ଗଞ୍ଜାମ: ମାସ୍କ ପିନ୍ଧି ଆସିବନି ତ ରାସନ ସାମଗ୍ରୀ ମିଳିବନାହିଁ, ନିୟମକୁ କଡାକଡ଼ି କଲେ ଗଞ୍ଜାମ ଜିଲ୍ଲାପାଳ
ଗଞ୍ଜାମ(କେନ୍ୟୁଜ): ଆଜି ଠାରୁ ଘରୁ ପଦାକୁୁ ବାହାରିଲେ ମାସ୍କ ପିନ୍ଧିବା ବାଧ୍ୟତାମୂଳକ କରିଛନ୍ତି ସରକାର । ସାରା ଓଡିଶାରେ ଏହି ନିୟମ ଆଜି ଠାରୁ ଲାଗୁହୋଇଛି । ଆଜି ଠାରୁ ସକାଳ ୭ ଟା ରୁ ଏହି ନିର୍ଦ୍ଦେଶ ସାରା ରାଜ୍ୟରେ ଲାଗୁ ହେବା ନେଇ ଆଗରୁ ଘୋଷଣା କରିସାରିଥିଲେ ରାଜ୍ୟ ସରକାର । ରାଜ୍ୟସରକାରଙ୍କ ଏହି ନିୟମକୁ କଡାକଡି ଭାବେ ଲାଗୁକରିଛନ୍ତି ଗଞ୍ଜାମ ଜିଲ୍ଲାପାଳ। ମାସ୍କ ପିନ୍ଧି ଆସିଲେ ରାସନ ସାମଗ୍ରୀ ମିଳିବ ନଚେତ ରାସନ ଦିଆଯିବ ନାହିଁ ବୋଲି ଘୋଷଣା କରିଛନ୍ତି ଗଞ୍ଜାମ ଜିଲ୍ଲାପାଳ ।
No mask … no grocery, no vegetables, no fruits, no medicine.
All shopkeepers requested to place one Board requesting people to wear MASK 😷 otherwise they will be denied from purchasing essential items. @CMO_Odisha @HFWOdisha— Collector & District Magistrate, Ganjam (@Ganjam_Admin) April 9, 2020
କେବଳ ରାସନ ନୁହେଁ ଏମିତିରେ ପନିପରିବା ମଧ୍ୟ ମିଳିବ ନାହିଁ ବୋଲି ମଧ୍ୟ କହିଛନ୍ତି ଜିଲ୍ଲାପାଳ । ସମସ୍ତ ଦୋକାନୀ ଗୁଡିକୁ ଜିଲ୍ଲା ପ୍ରଶାସନ ଅନୁରୋଧ କରିଛନ୍ତି ।ଏନେଇ ସମସ୍ତ ଦୋକାନ ଗୁଡିକ ଆଗରେ ସୂଚନା ଫଳକ ଝୁଲାଯିବ । ଦୋକାନୀମାନେ ଏହା ପାଳନ ନକଲେ ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ନିଆଯିବ ବୋଲି ଟୁଇଟ୍ କରିଛନ୍ତି ଗଞ୍ଜାମ ଜିଲ୍ଲାପାଳ ।
