ଆଜି ମହିଳା ପ୍ରିମିୟର ଲିଗ୍‌ର ଫାଇନାଲ, ବିଜୟ ଧାରାକୁ ବଜାୟ ରଖି ଫାଇନାଲରେ ପ୍ରବେଶ କରିଛି ଦିଲ୍ଲୀ

ଭୁବନେଶ୍ବର(କେନ୍ୟୁଜ୍): ଆଜି ମହିଳା ପ୍ରିମିୟର ଲିଗ୍‌ର ଫାଇନାଲ । ଦିଲ୍ଲୀ-ମୁମ୍ବାଇ ମଧ୍ୟରେ ହେବ ଫାଇନାଲ । ପଏଣ୍ଟ ଟେବୁଲର ଶୀର୍ଷରେ ରହି ଦିଲ୍ଲୀ ପ୍ରଥମରୁ ଫାଇନାଲକୁ ଆସି ସାରିଥିବା ବେଳେ ୟୁପି ଓ୍ଵାରିୟର୍ସକୁ ଏଲିମିନେଟ କରି ମୁମ୍ବାଇ ଶେଷ ପାହାଚରେ ପାଦ ଥାପିଛି । ମୁମ୍ବାଇ ଇଣ୍ଡିଆନ୍ସ ପାଇଁ ଅଧିନାୟିକା ହରମନପ୍ରୀତ କୌରଙ୍କ ପ୍ରଦର୍ଶନ ଏବେ ବି ଚିନ୍ତାଜନକ ରହିଛି ।

ଆରମ୍ଭରୁ ତିନିଟି ଅର୍ଦ୍ଧଶତକ ଜମାଇଥିବା ହରମନପ୍ରୀତଙ୍କ ବ୍ୟାଟ ଗତ ୪ ମ୍ୟାଚରେ ଶାନ୍ତ ପଡ଼ିଯାଇଛି । ଏଲିମିନେଟର ମ୍ୟାଚରେ ନାଟ୍‌ ବ୍ରଣ୍ଟଙ୍କ ବିସ୍ଫୋରକ ୭୨ ରନ ଦଳକୁ ଫାଇନାଲରେ ପହଞ୍ଚାଇବାରେ ସହାୟତା କରିଥିଲା । ଦିଲ୍ଲୀ କ୍ୟାପିଟାଲସ୍‌ ପ୍ରଥମରୁ ଉତଥାନ ପତନ ଦେଇ ଗତି କରିଥିଲା । ଶେଷ ଭାଗ ବେଳକୁ ବିଜୟ ଧାରାକୁ ବଜାୟ ରଖି ଫାଇନାଲରେ ପ୍ରବେଶ କରିଥିଲା ଦିଲ୍ଲୀ । ଆଜି ଏକ ରୋମାଞ୍ଚକର ମ୍ୟାଚ ଅପେକ୍ଷାରେ ଅଛନ୍ତି ଦର୍ଶକ ।