ଅତି ଚତୁର ହୋଇଥାନ୍ତି ଏହି ୩ଟି ରାଶିର ବ୍ୟକ୍ତି, କୌଣସି ପରିସ୍ଥିତିରେ ବି ହାର୍ ମାନିବାକୁ ହୁଅନ୍ତିନି ପ୍ରସ୍ତୁତ
ବର୍ତ୍ତମାନର ସ୍ୱାର୍ଥପର ଦୁନିଆରେ ଲୋକଙ୍କ ସ୍ଵଭାବ ଜାଣିବା କାଠିକର ପାଠ। ଏଭଳି ସ୍ଥିତିରେ ଯଦି କେବେ ଚାଲାକ ଲୋକ ହାବୁଡ଼ରେ ପଡ଼ିଗଲ, ତେବେ ଅନେକ ଗୁଡ଼େ ଅସୁବିଧାର ସମ୍ମୁଖୀନ ହେବାକୁ ପଡ଼େ। ଜ୍ୟୋତିଷଶାସ୍ତ୍ର ମୁତାବକ, ୩ଟି ଏମିତି ରାଶି ଅଛନ୍ତି ଯେଉଁ ରାଶିର ଲୋକମାନେ ଅଧିକ ଚାଲାକ ବା ଚତୁର ହୋଇଥାନ୍ତି। ଏମାନେ ସହଜରେ ଅନ୍ୟମାନଙ୍କୁ ମୂର୍ଖ ବନାଇ ପାରନ୍ତି। ଏମାନଙ୍କର ଏହି କଳା ଯୋଗୁ ସମସ୍ତେ ଏମାନଙ୍କୁ ମାନନ୍ତି। ତେବେ ଆସନ୍ତୁ ଜାଣିବା ଏହି ୩ଟି ରାଶି ସମ୍ପର୍କରେ…
ବିଛା:
ବିଛା ରାଶିର ବ୍ୟକ୍ତିଙ୍କୁ ବୁଦ୍ଧିମାନ କହିଲେ ଅତ୍ୟୁକ୍ତି ହେବ ନାହିଁ। ଏମାନେ ସବୁ ଜିନିଷକୁ ଖୁବ ସାବଧାନତାର ସହ ପରଖି ଥାନ୍ତି। ଏମାନେ ସବୁ ଜିନିଷକୁ ସମ୍ପୂର୍ଣ୍ଣ କରିବାକୁ ପସନ୍ଦ କରନ୍ତି। ଏମାନଙ୍କ କହିବା ଶୈଳୀ ଏତେ ଆକର୍ଷଣୀୟ ଓ ବିଶ୍ୱାସ ଯୋଗ୍ୟ ହୋଇଥାଏ ଯେ ସାମ୍ନା ଲୋକ ସହଜରେ ପ୍ରଭାବିତ ହୋଇଥାଏ।
ମିଥୁନ:
ମିଥୁନ ରାଶିର ବ୍ୟକ୍ତିଙ୍କୁ କଳାକାର କୁହାଯାଏ। ଏମାନେ ସାମ୍ନା ଲୋକର ମୁହଁ ଦେଖି ତା ମନରେ କଣ ଚାଲିଛି ପଢ଼ି ପାରନ୍ତି। କୁହାଯାଏ, ଏହି ରାଶିର ବ୍ୟକ୍ତି ମିଛ ଧରିବାରେ ମାହିର। ଏମାନଙ୍କୁ ସହଜରେ ବୋକା ବନାଇବା ସମ୍ଭବ ନୁହେଁ। ଏମାନେ ଖୁସ ମିଜାଜ୍ ହୋଇଥାନ୍ତି। କିନ୍ତୁ ଏମାନଙ୍କ ମନରେ କଣ ଚାଲିଛି, ତାହା କେହି ଜାଣିପାରନ୍ତି ନାହିଁ।
କନ୍ୟା:
କନ୍ୟା ରାଶିଯୁକ୍ତ ବ୍ୟକ୍ତି ବହୁତ ଚାଲାକ ହୋଇଥାନ୍ତି। ଏମାନେ ନିଜ ଆଖପାଖ ଜିନିଷ ଉପରେ ସବୁବେଳେ ଗୁରୁତ୍ୱ ଦେଇଥାନ୍ତି। ଏହି ରାଶିର ବ୍ୟକ୍ତି ବେଶ ବୁଦ୍ଧିମାନ ଓ ଜ୍ଞାନୀ ହୋଇଥାନ୍ତି। କୁହାଯାଏ, ଏମାନେ ଖୁବ ଆରାମରେ ଅନ୍ୟଠାରୁ କାମ ଆଦାୟ କରି ନିଅନ୍ତି। କଠିନ ପରିସ୍ଥିତିରେ ବି ଏମାନେ ହାର ମାନନ୍ତି ନାହିଁ। ଏମାନେ ସବୁ ଦୁଃଖଦ ସ୍ଥିତିକୁ ଉପସ୍ଥିତ ବୁଦ୍ଧି ଖଟାଇ ସାମ୍ନା କରନ୍ତି ଓ ବିଜୟୀ ହୁଅନ୍ତି।
