ପିପିଲି : ଫନିର ଏକ ମାସ ପରେ ବି ପିପିଲିରେ ସ୍ୱାଭାବିକ ହୋଇପାରିନି ବିଦ୍ୟୁତ ବ୍ୟବସ୍ଥା । ଏବେ ବି ଶତକଡା ୮୦ଭାଗ ଗ୍ରାମଞ୍ଚଳରେ ବିଦ୍ୟୁତ ସଂଯୋଗ କରାଯାଇନାହିଁ । ଯେଉଁ କିଛି ଅଞ୍ଚଳରେ ବିଦ୍ୟୁତ ସେବା ପହଞ୍ଚିଛି ସେଠାରେ କେବଳ ରାତିରେ ବିଦ୍ୟୁତ ଦିଆଯାଉଛି । ସକାଳ ୭ଟାରୁ ରାତି ୮ଟା ପର୍ଯ୍ୟନ୍ତ ବନ୍ଦ ରହୁଛି ବିଦ୍ୟୁତ ସରବରାହ । ପିପିଲି ବଜାରରେ ଲୋକେ ଜେନେରେଟର ଲଗାଇ ଲାଇଟ୍ ଜାଳୁଛନ୍ତି । ବିଦ୍ୟୁତ ସେବା ନମିଳିବାରୁ ବ୍ୟବସାୟ ଉପରେ ଜୋରଦାର ପ୍ରଭାବ ପଡୁଛି । ଯାହାକୁ ନେଇ ଉଭୟ ବ୍ୟବସାୟୀ ଓ ସାଧାରଣ ଲୋକ ଅସନ୍ତୋଷ ପ୍ରକାଶ କରିଛନ୍ତି।