ଭାରତ ତୁଳନାରେ କୋଉ ଦେଶରେ କେତେ ଇଣ୍ଟରନେଟ ଚାର୍ଜ
ବର୍ତ୍ତମାନର ଯୁଗ ହେଉଛି ସ୍ମାର୍ଟ । ଆଉ ଏହି ସ୍ମାର୍ଟ ଯୁଗରେ ସ୍ମାର୍ଟଫୋନ । ଯଦି ଆପଣ ସ୍ମାର୍ଟଫୋନ ଧରିଛନ୍ତି ତେବେ ଇଣ୍ଟରନେଟ ନଥିଲେ ଲାଭ କଣ । ଇଣ୍ଟରନେଟ ଯୁଗରେ ଖାଲି ଯେ କଥାବାର୍ତ୍ତା ଆଉ ମନୋରଞ୍ଜନର ମାଧ୍ୟମ କହିଲେ ହେବନି ଶିକ୍ଷା ଠାରୁ ଆରମ୍ଭ କରି ଚାକିରି ମିଟିଂ ସପିଂ ବ୍ୟବସାୟ ଇତ୍ୟାଦି ଯାଏଁ ସବୁକିଛି ଏବେ ହାତ ପାହାନ୍ତାରେ । ଇଣ୍ଟରନେଟ ବିନା ଦୁନିଆକୁ କଳ୍ପନା କରିବା ମଧ୍ୟ କଷ୍ଟକର । ସମସ୍ତେ ଏହା ମାଧ୍ୟରେ ସଂଯୋଗରେ ।
ରିପୋର୍ଟ ଅନୁଯାୟୀ ଭାରତରେ ୬୨କୋଟିରୁ ଅଧିକ ଇଣ୍ଟରନେଟ ବ୍ୟବହାରକାରୀ ଅଛନ୍ତି । ୨୦୨୫ ସୁଦ୍ଧା ଏହି ସଂଖ୍ୟା ୯୦କୋଟି ଅତିକ୍ରମ କରିବ ବୋଲି ଆକଳନ କରାଯାଇଛି । ତେଣୁ ଏତେ ସଂଖ୍ୟାରେ ନେଟ ପହଞ୍ଚାଇବା ଏବେ ଇଣ୍ଟରନେଟ ପ୍ରଦାନକାରୀ କମ୍ପାନୀ ଗୁଡିକର ଦାୟିତ୍ୱ । ବିଶ୍ୱର ଇଣ୍ଟରନେଟ ପ୍ରଦାନକାରୀ କମ୍ପାନୀ ଗୁଡିକ ଏଥିପାଇଁ ଭିନ୍ନ ଭାବରେ ଅଲଗା ଅଲଗା ଚାର୍ଜ କରିଥାନ୍ତି । ଅନ୍ୟ ଦେଶ ତୁଳନାରେ ଭାରତରେ ଇଣ୍ଟରନେଟ ବହୁତ ଶସ୍ତା ଅଟେ । ଏହା ସହ ଅନେକ ଦେଶରେ ଇଣ୍ଟରନେଟ ଅନେକାଂଶରେ ମହଙ୍ଗା ରହିଛି । ବର୍ତ୍ତମାନ ପ୍ରତି ସେକେଣ୍ଡରେ ୧୦୦ମେଗାବାଇଟ ଇଣ୍ଟରନେଟ ସ୍ପିଡ ପାଇଁ ବାରତରେ ମାସକୁ ପ୍ରାୟ ୮୦୦ ଦେବାକୁ ପଡୁଛି । କିନ୍ତୁ ୩ମାସ, ୬ମାସ କିମ୍ବା ବର୍ଷେ ଏଭଳି ଭାବରେ ଶସ୍ତା ହୋଇଯାଏ ମୂଲ୍ୟ । କିନ୍ତୁ ଅନ୍ୟଦେଶ ଗୁଡିକରେ କଣ ରହିଛି ।
