ନୂଆଦିଲ୍ଲୀ(କେନ୍ୟୁଜ୍): ଚଳିତ ବଜେଟ୍ ବେଷ୍ଟ ବଜେଟ୍ ନୁହଁ । ବଜେଟ୍ରୁ ନିଯୁକ୍ତି ସୁଯୋଗ ଆଶା କରାଯାଉଥିଲା । ତେବେ ବଜେଟ୍ ପରେ ସେନସେକ୍ସ ଖସିଲା । କାହିଁକି ଏପରି ହେଲା, ସେନେଇ ଅର୍ଥମନ୍ତ୍ରୀ କହିବା ଉଚିତ ବୋଲି ବଜେଟ୍ ଆଲୋଚନାରେ ଭାଗ ନେଇ ପ୍ରଶ୍ନ କରିଛନ୍ତି ବିଜେଡି ସାଂସଦ ଭର୍ତ୍ତୃହରି ମହତାବ ।
ସେହିପରି ବିଜେପି ସାଂସଦ ଅପରାଜିତା ଷଡ଼ଙ୍ଗୀ ଗବେଷଣା କ୍ଷେତ୍ରରେ ପ୍ରୋତ୍ସାହନକୁ ଗୁରୁତ୍ୱ ଦେଇଛନ୍ତି। ସେପଟେ ରାଜ୍ୟସଭାରେ ବିଜେଡି ସାଂସଦ ସସ୍ମିତ ପାତ୍ର ଉଠାଇଛନ୍ତି ମହିଳା ସଂରକ୍ଷଣ ବିଲ୍ ପ୍ରସଙ୍ଗ ।
କହିଛନ୍ତି ନିର୍ବାଚନ ପୂର୍ବରୁ ଚର୍ଚ୍ଚାରେ ଏହାକୁ ନେଇ ଚର୍ଚ୍ଚା ଜୋରଥିବା ବେଳେ ନିର୍ବାଚନ ପରେ ଏହାକୁ ନେଇ ଚର୍ଚ୍ଚା ନାହିଁ। ଏହାର ଗୁରୁତ୍ୱ ଅଧିକ ଥିବାରୁ କେନ୍ଦ୍ର ସରକାର ତୁରନ୍ତ ବିଲ୍କୁ ଗୃହରେ ଆଣିବାକୁ ସେ ଦାବି କରିଛନ୍ତି।