ରାଜ୍ଯରେ ପ୍ରଥମ ଓମିକ୍ରନ୍ ଆକ୍ରାନ୍ତଙ୍କ ମୃତ୍ଯୁ! ଶବ ସତ୍କାର ପରେ ଜଣାପଡିଲା ଥିଲେ ସଂକ୍ରମିତ
ବଲାଙ୍ଗିର (କେନ୍ଯୁଜ୍): ବଲାଙ୍ଗିର ଆଗଲପୁର ବ୍ଲକର କୁଟାସିଙ୍ଗାରେ ଓମିକ୍ରନ ସଂକ୍ରମିତ ଚିହ୍ନଟ । ଜିଲ୍ଲାରେ ପ୍ରଥମ ଓମିକ୍ରନ ରୋଗୀ ଚିହ୍ନଟ ହୋଇଥିବା ଜଣାପଡିଛି । ଗତ ଡିସେମ୍ବର ୨୭ ତାରିଖରେ ବ୍ୟକ୍ତି ଜଣଙ୍କର ଚିକିତ୍ସାଧୀନ ଅବସ୍ଥାରେ ବୁର୍ଲା ମେଡିକାଲରେ ଦେହାନ୍ତ ହୋଇଥିଲା । ତେବେ ଗତକାଲି ସେ ଓମିକ୍ରନରେ ଆକ୍ରାନ୍ତ ଥିବା ରିପୋର୍ଟରେ ଜଣାପଡିଛି । ଏବେ ଶବ ସତ୍କାର କରିଥିବା ଲୋକଙ୍କୁ ଖୋଜୁଛିି ସ୍ୱାସ୍ଥ୍ୟ ବିଭାଗ।
ସୂଚନା ଥାଉକି, ରାଜ୍ୟରେ କରୋନାର ଲମ୍ବା ଲମ୍ଫ । ଗତ ୨୪ଘଣ୍ଟାରେ ଆଉ ୧୮୯୭ କରୋନା ପଜିଟିଭ୍ ଚିହ୍ନଟ ହୋଇଛନ୍ତି । ଆଉ ଜଣେ କରୋନା ଆକ୍ରାନ୍ତଙ୍କ ମୃତ୍ୟୁ ହୋଇଛି । ଖୋର୍ଦ୍ଧା ଜିଲ୍ଲାରୁ ସର୍ବାଧିକ ୬୬୯ ନୂଆ ପଜିଟିଭ୍ ଚିହ୍ନଟ ହୋଇଛନ୍ତି । ଯାହା ମୋଟ ଆକ୍ରାନ୍ତଙ୍କ ୩୫.୨୬ ପ୍ରତିଶତ ।
ଆଜି ମୋଟ ପଜିଟିଭିଟି ରେଟ୍ ରହିଛି ୨.୬୨ ପ୍ରତିଶତ । ସୁନ୍ଦରଗଡ଼ରୁ ୨୬୨ ଓ କଟକରୁ ୧୪୮ ଏବଂ ସମ୍ବଲପୁରରୁ ୧୨୫, ବାଲେଶ୍ୱରରୁ ୧୦୦ ନୂଆ କେସ୍ ରହିଛି । ୦ରୁ ୧୮ବର୍ଷ ମଧ୍ୟରେ ୨୫୮ ଆକ୍ରାନ୍ତ ରହିଛନ୍ତି । ଆକ୍ଟିଭ୍ କେସ୍ ରହିଛି ୫ ହଜାର ୭୩୯ । ୨୪ ଘଣ୍ଟାରେ ୭୨ ହଜାର ୩୭୦ ଟେଷ୍ଟିଂ ହୋଇଛି । ଗତକାଲି ରାଜ୍ୟରେ ୬୮ ହଜାର ୮୭୮ ଟେଷ୍ଟିଂ ହୋଇଥିଲା । ୧ହଜାର ୨୧୬ ପଜିଟିଭ୍ ଚିହ୍ନଟ ହୋଇଥିଲେ । ମୋଟ ପଜିଟିଭିଟି ରେଟ୍ ଥିଲା ୧.୭୬ ପ୍ରତିଶତ ।