ଏକ ରିପୋର୍ଟ ଅନୁଯାୟୀ ଋଷିଆରେ ଇଣ୍ଟରନେଟ ସବୁଠୁ ଶସ୍ତା ଅଟେ । ଉପରୋକ୍ତ ସ୍ପିଡ ପାଇଁ ଏଠାରେ ଏକ ମାସର ଚାର୍ଜ ପ୍ରାୟ ୩୪୭ ଟଙ୍କା ଅଟେ । ତୁର୍କିୀରେ ୧୦୦ ଏମବିପିଏସ ପାଇଁ ଆପଣଙ୍କୁ ମାସକୁ ୭୦୦ଟଙ୍କା ଖର୍ଚ୍ଚ କରିବାକୁ ପଡିବ । ସେହିପରି ଚାଇନାରେ ଏଚତିପାଇଁ ୧୧୦୦ ଟଙ୍କା ଦେବାକୁ ହେବ । ଶ୍ରୀଲଙ୍କାରେ ଏଥିପାଇଁ ଆପଣଙ୍କୁ ଚାର୍ଜ ଲାଗିବ ୧୨୦୦ଟଙ୍କା । ପାକିସ୍ତାନରେ ୧୫୫୦ଟଙ୍କା । ସେହି କ୍ରମରେ ବାଂଲାଦେଶରେ ୨୬୦୦ଟଙ୍କା ଦେବାକୁ ହେବ ଗ୍ରାହକଙ୍କୁ ।
ଫ୍ରାନ୍ସରେ ୨୪୦୦ଟଙ୍କାରେ ମିଳେ ୧୦୦ଏମବିପିଏସ । ବ୍ରିଟେନରେ ୩୧୦୦ଟଙ୍କା । ଜାପାନରେ ଏହା ୩୨୦୦ଟଙ୍କା ରହିଛି । ସ୍ୱିଜରଲ୍ୟାଣ୍ଡରେ ଏହାର ମୂଲ୍ୟ ରହିଛି ୪୭୦୦ । କାନାଡାରେ ୪୮୦୦। ଆମେରୀକାରେ ଏତିପାଇଁ ଚାର୍ଜ କରାଯାଏ ୫୦୦୦ଟଙ୍କା ପର୍ଯ୍ୟନ୍ତ । ଦକ୍ଷିଣ ଆଫ୍ରିକା ରେ ଏହି ଖର୍ଚ୍ଚ ଆପଣଙ୍କୁ ପଡିଯିବ ୪୨୦୦। ଅଷ୍ଟ୍ରେଲିଆରେ ୪୩୦୦ଟହ୍କା ଆଫଣଙ୍କ ପକେଟ କାଟିବ । ସେହିଭଳି ଭାବରେ ଆରବ ଦେଶଗୁଡିକ ବିଷୟରେ କହିବାକୁ ଗଲେ ସାଉଦିରେ ୫୪୦୦ପାଖାପାଖି । ଓମାନରେ ୫୯୦୦, କତାରରେ ୭୦୦୦ୟୁଏଇରେ ୭୫୦୦ ଟଙ୍କା ଯାଏଁ ରହିବ ଏହି ଚାର୍ଜ । ଆଉ ଏସବୁ ମଧ୍ୟରେ ସବୁଠୁ ମହଙ୍ଗା ସାବ୍ୟସ୍ତ ହୋଇଛି ଇଥିଓପିଆରେ । ସେଠାରେ ଆପଣଙ୍କୁ ପ୍ରତି ମାସରେ ୨୮୦୦୦ ଟହ୍କା ଖର୍ଚ୍ଚ କାଟିବାକୁ ହେବ ।ଏସବୁ ଆକଳନ ଭାରତୀୟ ମୁଦ୍ରାରେ ଆକଳନ କରାଯାଇଛି । କିନ୍ତୁ ସେଠାକାର କମ୍ପାନୀ ଏହିଭଳି ଭାବରେ ମୂଲ୍ୟ ନିର୍ଧାରିତ କରିଛନ୍ତି ।
