ମହାବଳକୁ ବିଷ ଦେଇ ମାରିଦେବା ଅଭିଯୋଗ ପରେ ତନାଘନା, ଓଡ଼ିଶା ଓ ଛତିଶଗଡ ବନବିଭାଗ ପକ୍ଷରୁ ଖୋଳତାଡ଼ ଆରମ୍ଭ
ଛତିଶଗଡ ଉଦନ୍ତୀ ଅଭୟାରଣ୍ୟରେ ଏକ ମହାବଳ ବାଘକୁ ବିଷଦେଇ ମାରିଦେବା ଘଟଣାରେ ଓଡ଼ିଶା ଓ ଛତିଶଗଡ ବନବିଭାଗ ପକ୍ଷରୁ ଖୋଳତାଡ଼ ଆରମ୍ଭ।
କେନ୍ୟୁଜ୍(ବ୍ୟୁରୋ): ମହାବଳ ବାଘକୁ ବିଷ ଦେଇ ମାରିଦେବା ଅଭିଯୋଗ ପରେ ବନବିଭାଗର ତନାଘନା ଆରମ୍ଭ। ଛତିଶଗଡ ଉଦନ୍ତୀ ଅଭୟାରଣ୍ୟରେ ଏକ ମହାବଳ ବାଘକୁ ବିଷଦେଇ ମାରିଦେବା ଘଟଣାରେ ଓଡ଼ିଶା ଓ ଛତିଶଗଡ ବନବିଭାଗ ପକ୍ଷରୁ ଖୋଳତାଡ଼ ଆରମ୍ଭ। ନୂଆପଡା ଜିଲ୍ଲା ଖଡିଆଳ ବନଖଣ୍ଡର ପାଟଦରା ସଂରକ୍ଷିତ ଜଙ୍ଗଲର ଖରତପାଣି ଗାଁରେ ଖଡିଆଳ ବନଖଣ୍ଡ ଅଧିକାରୀ ସୁଶୀଳ କୁମାର ତ୍ରିପାଠୀ ଓ ଛତିଶଗଡ ଉଦନ୍ତୀ ଅଭୟାରଣ୍ୟ ଡିଏଫଓ ବରୁଣ ଜୈନଙ୍କ ନେତୃତ୍ୱରେ ବନବିଭାଗର ସ୍ୱତନ୍ତ୍ର ଟିମ ଚଢାଉ କରିଛି।
ଖରତପାଣିର ଶିକାରୀ ରାମଚନ୍ଦ୍ର ମାଝିଙ୍କ ଘରେ ଚଢାଉ କରି କଲରାପତରିଆ ବାଘଛାଲ,ବାଘନଖ, ହାଡ, କଙ୍କାଳ ଓ ବାରହା ଜବତ ହୋଇଛି। ଉଦ୍ଧାର ହୋଇଥିବା ବାଘଛାଲ, ନଖ ଓ ହାଡର ଡିଏନଏ ଟେଷ୍ଟ ପାଇଁ ୱାଇଲଡଲାଇଫ ଇନଷ୍ଟିଚ୍ୟୁଟ ଅଫ ଇଣ୍ଡିଆଙ୍କୁ ପଠାଯାଇଥିବା ଖଡିଆଳ ବନଖଣ୍ଡ ଅଧିକାରୀ ସୂଚନା ଦେଇଛନ୍ତି। ପୂର୍ବରୁ ଏହି ଘଟଣାରେ ସଂପୃକ୍ତ ଥିବା ୫ଜଣ ଶିକାରୀଙ୍କୁ ବନବିଭାଗ ଗିରଫ କରି କୋର୍ଟ ଚାଲାଣ କରିଛି।
