିବା ନିଲା ରେନବିକର ପଞ୍ଚପୋର ମର୍ଡନ ସହରରେ ବାସ କରୁଥିଲେ ମଧ୍ୟ ଏପରି ଏକ ଅସମ୍ଭବକୁ ସମ୍ଭବ କରି ଦେଖେଇ ପାରିଛନ୍ତି । ନିଲା ପାଖାପାଖି ୧୦ ବର୍ଷ ହେବ ନିଜ ଘରର ଛାତ ଉପରେ ବିନା ମାଟିରେ ବିଭିନ୍ନ ପ୍ରକାର ଫଳ, ପନିପରିବା ଆଦି ଚାଷ କରୁଛନ୍ତି । ମାତ୍ର ୪୫୦ ସ୍କ୍ୱାୟର ଫୁଟ ଅଂଚଳରେ ଏକ ଦଶନ୍ଧି ହେବ ଚାଷ କରି ଆସୁଛନ୍ତି ନୀଲା ।
ନିଜର ଏହି ଟେରେଷ୍ଟ ଗାର୍ଡେନରେ ଖାଲି ଫଳ ନୁହେଁ ବିଭିନ୍ନ ପ୍ରକାର ଶାଗ, ପନିପରିବା ଆଦି ବି ଚାଷ କରନ୍ତି ନୀଳା ।କିନ୍ତୁ ବିଶେଷ କଥା ହେଉଛି ନୀଲା ଏଥିପାଇଁ କୌଣସି ପ୍ରକାର ସ୍ପେଶାଲ ଟେକନିକର ବ୍ୟବହାର କରନ୍ତି ନାହିଁ । ଗଛ ଗୁଡିକର ପୋଷଣ ପାଇଁ ସେ ଶୁଖିଲା ପତ୍ର, ରୋଷେଇ ଘରର ଓଦା ଅଳିଆ ଆବର୍ଜନା, ଗୋବର ଆଦିର ବ୍ୟବହାର ହିଁ କରିଥାନ୍ତି । ନୀଲାଙ୍କ ଅନୁଯାୟୀ ମାଟି ଅପେକ୍ଷା ଏହି ଜିନିଷ ଗୁଡିକ ଅଧିକ ସମୟ ପର୍ଯ୍ୟନ୍ତ ଆଦ୍ର ରହିଥାଏ । ଏହା ଦ୍ୱାରା ଗଛ ମାନେ ଶୀଘ୍ର ବଢି ପରିବା ସହିତ ସୁସ୍ଥ ସବଳ ମଧ୍ୟ ରହିଥାନ୍ତି ।
ଛୋଟ ବେଳରୁ ହିଁ ପ୍ରକୃତିକୁ ଖୁବ ଭଲ ପାଆନ୍ତି ନୀଳା । ଘର ତଥା ରୋଷେଇ ଘର ଆଦିରୁ ବାହାରୁ ଥିବା ଅଳିଆ ଆବର୍ଜନାକୁ ନଷ୍ଟ କରିବା ପସନ୍ଦ କରନ୍ତି ନାହିଁ । ଏହି ସବୁଥିରୁ କିପରି କମ୍ପୋଷ୍ଟ ପ୍ରସ୍ତୁତ କରିବା ଶୈଳୀ ସେ ନିଜ ସାଙ୍ଗମାନଙ୍କ ଠାରୁ ଶିଖିଥିଲେ । ବାସ ସେବେ ଠାରୁ ହିଁ ନିଲାଙ୍କର ବଗିଚା ପ୍ରସ୍ତୁତି ଆରମ୍ଭ ହୋଇଗଲା ଓ ନିଜ ରୋଷେଇ ଘରୁ ବାହାରୁଥିବା ପନିପରିବା, ଫଳ ଆଦିର ଚୋପା, ଚାହା ପତିରୁ ନିଜେ ହିଁ କମ୍ପୋଷ୍ଟ ଖତ ପ୍ରସ୍ତୁତ କରିଥିଲେ । ଘରେ ଗାର୍ଡେନିଂ ଶିଖିବା ପାଇଁ ଇଣ୍ଟର ନେଟର ସାହାରା ବି ନେଇଥିଲେ ନିଲା । ନିଲାଙ୍କ କହିବା ମୁତାବକ
ବିନା ମାଟିରେ ଗଛ ଲଗାଇଲେ ଏହି ସବୁ ଫାଇଦା ହୋଇଥାଏ:
୧. ବିନା ମାଟିରେ ବଗିଚା ପ୍ରସ୍ତୁତ କଲେ ବଗିଚାର ଗଛ ଗୁଡିକରେ ପୋକ ଲାଗେନାହିଁ ।
୨. ଗଛ ଚାରି ପାଖରେ ଅନାବନା ଗଛ ବି ଉଠେ ନାହିଁ । ଏଣୁ ବେଶିଥର ଗଛ ଉପାଡିବାକୁ ପଡ଼ିନଥାଏ ।
୩. ମାଟିରେ ଗଛ ଲଗାଇଲେ ଅଧିକ ପୋଷଣର ଆବଶ୍ୟକତା ପଡିବା ସହ ନିୟମିତ ପାଣି ଦେବା ଦରକାର । କମ୍ପୋଷ୍ଟ ଏହି ସମସ୍ତ ପୋଷଣ ଆପେ ଆପେ ମିଳିଯାଏ ।