ପୁରୀର ୫ ବର୍ଷର ଶିଶୁକନ୍ୟାକୁ ଦୁଷ୍କର୍ମ ଘଟଣା: ଆଜି ଅଭିଯୁକ୍ତ ମହେଶକୁ କୋର୍ଟ ଚାଲାଣ କରାଯିବ
ପୁରୀ(କେନ୍ୟୁଜ୍): ପୁରୀ ଟାଉନ୍ ଥାନା ଅଞ୍ଚଳରେ ୫ ବର୍ଷର ଶିଶୁକନ୍ୟାକୁ ଦୁଷ୍କର୍ମ ଘଟଣାକୁ ରେଡ ଫ୍ଲାଗ ମାମଲା ଭାବେ ଗ୍ରହଣ କରିଛି ପୋଲିସ । ୨୦ ଦିନ ମଧ୍ୟରେ କୋର୍ଟରେ ଚାର୍ଜସିଟ୍ ଦାଖଲ କରାଯିବ। ଅଭିଯୁକ୍ତ ମହେଶ ମହାନ୍ତିର ଡାକ୍ତରୀ ମାଇନା କରାଯିବ । ଆଜି ଅଭିଯୁକ୍ତ ମହେଶକୁ କୋର୍ଟ ଚାଲାଣ କରାଯିବ । ଦରକାର ପଡ଼ିଲେ ତାକୁ ରିମାଣ୍ଡରେ ଅଣାଯିବ ବୋଲି ପୁରୀ ଏସ୍ପି କନଓ୍ଵର ବିଶାଲ ସିଂ ଏହି ସୂଚନା ଦେଇଛନ୍ତି । ଗତକାଲି ପୁରୀ-ଭୁବନେଶ୍ୱର ସୀମାନ୍ତ ଅଞ୍ଚଳରୁ ଅଭିଯୁକ୍ତ ମହେଶକୁ ଗିରଫ ହୋଇଛି।
୨୩ତାରିଖରେ ଟାଉନ ଥାନାର ସିଦ୍ଧବକୁଳ ଲେନ୍ରେ ଲଜ୍ଜାଜନକ ଘଟଣା ଘଟିଥିଲା। ଏହାପରେ ଘଟଣାସ୍ଥଳରୁ ଫେରାର ହୋଇଯାଇଥିଲା ଅଭିଯୁକ୍ତ। ତାକୁ ଧରିବା ପାଇଁ ଗଠନ ହୋଇଥିଲା ୪ଟି ଟିମ୍ । ୩ ଦିନ ପରେ ଗିରଫ ହୋଇଥିଲା ଅଭିଯୁକ୍ତ। ପ୍ରଥମେ ଗୁରୁତର ଅବସ୍ଥାରେ ନାବାଳିକାକୁ ସଦର ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା। ପରେ କଟକ ବଡ ମେଡିକାଲକୁ ସ୍ଥାନାନ୍ତର କରାଯାଇଛି। ସେଠାରେ ଚିକିତ୍ସାଧୀନ ରହିଛି ପୀଡ଼ିତା ଶିଶୁକନ୍ୟା।
