ନୂଆ ବର୍ଷରେ ଭାରତର ରୋମାଞ୍ଚକ ବିଜୟ, ୨ ରନରେ ଶ୍ରୀଲଙ୍କାକୁ ହରାଇଲା ଘରୋଇ ଦଳ, ୧-୦ରେ ସିରିଜ ଆଗୁଆ
କେନ୍ୟୁଜ୍(ବ୍ୟୁରୋ): ନୂଆ ବର୍ଷର ପ୍ରଥମ T20 ସିରିଜରେ ଭାରତର ରୋମାଞ୍ଚକ ବିଜୟ । ୨ ରନରେ ଶ୍ରୀଲଙ୍କାକୁ ହରାଇଲା ଭାରତ । ପ୍ରଥମ ଥର T20 ଇଣ୍ଟରନ୍ୟାସନାଲରେ ଅଧିନାୟକତ୍ୱ କରୁଥିବା ହାର୍ଦ୍ଦିକ ପାଣ୍ଡିଆଙ୍କ ନବ ବର୍ଷରେ ଭାରତକୁ ବିଜୟ ଭେଟି । ୧ – ୦ ରେ ସିରିଜରେ ଅଗ୍ରଣୀ ରହିଛି ଭାରତ । ମୁମ୍ବାଇ ଓ୍ଵାଖେଣ୍ଡେ ଷ୍ଟାଡିୟମରେ ହୋଇଥିବା ଏହି ମ୍ୟାଚରେ ଶ୍ରୀଲଙ୍କା ଟସ ଜିତି ବୋଲିଂ ନିଷ୍ପତି ନେଇଥିଲା ।
ଏକ ସମୟରେ ମୁସ୍କିଲରେ ପଡ଼ି ଯାଇଥିଲା ଶ୍ରୀଲଙ୍କା, ଦଳକୁ ପୁଚ୍ଛଲେ କରୁଣାରତ୍ନ ମଜୁବୁତ ସ୍ଥିତିରେ ପହଞ୍ଚାଇ ଦେଇଥିଲେ । ଶେଷ ଓଭରରେ ବିଜୟ ପାଇଁ ୧୩ ରନର ଆବଶ୍ୟକ ହେଉଥିବା ବେଳେ ଅକ୍ଷର ପଟେଲ କରୁଣାରତ୍ନଙ୍କ ଓ୍ଵିକେଟ ନେଇଥିଲେ । ଶ୍ରୀଲଙ୍କା ସମସ୍ତ ଓ୍ଵିକେଟ ହରାଇ ୧୬୦ ରନ୍ କରି ପରାଜିତ ହୋଇଛି ।
ପ୍ରଥମ ଇଂନିସରେ ବ୍ୟାଟିଙ୍ଗ କରି ଶ୍ରୀଲଙ୍କା ସମ୍ମୁଖରେ ୧୬୩ ରନର ବିଜୟ ଲକ୍ଷ୍ୟ ରଖିଥିଲା ଭାରତ । ଆଜିର ମ୍ୟାଚ ଆରମ୍ଭରେ ଭାରତର ପ୍ରଦର୍ଶନ ସେତେଟା ଭଲ ନଥିଲା । ପ୍ରଥମ T20 ମ୍ୟାଚ ଖେଳୁଥିବା ଶୁଭମନ ଗିଲ ଓ ସୂର୍ଯ୍ୟକୁମାର ଯାଦବଙ୍କୁ ୭ ରନ କରି ପାଭିଲିୟନକୁ ଫେରିବାକୁ ପଡ଼ିଥିଲା । ସଞ୍ଜୁ ସୋମସନ ୫ରନ କରି ଟିମକୁ ନିରାଶ କରିଥିଲେ । ଇଶାନ କିଶନ ଓ କ୍ୟାପଟେନ ହାର୍ଦ୍ଦିକ ପାଣ୍ଡିଆ ୨୯ ରନ କରି ଟିମକୁ ଆଗକୁ ନେଇଥିଲେ।
୧୫ ଓଭରରେ ୯୪ ରନରେ ଭାରତର ପଞ୍ଚମ ଓ୍ଵିକେଟ ଝଡ଼ିଥିଲା । ଏପରି ସ୍ଥିତିରେ ଦୀପକ ହୁଡ଼ା ୨୩ ବଲରେ ୪୧ ରନ ଓ ଅକ୍ଷର ପଟେଲଙ୍କ ୨୦ ବଲରେ ୩୧ ରନର ସହାୟତାରେ ଏକ ଭଲ ସ୍କୋର କରିଥିଲା ଭାରତ । ୨୦ ଓଭର ଶେଷରେ ଭାରତ ୫ କ୍ୱିକେଟ ହରାଇ ୧୬୨ ରନ କରିବାରେ ସକ୍ଷମ ହୋଇଥିଲା । ହେଲେ ବିଜୟର ପିଛା କରି ଶ୍ରୀଲଙ୍କା ଦଳ ସମସ୍ତ ଓ୍ଵିକେଟ ହରାଇ ୨୦ ଓଭରରେ ୧୬୦ ରନ କରିବାକୁ ସକ୍ଷମ ହୋଇଥିଲା ।
