କେନ୍ଦୁଝର: ଝୁମ୍ପୁରା ଅର୍ସଲା ଗାଁରେ ଅଘଟଣ, ପୋଖରୀରେ ବୁଡି ଦୁଇ ନାବାଳକ ମୃତ
କେନ୍ଦୁଝର(କେନ୍ୟୁଜ୍): କେନ୍ଦୁଝର ଜିଲ୍ଲା ଝୁମ୍ପୁରା ଥାନା ଅନ୍ତର୍ଗତ ଅର୍ସଲା ଗାଁର ୨ ନାବାଳକ ପୋଖରୀରେ ବୁଡି ମୃତ୍ୟୁ ବରଣ କରିଥିବା ସୂଚନା ମିଳିଛି । ମିଳିଥିବା ସୂଚନା ଅନୁସାରେ ଆଜି ଅର୍ସଲା ଗାଁର ଏମ.ଡି ଆଂସାରିଙ୍କ ଦୁଇ ପୁଅ ଆର୍କମ ଆଂସାରି ଓ ଆରହନ ଆଂସାରି ଅପରାହ୍ନରେ ସାଇକଲରେ ଅଳ୍ପ ଦୂରରେ ଥିବା ବଡଭାଗ ପୋଖରୀ ନିକଟକୁ ଖେଳିବାକୁ ଯାଇଥିଲେ। ଖେଳୁଥିବା ସମୟରେ ଅସାବଧାନତା କାରଣରୁ ପୋଖରୀରେ ପଡି ଯାଇଥିଲେ ।
ଦୀର୍ଘ ସମୟ ଘରକୁ ନଫେରିବାରୁ ଘର ଲୋକେ ଖୋଜ ଖୋଜି କରି ପୋଖରୀ ହୁଡାରୁ ସାଇକଲକୁ ଦେଖିଥିଲେ । ପରେ ସନ୍ଦେହ ହେବାରୁ ସ୍ଥାନୀୟ ଜନ ସାଧାରଣଙ୍କ ସହଯୋଗରେ ପୋଖରୀରୁ ଖୋଜାଖୋଜି କରିବା ପରେ ୨ ଭାଇଙ୍କୁ ଠାବ କରିଥିଲେ । ତାଙ୍କୁ ତୁରନ୍ତ ଉଦ୍ଧର କରି ଝୁମ୍ପୁରା ଡାକ୍ତର ଖାନା ନେଇଥିଲେ ହେଲେ ସେଠାରେ ଡାକ୍ତର୨ ଭାଇଙ୍କୁ ମୃତ ଘୋଷଣା କରିଥିଲେ ।
