ଡାଇବେଟିସ ରୋଗୀଙ୍କ ପାଇଁ ଆସିଗଲା ସୁଗାର ଫ୍ରି ଆମ୍ବ, ଯେତେ ଖାଇଲେବି ହେବନି ମଧୁମେହ
ଗ୍ରୀଷ୍ମ ଋତୁରେ ଆମ୍ବ ଖାଇବା କାହାକୁ ବା ପସନ୍ଦ ନୁହେଁ। ବଜାରରେ ଏକରୁ ଅଧିକ ବିଭିନ୍ନ ଫଳ ମିଳିଥାଏ କିନ୍ତୁ ଆମ୍ବକୁ ଫଳର ରାଜା କୁହାଯାଏ। କିନ୍ତୁ ଆମ୍ବର ସ୍ୱାଦ ମିଠା ହେତୁ ମଧୁମେହ ରୋଗୀଙ୍କ ପାଇଁ ଏହି ଫଳ ଖାଇବା କଷ୍ଟକର ହୋଇଯାଏ। କିନ୍ତୁ ବର୍ତ୍ତମାନ, ବିହାରର ଜଣେ କୃଷକଙ୍କୁ ଧନ୍ୟବାଦ ଏବେ ଫଳାଇଛନ୍ତି ଏଭଳି କିଛି ଆମ୍ବ । ଯାହାକୁ ସେ ସୁଗାରଫ୍ରି ବୋଲି ଦାବି କରିଛନ୍ତି । ଶୁଣିବାକୁ ଆଶ୍ଚର୍ଯ୍ୟ ଲାଗୁଥିଲେ ସୁଦ୍ଧା କଥା ସତ । ବାଇଗଣପଲି, ଆମ୍ରପଲି, କଲମି ଭଳି ଅନେକ ଆମ୍ବ କଥା ଆପଣ ଶୁଣିଥିବେ । ହେଲେ କେବେ ଭାବିଛନ୍ତି ସୁଗାର ଫ୍ରି ଆମ୍ବ କଥା ।
ମୁଜାଫରପୁର କୃଷକ ଭୂଷଣ ସିଂଙ୍କ ଉଦ୍ୟାନର ଏହି ଆମ୍ବ ଆଜିକାଲି ଚର୍ଚ୍ଚାର ବିଷୟ ପାଲଟିଛି। ଏହି ଆମ୍ବ ରଙ୍ଗ, ଆକୃତି, ଆକାର ସାଧାରଣ ଆମ୍ବଠାରୁ ସମ୍ପୂର୍ଣ୍ଣ ଭିନ୍ନ। ଏହା ସହିତ ଏହି ଆମ୍ବ ସର୍କରା ମୁକ୍ତ ଏବଂ ଏହାର ନାମ ହେଉଛି ଆମେରିକନ୍ ବିୟୁଟି। କୃଷକ କୁହନ୍ତି ଯେ ଏଠାକୁ ଯାଉଥିବା ସମସ୍ତ ଲୋକ ନିଶ୍ଚିତ ଭାବରେ ଏହି ଆମ୍ବକୁ ଥରେ ବୁଲି ଦେଖିଯାନ୍ତି।
ମୁଜାଫରପୁରର ମୁସାହାରୀ ଗାଁର ବାସିନ୍ଦା ଭୂଷଣ ସିଂ ଏହି ଆମ୍ବ ଉଦ୍ଭିଦକୁ ପଶ୍ଚିମବଙ୍ଗରୁ ଆଣିଥିଲେ। ସେ ୬ ବର୍ଷ ପୂର୍ବେ ତାଙ୍କ ବଗିଚାରେ ଏହି ବିଶେଷ ପ୍ରକାରର ଉଦ୍ଭିଦ ଲଗାଇଥିଲେ। ଏହି ଗଛ ଦୁଇ ବର୍ଷ ପୂର୍ବେ ଫଳ ଦେବା ଆରମ୍ଭ କଲା । କୃଷକ ଭୂଷଣ ସିଂ କହିଛନ୍ତି ଯେ ଏହି ଆମ୍ବ ଆରମ୍ଭରୁ ପାଚିବା ପର୍ଯ୍ୟନ୍ତ ୧୬ ଥର ରଙ୍ଗ ବଦଳାଇଥାଏ। ଭିନ୍ନ ଭିନ୍ନ ରଙ୍ଗର ହେବା ପରେ ଏପରି ହାଲକା କଳା ରଙ୍ଗ ହେଲେ ଜାଣିବେ କି ଏହା ପାଚିଛି।
ଭୂଷଣ ସିଂ କହିଛନ୍ତି ଯେ ଏହି ଆମ୍ବ ପାଞ୍ଚ ମାସ ମଧ୍ୟରେ ପ୍ରସ୍ତୁତ ହୋଇଛି। ଜୁଲାଇ ମାସରେ ଏହି ଆମ୍ବ ପାଚିବା ପାଇଁ ପ୍ରସ୍ତୁତ ହୋଇଯିବ। ପାଚିବା ପରେ, ଏହି ଆମ୍ବର ଓଜନ ପ୍ରାୟ ଅଧ କିଲୋ ପାଖାପାଖି ହୋଇଥାଏ। କୃଷକ କହିଛନ୍ତି ଯେ ଏହି ଆମ୍ବ ସର୍କରା ମୁକ୍ତ ହୋଇଥିବାରୁ ଅନ୍ୟ ଆମ୍ବ ଅପେକ୍ଷା ଏହାର ସ୍ୱାଦ ଟିକେ ଅଲଗା ହୋଇଥାଏ।କିନ୍ତୁ ଖାଇବାକୁ ମିଠା ଲାଗିବ। ଏହି ଆମ୍ବ ଦେଖିବାକୁ ସାଧାରଣ ଆମ୍ବଠୁ ଟିକିଏ ଭିନ୍ନ । ଦୂରରୁ ଏହା ସେଓ ଭଳି ମନେ ହୁଏ । ତାସହ ରଙ୍ଗ ବି ଏହାର ହଲଦିଆ ନୁହେଁ । ଇସତ ନାଲି ସହ ହାଲକା କଳା ରଙ୍ଗର ଦେଖାଯାଏ । ଏବେ ଏହି ଆମ୍ଭକୁ ନେଇ ଚାହିଦା ବଢ଼ିବାରେ ଲାଗିଛି। ବିଶେଷ କରି ମଧୁମେହ ରୋଗୀମାନଙ୍କ ପାଇଁ ଏକ ସୁନ୍ଦର ପ୍ରୟାସ କରିଥିବାରୁ ଭୂଷଣଙ୍କ ପ୍ରତି ପ୍ରଶଂସାର ସୁଅ ଛୁଟୁଛି।
