କଟକ: ଶିବ ମନ୍ଦିର ନିକଟରୁ ୧୫ ଫୁଟର ଅଜଗର ସାପ ଉଦ୍ଧାର, ଜଙ୍ଗଲରେ ଛାଡିଲା ବନବିଭାଗ
ଚୌଦ୍ୱାର(କେନ୍ୟୁଜ୍): ୧୫ଫୁଟର ଅଜଗର ଉଦ୍ଧାର । କଟକ ଜିଲ୍ଲା ଚୌଦ୍ୱାର ଥାନା ବାଣିପଦା ଶିବ ମନ୍ଦିର ନିକଟରୁ ଏକ ୧୫ ଫୁଟର ଅଜଗର ଉଦ୍ଧାର ହୋଇଛି । ମନ୍ଦିର ନିକଟରେ ଥିବା କଂକ୍ରିଟ ରାସ୍ତା ଦେଇ ସାପଟି ପାର ହେଉଥିବା ବେଳେ କିଛି ବାଇକ ଚାଳକ ଦେଖିଥିଲେ । ଖବର ପାଇ ସ୍ଥାନୀୟ ଲୋକେ ପହଞ୍ଚି ସାପଟିକୁ ଉଦ୍ଧାର କରି ବନ ବିଭାଗକୁ ଖବର ଦେଇଥିଲେ । ଘଟଣାସ୍ଥଳରେ ଫରେଷ୍ଟର ଓ ବନରଖି ପହଞ୍ଚି ସାପଟିକୁ ନେଇ ନିକଟ ଜଙ୍ଗଲରେ ଛାଡି ଦେଇଛନ୍ତି ।
