ଦୀପାବଳି ପାଇଁ ରାତିରେ ଲୁଚିଲୁଚି ଗରିବଙ୍କୁ ଟଙ୍କା ବାଣ୍ଟିଲେ ରହମାନୁଲ୍ଲାହ ଗୁରବାଜ, ଭାରତୀୟଙ୍କ ମନ ଜିତୁଛି ଭିଡିଓ
ଆଫଗାନିସ୍ତାନର ଓ୍ଵିକେଟକିପର ରହମାନୁଲ୍ଲାହ ଗୁରବାଜ ଅହମଦାବାଦ ସଡ଼କରେ ରହୁଥିବା ଲୋକଙ୍କ ପାଖକୁ ଯାଇ ଦୀପାବଳି ମନାଇବା ପାଇଁ ପଇସା ଦେଇଛନ୍ତି । ଗୁରବାଜ ରାସ୍ତାରେ ଶୋଇଥିବା ଲୋକଙ୍କ ପାଖକୁ ଯାଇ ସେମାନଙ୍କ ନିକଟରେ ୫୦୦-୫୦୦ ଟଙ୍କା ନୋଟ୍ ରଖିଦେଇଥିଲେ । ଯାହାର ଭିଡିଓ ଭାଇରଲ ହେବାରେ ଲାଗିଛି ।
ଆଫଗାନିସ୍ତାନ କ୍ରିକେଟ ଟିମ୍ ଚଳିତ ବିଶ୍ୱକପରେ ବେଶ୍ କମାଲ ପ୍ରଦର୍ଶନ କରିଛନ୍ତି । ବଡ ବଡ ଟିମକୁ ହରାଇ ଆଫଗାନିସ୍ତାନ ପ୍ରଥମ ଥର ସେମିଫାଇନାଲ ରେସରେ ରହିଥିଲା । କିନ୍ତୁ ଶେଷରେ ଷଷ୍ଠ ସ୍ଥାନରେ ରହି ବିଶ୍ୱକପରୁ ବାଦ୍ ପଡିଛି ଆଫଗାନିସ୍ତାନ । ଆଫଗାନିସ୍ତାନ ଟିମକୁ ଭାରତୀୟ ଦର୍ଶକଙ୍କ ଖୁବ୍ ସମର୍ଥନ ମିଳିଛି । ସେହିପରି ଆଫଗାନ ଖେଳାଳି ମଧ୍ୟ ଭାରତୀୟଙ୍କୁ ଭଲପାଇବା ଦେଇଛନ୍ତି । ଯାହାର ଭିଡିଓ ଭାଇରଲ ହେବାରେ ଲାଗିଛି ।
ଆଫଗାନିସ୍ତାନର ଓ୍ଵିକେଟକିପର ରହମାନୁଲ୍ଲାହ ଗୁରବାଜ ଅହମଦାବାଦ ସଡ଼କରେ ରହୁଥିବା ଲୋକଙ୍କ ପାଖକୁ ଯାଇ ଦୀପାବଳି ମନାଇବା ପାଇଁ ପଇସା ଦେଇଛନ୍ତି । ଏହି କାମ ପାଇଁ କୌଣସି ଲୋକ ଦେଖାଣିଆ ନ ହେଉ, ତେଣୁ ରାତି ୩ଟାରେ ଏଭଳି କାମ କରିଥିଲେ । ଗୁରବାଜ ରାସ୍ତାରେ ଶୋଇଥିବା ଲୋକଙ୍କ ପାଖକୁ ଯାଇ ସେମାନଙ୍କ ନିକଟରେ ୫୦୦-୫୦୦ ଟଙ୍କା ନୋଟ୍ ରଖିଦେଇଥିଲେ । ଏହାଛଡା ଯେଉଁମାନେ ଶୋଇନଥିଲେ, ସେମାନଙ୍କ ପାଖକୁ ଯାଇ ଟଙ୍କା ଦେବା ପରେ ଚୁପଚାପ୍ ଗାଡିରେ ବସି ଚାଲିଆସିଥିଲେ ।
Rahmanullah Gurbaz silently gave money to the needy people on the streets of Ahmedabad so they could celebrate Diwali.
– A beautiful gesture by Gurbaz. pic.twitter.com/6HY1TqjHg4
— Mufaddal Vohra (@mufaddal_vohra) November 12, 2023
ହେଲେ ଏହି ସମୟରେ ଜଣେ ବ୍ୟକ୍ତି ଗୁରବାଜକୁ ଜାଣି ସେ ଟଙ୍କା ବାଣ୍ଟୁଥିବାର ଭିଡିଓ ରେକର୍ଡ କରିଥିଲେ । ଆଉ ଏହି ଭିଡିଓକୁ ସୋସିଆଲ ମିଡିଆରେ ଭାଇରଲ କରିଦେଇଥିଲେ । ଗୁରବାଜଙ୍କ ଏହି ଭିଡିଓ ଭାଇରଲ ହେଉଛି । ଯାହାକୁ ଭାରତୀୟ ପସନ୍ଦ କରୁଛନ୍ତି । ଗୁରବାଜ ଆଇପିଏଲରେ ଗୁଜରାଟ ଟାଇଟନ୍ସ ପାଇଁ ଖେଳୁଛନ୍ତି । ଅହମଦାବାଦ ତାଙ୍କର ଘରୋଇ ମଇଦାନ ।
