ଭାଇରାଲ୍ ହେବାରେ ଲାଗିଛି ଯୁବରାଜ୍ ସିଂ ଏବଂ ଗେଲ୍’ଙ୍କ ଡ୍ୟାନ୍ସ, ଦେଖନ୍ତୁ ଏହି ଭିଡିଓ
ଟିମ୍ ଇଣ୍ଡିଆର ସିକ୍ସର କିଙ୍ଗ ଯୁବରାଜ୍ ସିଂ ଇଣ୍ଟରନ୍ୟାସନାଲ କ୍ରିକେଟକୁ ଅଲବିଦା କହିସାରିଥିବାବେଳେ କିନ୍ତୁ କାନାଡାରେ ଆୟୋଜିତ ହୋଇଥିବା ଗ୍ଳୋବାଲ୍ ଟି-୨୦ ଲିଗ୍ ରେ ତାଙ୍କର ଯାଦୁ ଏବେ ବି ଦେଖିବାକୁ ମିଳୁଛି। ଯୁବରାଜ୍ ସିଂ କେବଳ ମୈଦାନ୍ ନୁହେଁ ବିଭିନ୍ନ ପାର୍ଟିରେ ମଧ୍ୟ ନିଜର କମାଲ୍ ଦେଖାଇଥାନ୍ତି । ଯୁବରାଜଙ୍କ ଏକ ଭିଡିଓ ଏବେ ଭାଇରାଲ ହେବାରେ ଲାଗିଛି । ଯାହାକୁ ୱେଷ୍ଟଇଣ୍ଡିଜ୍ ର କ୍ରିକେଟର ଆଣ୍ଡ୍ରେ ରସେଲ୍ ସୋସିଆଲ ମିଡିଆରେ ସେୟାର କରିଛନ୍ତି । ଯେଉଁଥିରେ ୟୁବରାଜ ସିଂ ଏବଂ କ୍ରିସ୍ ଗେଲ ପଞ୍ଜାବୀ ଜୀତରେ ଡ୍ୟାନ୍ସ କରୁଥିବାର ନଜର ଆସୁଛନ୍ତି। ଏହି ପାର୍ଟି ଏକ ଛୋଟ ଡଙ୍ଗାରେ ହେଉଥିବା ନଜର ଆସୁଛି।
ଆଣ୍ଟାରିୟୋରେ ହେଉଥିବା ଏହି ପାର୍ଟିରେ ଯୁବରାଜ ଗେଲ୍ ଙ୍କ ବ୍ୟତିତ ଆଇପିଏଲ୍ ରେ ଚେନ୍ନାଇ ସୁପରକିଙ୍ଗ ପାଇଁ ଖେଳୁଥିବା ମନପ୍ରିତ୍ ଗୋନୀ ମଧ୍ୟ ଉପସ୍ଥିତ ଥିଲେ । ଗୋନୀ ମଧ୍ୟ ଏହି ପାର୍ଟିରେ ଦମଦାର ଡାନ୍ସ କରିଛନ୍ତି। ଯୁବରାଜ୍ ଏବଂ ଗେଲ୍ ଙ୍କ ସହିତ କାନାଡାରେ ରହୁଥିବା ପଞ୍ଜାବୀ ଖେଳାଳି ମଧ୍ୟ ଡାନ୍ସ କରୁଥିଲେ । ଯୁବରାଜ ସିଂ ଏହି ଟୁର୍ଣ୍ଣାମେଣ୍ଟରେ ଏପର୍ଯ୍ୟନ୍ତ ୩ଟି ମ୍ୟାଚ୍ ରେ ୩୧ ବଲ୍ ରେ ୯୪ ରନ୍ କରିଥିଲେ । ଗତ ଦୁଇଟି ମ୍ୟାଚରେ ଯୁବରାଜ ସିଂ ଜୋରଦାର ପ୍ରଦର୍ଶନ କରିଥିଲେ । ଅନ୍ୟପଟେ କ୍ରିସ୍ ଗେଲ୍ ଏହି ଟୁର୍ଣ୍ଣାମେଣ୍ଟରେ ସବୁଠାରୁ ଅଧିକ ରନ୍ କରିଥିବା ଖେଳାଳି ଅଟନ୍ତି । ସେ ୩ଟି ମ୍ୟାଚ୍ ରେ ୧୭୯ ରନ୍ କରିଥିଲେ । ନିଜର ଶେଷ ଲିଗ୍ ମ୍ୟାଚରେ ଗେଲ ୧୨୨ ରନ୍ କରିଥିଲେ ।
