ଢାକା: ବାଂଲାଦେଶର ବାମହାତୀ ପୂର୍ବ ସ୍ପିନର ମୁଶାରଫ୍ ହୁସେନ୍ଙ୍କ ମୃତ୍ୟୁ ଘଟିଛି। ବାଂଲାଦେଶ କ୍ରିକେଟ୍ ବୋର୍ଡ ପକ୍ଷରୁ ଏହି ସୂଚନା ଦିଆଯାଇଛି। ଟ୍ଵିଟ୍ ଯୋଗେ ବିସିବି ଏହି ୪୦ ବର୍ଷୀୟ କ୍ରିକେଟରଙ୍କ ପରଲୋକର ସୂଚନା ଦେଇଛି। ହୁସେନ୍ଙ୍କ ପରିବାରରେ ପତ୍ନୀଙ୍କ ବ୍ୟତୀତ ଏକ ସନ୍ତାନ ରହିଛି।
ବିସିବି ପକ୍ଷରୁ ଟ୍ଵିଟ୍ କରି କୁହାଯାଇଛି, ବାଂଲାଦେଶର ଜାତୀୟ ଟିମ୍ର ପୂର୍ବ ଖେଳାଳି ମୁଶାରଫ ହୁସେନ୍ ରୁବେନ୍ଙ୍କ ନିଧନରେ ବିସିବି ଶୋକ ବ୍ୟକ୍ତ କରୁଛି। ବୋର୍ଡ ଲେଖିଛି- ବାମ ହାତୀ ଏହି ସ୍ପିନର ଦୁଇ ଦଶକର ନିଜ କ୍ୟାରିୟର ବେଳେ ସମସ୍ତ ଫର୍ମାଟ୍ରେ ୫୫୦ରୁ ଅଧିକ ଓ୍ଵିକେଟ୍ ହାସଲ କରିଛନ୍ତି। ବିସିବି ସହାନୁଭୂତି ଓ ଶୋକ ବ୍ୟକ୍ତ କରୁଛି।
The Bangladesh Cricket Board (BCB) mourns the passing of former Bangladesh National Team player Musharraf Hossain Rubel.The left-arm spinner amassed over 550 wickets across all formats in a career spanning two decades. The BCB extends profound sympathies and condolences.#BCB pic.twitter.com/mKJaslFU9q
— Bangladesh Cricket (@BCBtigers) April 19, 2022
ରିପୋର୍ଟ ମୁତାବକ, ହୁସେନ୍ ଦୀର୍ଘ ଦିନ ହେଲାଣି ବ୍ରେନ୍ କ୍ୟାନ୍ସରରେ ଯୁଝୁଥିଲେ। ୨୦୧୯ ମାର୍ଚ୍ଚ ମାସରେ ସେ ଏହି ରୋଗ ବିଷୟରେ ଜାଣିବାକୁ ପାଇଥିଲେ। ଚିକିତ୍ସା ପରେ ସେ କିଛି ମାତ୍ରାରେ ସୁସ୍ଥ ହୋଇଥିଲେ। କିନ୍ତୁ ନଭେମ୍ବର ୨୦୨୦ରେ ପୁଣିଥରେ ଟ୍ୟୁମରର ଲକ୍ଷଣ ପ୍ରକାଶ ପାଇଥିଲା। ୨ ସପ୍ତାହରୁ ଅଧିକ ଦିନ ହେଲାଣି ସେ ହସ୍ପିଟାଲରେ ଥିଲେ। କେମୋ ଥେରାପି ପରେ ସେ କିଛି ଦିନ ତଳେ ଘରକୁ ଫେରିଥିଲେ। କିନ୍ତୁ ମଙ୍ଗଳବାର ତାଙ୍କ ଦେହାନ୍ତ ହୋଇଛି।
Former Bangladesh spinner Musharraf Hossain Rubel has died at the age of 40#BangladeshCrickethttps://t.co/ZPDuD6ZeMl
— CricketNDTV (@CricketNDTV) April 20, 2022
ଢାକାରେ ୧୯୮୧ ମସିହାରେ ଜନ୍ମିତ ହୁସେନ୍ ବାଂଲାଦେଶ ପାଇଁ ୨୦୦୮ ଓ ୨୦୧୬ ମଧ୍ୟରେ ପାଞ୍ଚଟି ଏକଦିବସୀୟ ଅନ୍ତର୍ଜାତୀୟ ମ୍ୟାଚ୍ ଖେଳିଛନ୍ତି। ଏ ଅବସରରେ ସେ ୪ଟି ଓ୍ଵିକେଟ୍ ହାସଲ କରିଥିଲେ।
Also Read: ପୂରା ହେଲା ଶାହାରୁଖଙ୍କ ସହ କାମ କରିବା ସ୍ୱପ୍ନ, ଟ୍ଵିଟ୍ କରି ମନ କଥା କହିଲେ ତାପ୍ସୀ ପନ୍ନୁ