EOWରେ ବୈଜୟନ୍ତୀ କର, କହିଲେ ଲୋନ୍ ହୋଇଛି ମାତ୍ର ଅଭିଯୋଗ ଭିତ୍ତିହୀନ
EOWରେ ସମ୍ବାଦର HR ମୁଖ୍ୟ । EOW ଅଫିସରେ ହାଜର ହୋଇଛନ୍ତି ବୈଜୟନ୍ତୀ କର । ତେବେ ଲୋନ୍ ହୋଇଛି ମାତ୍ର ଅଭିଯୋଗ ସମ୍ପୂର୍ଣ୍ଣ ଭିତ୍ତିହୀନ ବୋଲି କହିଛନ୍ତି । ଗତକାଲି EOW ପ୍ରେସରିଲିଜ୍ ଦେଇଥିଲା । କର୍ମଚାରୀଙ୍କ ନାଁରେ ଜବରଦସ୍ତ ଲୋନ୍ ନିଆଯାଇଛି ବୋଲି କହିଛି EOW ।
ଭୁବନେଶ୍ୱର (କେନ୍ୟୁଜ): EOWରେ ସମ୍ବାଦର HR ମୁଖ୍ୟ । EOW ଅଫିସରେ ହାଜର ହୋଇଛନ୍ତି ବୈଜୟନ୍ତୀ କର । ତେବେ ଲୋନ୍ ହୋଇଛି ମାତ୍ର ଅଭିଯୋଗ ସମ୍ପୂର୍ଣ୍ଣ ଭିତ୍ତିହୀନ ବୋଲି କହିଛନ୍ତି । ଗତକାଲି EOW ପ୍ରେସରିଲିଜ୍ ଦେଇଥିଲା । କର୍ମଚାରୀଙ୍କ ନାଁରେ ଜବରଦସ୍ତ ଲୋନ୍ ନିଆଯାଇଛି ବୋଲି କହିଛି EOW । ୫୦ କୋଟି ଟଙ୍କା ଆତ୍ମସାତ ହୋଇଥିଲା । ଏନେଇ ୧୫ରୁ ୨୦ କର୍ମଚାରୀ ଅଭିଯୋଗ କରିଛନ୍ତି।
ଗତକାଲି ଭୁବନେଶ୍ବର ସମ୍ବାଦ ଅଫିସରେ କ୍ରାଇମବ୍ରାଞ୍ଚ EOWର ଟିମ୍ ପହଞ୍ଚିଥିଲା । ଖବରକାଗଜ ଅଫିସରେ କର୍ମଚାରୀଙ୍କୁ ଋଣ ମାମଲାରେ ଯାଞ୍ଚ କରିଥିଲା ୧୨ ଜଣିଆ ଟିମ୍ । ସମ୍ବାଦର HR ମୁଖ୍ୟ ବୈଜୟନ୍ତୀ କରଙ୍କୁ ପଚରାଉଚରା ମଧ୍ୟ ହୋଇଥିଲା । ତାଙ୍କୁ ହାଜର ପାଇଁ ପୂର୍ବରୁ ନୋଟିସ ହୋଇଥିଲା । ତେବେ ସେ ହାଜର ହୋଇ ନଥିଲେ । ଏହାପରେ ଭୁବନେଶ୍ବର ସମ୍ବାଦ ଅଫିସରେ ଯାଞ୍ଚ କରିଥିଲେ ୧୨ ଜଣିଆ ଇଓଡବ୍ଲ୍ୟୁ ଟିମ୍ । ଋଣ ସମ୍ପର୍କିତ କାଗଜପତ୍ର ଓ ବ୍ୟାଙ୍କ ଆକାଉଣ୍ଟ ନେଇ ଯାଞ୍ଚ ହୋଇଛି । ଋଣ ସମ୍ପର୍କିତ ଗୁରୁତ୍ବପୂର୍ଣ୍ଣ ଦସ୍ତାବିଜ ମଗାଯାଇଥିବା ସୂଚନା ମିଳିଛି । ତଦନ୍ତକାରୀ ଟିମରେ ଥିଲେ ୪ ଜଣ ଡିଏସପି, ୬ ଜଣ ଇନିସପେକ୍ଟର । ସହିଦନଗର ଥାନା ପୋଲିସ ବି ସେମାନଙ୍କ ସହ ଥିଲା । କର୍ମଚାରୀଙ୍କ ନାଁରେ ସମ୍ବାଦ ଖବରକାଗଜ ଋଣ ଉଠେଇ ଠକେଇ କରିଥିବା ଜଣେ ପୂର୍ବତନ କର୍ମଚାରୀ EOWରେ ଅଭିଯୋଗ କରିଥିଲେ । ସମ୍ପାଦକ ସୌମ୍ୟରଞ୍ଜନ ପଟ୍ଟନାୟକ ଓ ମାନବ ସମ୍ବଳ ବିଭାଗ ମୁଖ୍ୟ ବୈଜୟନ୍ତୀ କରଙ୍କ ନାଁରେ କରିଥିଲେ ଅଭିଯୋଗ ।
