ଜଙ୍ଗଲରେ ପଡିଛି ହାତୀର ମୃତଦେହ, ବ୍ୟବଛେଦ ପରେ ସ୍ପଷ୍ଟ ହେବ କାରଣ
କୁଚିଣ୍ଡା (କେନ୍ୟୁଜ୍): ଜଙ୍ଗଲରେ ହାତୀର ମୃତଦେହ ଠାବ ହୋଇଛି। ସମ୍ବଲପୁର ଜିଲ୍ଲା ବାମରା ବନଖଣ୍ଡ କୁଚିଣ୍ଡା ରେଞ୍ଜ ଅନ୍ତର୍ଗତ ବିଞ୍ଜିଖୋଲ ଗାଁ ନିକଟସ୍ଥ ଜଙ୍ଗଲରେ ଏକ ହାତୀର ମୃତଦେହ ଠାବ ହୋଇଛି । ହାତୀର ମୃତଦେହଟି ଯେଉଁଠାରେ ପଡିଛି ସେହି ସ୍ଥାନଟି ସୁନ୍ଦରଗଡ ଓ ସମ୍ବଲପୁର ସୀମାରେ ହୋଇଥିବା ବେଳେ ବନବିଭାଗ ପହଞ୍ଚିବାରେ କିଛିଟା ବିଳମ୍ବ ହୋଇଥିଲା । ତଦନ୍ତ ପରେ ହାତୀ ପାଟିରେ ଘା ହୋଇ ପଚି ଯାଇଥିବା ଦେଖିବାକୁ ମିଳିଥିଲା। ବନ ବିଭାଗ ହାତୀର ମୃତଦେହକୁ ବ୍ୟବଚ୍ଛେଦ ପାଇଁ ପଠାଇଛି ।
ଘଟଣା ସ୍ଥଳରେ ବାମରା ଡିଏଫଓ ଏବଂ ରେଞ୍ଜର ଗଗନ ବିହାରୀ ମଲ୍ଲିକ ଓ ବନ କର୍ମଚାରୀ ଉପସ୍ଥିତ ଅଛନ୍ତି। ତଥାପି କେଉଁ କାରଣରୁ ହାତୀର ମୃତ୍ୟୁ ହୋଇଛି ତାହା ଅସ୍ପଷ୍ଟ ରହିଥିବା ବେଳେ ବ୍ୟବଚ୍ଛେଦ ରିପୋର୍ଟ ପରେ କାରଣ ସ୍ପଷ୍ଟ ଜଣାପଡିବ ବୋଲି ରେଞ୍ଜର ସୂଚନା ଦେଇଛନ୍ତି।
