ଭଦ୍ରକ: ତିହିଡି ମହରମପୁର ପଞ୍ଚାୟତ ସାଠିବାଟି ଗ୍ରାମରେ କୁମ୍ଭୀର ଆତଙ୍କ, ନାକେଦମ ହେଲାଣି ବନବିଭାଗ
ଚାନ୍ଦବାଲି(କେନ୍ୟୁଜ୍): ତିହିଡି ବ୍ଲକ ମହରମପୁର ପଞ୍ଚାୟତ ସାଠିବାଟି ଗ୍ରାମରେ କୁମ୍ଭୀର ଆତଙ୍କ। ଗାଁ ପୋଖରୀରେ ପଶିଛି କୁମ୍ଭୀର। ବନବିଭାଗ ଓ ଅଗ୍ନିଶମ ବିଭାଗ ପକ୍ଷରୁ କୁମ୍ଭୀରକୁ ଉଦ୍ଧାର କାର୍ଯ୍ଯ ଜାରି ରହିଛି। କୁମ୍ଭୀର ଧରିବାକୁ ନାକେଦମ ହେଲାଣି ବନବିଭାଗ। ପାଖାପାଖି 6ଘଣ୍ଟା ହେଲାଣି ବନବିଭାଗ କୁମ୍ଭୀରକୁ ଧରିବାକୁ ପ୍ରୟାସ ଜାରି ରଖିଥିବା ବେଳେ ଏ ପର୍ଯ୍ୟନ୍ତ କୁମ୍ଭୀର ଧରପଡ଼ିନି।
ସୂଚନା ମୁତାବକ ତିହିଡି ବ୍ଲକ ସାଠିବାଟି ଗ୍ରାମରେ ଏକ ପୋଖରୀରେ କୁମ୍ଭୀର ଥିବା ଗ୍ରାମବାସୀ ଦେଖିବାକୁ ପାଇଥିଲେ। ସ୍ଥାନୀୟ ଥାନା.ବନବିଭାଗ ଓ ଅଗ୍ନିଶମ ବିଭାଗକୁ ଅବଗତ କରାଯିବା ପରେ ଅଜି ସକାଳୁ ବନ ବିଭାଗ କର୍ମଚାରୀମାନେ ଉକ୍ତ ପୋଖରୀ ନିକଟରେ ପହଞ୍ଚି ଅନୁଧ୍ଯାନ କରିବା ପରେ କୁମ୍ଭୀର ଥିବା ସ୍ପଷ୍ଟ ହୋଇଥିଲେ। ଅଗ୍ନିଶମ ବିଭାଗ ପକ୍ଷରୁ ୨ ଟି ଓ ଅନ୍ଯ ୨ଟି ପମ୍ପସେଟ ଲଗାଇ ପୋଖରୀରୁ ପାଣି ଶୁଖା କାର୍ଯ୍ୟ ଜାରି ରହିଛି। ପାଣି କମିବା ପରେ କୁମ୍ଭୀରକୁ ଉଦ୍ଧାର କରାଯିବ ବୋଲି ଜଣାଯାଇଛି। ଏହି କୁମ୍ଭୀର ଦେଖିବା ପାଇ୍ଁ ହଜାର ହଜାର ଲୋକଙ୍କ ଭିଡ ଜମିଛି।
