ଅହମଦାବାଦରେ ଦିଲ୍ଲୀ କ୍ୟାପିଟାଲ୍ସ ଦେଖାଇଲା ଦମ୍, ରୋମାଞ୍ଚକ ମ୍ୟାଚରେ ଗୁଜରାଟ ଟାଇଟନ୍ସକୁ ୫ ରନରେ ହରାଇଲା
ଇଶାନ୍ତ ଶର୍ମାଙ୍କ ଦମଦାର ବୋଲିଂ ଆଗରେ ହାର ମାନିଲା ହାର୍ଦ୍ଦିକଙ୍କ ଟିମ୍ । ଆଇପିଏଲ୍ ପଏଣ୍ଟ ତାଲିକା ଶୀର୍ଷରେ ରହିଥିବା ଗୁଜରାଟ ଟାଇଟନ୍ସକୁ ୫ ରନରେ ହରାଇଛି ଦିଲ୍ଲୀ କ୍ୟାପିଟାଲ୍ସ । ୧୩୦ ରନର ଟାର୍ଗେଟକୁ ପିଛା କରି ୧୨୫ ରନ କରିଥିଲା ଗୁଜରାଟ ।
ଆଇପିଏଲ୍ ଗୁଜରାଟ ଟାଇଟନ୍ସକୁ ୫ରନ୍ରେ ପରାସ୍ତ କରିଛି ଦିଲ୍ଲୀ କ୍ୟାପିଟାଲ। ଇଶାନ୍ତ ଶର୍ମାଙ୍କ ଦମଦାର ବୋଲିଂରେ ବିଜୟ ହାସଲ କରିଛି ଦିଲ୍ଲୀ କ୍ୟାପିଟାଲ। ମହମ୍ମଦ ସାମି ଫ୍ଲେୟାର ଅଫ୍ ଦି ମ୍ୟାଚ୍ ବିବେଚିତ ହୋଇଛନ୍ତି । ପ୍ରଥମେ ଟସ୍ ଜିତି ଦିଲ୍ଲୀ କ୍ୟାପିଟାଲ୍ସ ବ୍ୟାଟିଂ ନିଷ୍ପତ୍ତି ନେଇଥିଲା।
ଦ୍ବିତୀୟ ପାଳିରେ ଗୁଜରାଟ ୧୩୦ରନ୍ ଟାର୍ଗେଟର ପିଛା କରି ଗୁଜରାଟ ଟାଇଟନ୍ସ ନିର୍ଦ୍ଧାରିତ ୨୦ ଓଭରରେ ୬ ୱିକେଟ ହରାଇ କରିଥିଲା ୧୨୫ ରନ୍। ଦଳ ପକ୍ଷରୁ ମହମ୍ମଦ ସାମି ୪ଟି, ମୋହିତ ଶର୍ମା ୨ଟି ଓ ରସିଦ୍ ଖାନ୍ ଗୋଟିଏ ୱିକେଟ ନେଇଥିଲେ। ଦିଲ୍ଲୀ କ୍ୟାପିଟାଲ ନିର୍ଦ୍ଧାରିତ ୨୦ ଓଭରରେ ୮ ୱିକେଟ ହରାଇ କରିଥିଲା ୧୩୦ ରନ୍।
ଗୁଜରାଟ ପକ୍ଷରୁ ହାର୍ଦ୍ଦିକ ପାଣ୍ଡ୍ୟା ୫୯ ରନ୍, ଅଭିନଭ ମନୋହର ୨୬ ରନ୍ କରିଥିବା ବେଳେ ରାହୁଲ ତେୱତିଆ ୭ ବଲରେ ୨୦ ରନ୍ କରିଥିଲେ ସୁଦ୍ଧା ଗୁଜରାଟକୁ ବିଜୟ ଦେବାରେ ସକ୍ଷମ ହୋଇନଥିଲେ । ଦିଲ୍ଲୀ ପକ୍ଷରୁ ଖାଲିଲ ଅହମ୍ମଦ, ଇଶାନ୍ତ ଶର୍ମା ୨-୨ଟି ୱିକେଟ ନେଇଥିବା ବେଳେ ଅନ୍ରିଚ୍ ନର୍ଟେଜେ ଓ କୁଲଦୀପ ଯାଦବ ୧-୧ ୱିକେଟ ନେଇଥିଲେ । ଏହି ବିଜୟ ସହ ଦିଲ୍ଲୀ ୬ ପଏଣ୍ଟ ହାସଲ କରି ୧୦ମ ସ୍ଥାନରେ ରହିଛି ।
ଗୁଜରାଟ ଟାଇଟନ୍ସର ବୋଲର ମହମ୍ମଦ ସାମି ଭଲ ପ୍ରଦର୍ଶନ କରିଥିଲେ। ସେ ମୋଟ୍ ୪ ଓଭର ବୋଲିଂ କରିଥିଲେ। ମାତ୍ର ୧୧ ରନ୍ ଖର୍ଚ୍ଚ କରି ଦିଲ୍ଲୀର ୪ଟି ୱିକେଟ୍ ଅକ୍ତିଆର କରିଥିଲେ। ସେହିପରି ମୋହିତ ଶର୍ମାଙ୍କୁ ୨ଟି ୱିକେଟ୍ ମିଳିଥିବା ବେଳେ ରସିଦ ଖାନ୍ ଗୋଟିଏ ୱିକେଟ୍ ନେଇଥିଲେ।
