ମୟୂରଭଞ୍ଜ : ପ୍ରେମୀଯୁଗଳଙ୍କ ଆତ୍ମହତ୍ୟା । ମୟୂରଭଞ୍ଜ ଜିଲ୍ଲା ତିରିଂ ଥାନା ଗିତିଲତା ଗାଁରେ ଡୁଙ୍ଗୁରୀରୁ ମୃତଦେହ ଉଦ୍ଧାର କରିଛି ପୋଲିସ । ମୃତକ ହେଲେ ଗିତିଲତା ଗାଁର ରାମେଶ୍ୱର ପାତ୍ର ଓ ସାବିତ୍ରୀ ନାଏକ । ସେମାନଙ୍କ ମଧ୍ୟରେ ପ୍ରେମ ସଂପର୍କ ଥିଲା । ହେଲେ ରାମେଶ୍ୱର ବିବାହିତ ହୋଇଥିବା ବେଳେ ଭିନ୍ନ ଜାତି ପାଇଁ ବିବାହ ଲାଗି ଝିଅ ଘର ଲୋକ ରାଜି ହୋଇନଥିଲେ ବୋଲି କୁହାଯାଉଛି ।
ପୂର୍ବରୁ ଏନେଇ ଗାଁରେ ବୈଠକ ପରେ ଘଟଣା ଥାନାକୁ ମଧ୍ୟ ଯାଇଥିଲା । ପରେ ରାମେଶ୍ୱର ଗାଁରେ ରହୁଥିବା ବେଳେ ଝିଅ ଟାଟାରେ ରହୁଥିଲେ । ଆଜି ଗଛରୁ ଝୁଲନ୍ତା ଅବସ୍ଥାରେ ଦୁହିଙ୍କ ମୃତଦେହ ଉଦ୍ଧାର କରାଯାଇଛି । ପୋଲିସ ଘଟଣାର ତଦନ୍ତ ଚଳାଇଛି ।