ସମ୍ବଲପୁର: ପୋଲିସକୁ ବାନ୍ଧିଲା ପୋଲିସ, ସରକାରୀ ଗାଡିରେ ଗଞ୍ଜେଇ ଚୋରାଚାଲାଣ ବେଳେ ଧରାପଡିଲେ ପୋଲିସ ବାବୁ
ସମ୍ବଲପୁର(କେନ୍ୟୁଜ୍): ଖାକିରେ ଲାଗିଲା କଳଙ୍କ। ଗଞ୍ଜେଇ ଚୋରାଚାଲାଣ ବେଲେ ଧରାପଡିଲେ ପୋଲିସ ବାବୁ । ଝାରସୁଗୁଡା ଜିଆରପିର ଜଣେ କନଷ୍ଟେବଲ ସରକାରୀ ଗାଡିରେ ଗଞ୍ଜେଇ ନେଇ ଯାଉଥିବାବେଳେ ସମ୍ବଲପୁର ରେଙ୍ଗାଲି ପୋଲିସ ହାତରେ ଧରାପଡିଛନ୍ତି। ଗିରଫ ହୋଇଥିବା କନେଷ୍ଟେବଲ ଜଣକ ହେଉଛନ୍ତି ପୂର୍ଣ୍ଣଚନ୍ଦ୍ର ପାତ୍ର ଓ ସେ ଝାରସୁଗୁଡା ଜିଆରପି ପୋଲିସର ଡ୍ରାଇଭର ଅଟନ୍ତି। ତାଙ୍କଠାରୁ ୨୧ କେଜି ଗଞ୍ଜେଇ ଜବତ କରିବା ସହ ରେଙ୍ଗାଲି ପୋଲିସ ସରକାରୀ ଗାଡିକୁ ମଧ୍ଯ ଜବତ କରିଛି ।
ତେବେ କନଷ୍ଟେବଳ ଜଣକ ଏହି ଗଞ୍ଜେଇ କେଉଁଠିକୁ ନେଇକି ଯାଉଥିଲେ ଓ ଏଭଳି ଚୋରା ଚାଲାଣର ସେ କେବେଠାରୁ ସମ୍ପୃକ୍ତ ହେଲେଣି ତାହାର ଅଧିକ ତଦନ୍ତ କରୁଛି ରେଙ୍ଗାଲି ପୋଲିସ । ଏହା ସହ ତାଙ୍କ ନାଁରେ ଏନଡିପିଏସ ଆକ୍ଟରେ ମାମଲା ରୁଜୁ ହୋଇଛି ।
