କୋଟିଏ ଟଙ୍କାର ଷଣ୍ଢ ! ବିଶ୍ୱାସ ନହେଲେ ବି ସତ, ଜାଣନ୍ତୁ କାହିଁକି ଏତେ ଦାମ୍
ବେଙ୍ଗାଲୁରୁ(କେନ୍ଯୁଜ୍): କୋଟିଏ ଟଙ୍କାର ଷଣ୍ଢ । ବିଶ୍ୱାସ ନହେଲେ ବି ସତ । ସାଢ଼େ ୩ ବର୍ଷର ଏହି ଷଣ୍ଢର ଦାମ୍ କୋଟିଏ ଟଙ୍କା । ବେଙ୍ଗାଲୁରୁର ଏକ କୃଷି ମେଳାରେ ଆକର୍ଷଣ ପାଲଟିଥିଲା ଏହି ଷଣ୍ଢ । ଏହାର କାରଣ କଣ ? ଷଣ୍ଢର ଦାମ କାହିଁକି କୋଟିଏ ? ଏହି ଷଣ୍ଢଟି ହେଲ୍କର ପ୍ରଜାତିର । ଯାହାକୁ ସବୁ ଗୋ ପ୍ରଜାତିର ମାଆ ବୋଲି କୁହାଯାଏ ।
ଉଚ୍ଚ ଦାମରେ ବିକ୍ରି ହେଉଛି ଏହି ଷଣ୍ଢର ଶୁକ୍ରାଣୁ । ଡୋଜ୍ ପ୍ରତି ୧ ହଜାର ଟଙ୍କାରେ ବିକ୍ରି ହେଉଥିବା ଷଣ୍ଢ ମାଲିକ କହିଛନ୍ତି । ମେଳାରେ ଷଣ୍ଢକୁ କୋଟିଏ ଟଙ୍କାରେ ନିଲାମ ଡାକିଥିଲେ ଏହାର ମାଲିକ । ରିପୋର୍ଟ ଅନୁଯାୟୀ, ଚଳିତ ବର୍ଷର ଏହି କୃଷି ମେଳା ପାଇଁ ୧୨୦୦୦ ରୁ ଅଧିକ କୃଷକ ପଞ୍ଜୀକୃତ ହୋଇଛନ୍ତି। ସେମାନଙ୍କ ମଧ୍ୟରୁ ଅନେକ ଉକ୍ତ ସ୍ଥାନରେ ହିଁ ପଞ୍ଜୀକୃତ ହୋଇଛନ୍ତି। ଏଥିରେ ଗୋରୁ, ସାମୁଦ୍ରିକ ଏବଂ କୁକୁଡ଼ା ଚାଷ ବ୍ୟତୀତ ପାରମ୍ପାରିକ ତଥା ହାଇବ୍ରିଡ୍ ଫସଲ ପ୍ରକାର, ପ୍ରଯୁକ୍ତିବିଦ୍ୟା ଏବଂ ଯନ୍ତ୍ରପାତି ସାମଗ୍ରୀ ପ୍ରଦର୍ଶିତ କରିବା ପାଇଁ ପାଖାପାଖି ୫୫୦ଟି ଷ୍ଟଲ୍ କରାଯାଇଛି।
ଚଳିତ ବର୍ଷର କୃଷି ମେଳାର ଷ୍ଟଲଗୁଡିକ ମଞ୍ଜି, ଉଦ୍ଭିଦ ଏବଂ କୁକୁଡ଼ା ବିକ୍ରୟ ପାଇଁ ଉଦ୍ଦିଷ୍ଟ। ଏହି ଚାରି ଦିନିଆ କୃଷି ମେଳାର ବିଶେଷତ୍ୱ ହେଉଛି କର୍ଣ୍ଣାଟକ ମୁଖ୍ୟମନ୍ତ୍ରୀ ବାସଭାରାଜ ବମ୍ମାଇଙ୍କ ଅନୁପସ୍ଥିତିରେ ଶୁକ୍ରବାର ଦିନ ଜଣେ ଆଦିବାସୀ ମହିଳା ଆଧୁନିକ କୃଷକ ରୂପେ ଉଦଘାଟନ କରିଥିଲେ।
