କାମାକ୍ଷାନଗର ବଡସୁଆଁଳ ରଙ୍ଗମାଟିଆ ନିକଟରେ ପାଣି ପାଇଁ ରାସ୍ତାରୋକ
କାମାକ୍ଷାନଗର: ପାଣି ପାଇଁ ରାସ୍ତାରୋକ। ଢେଙ୍କାନାଳ ଜିଲ୍ଲା କାମାକ୍ଷାନଗର ଥାନା ବଡସୁଆଁଳ ରଙ୍ଗମାଟିଆ ନିକଟରେ ୫୩ନମ୍ବର ଜାତୀୟ ରାଜପଥ ଅବରୋଧ। ଦୀର୍ଘଦିନ ହେବ ବନ୍ୟାସାହି ଓ ରଙ୍ଗମାଟିଆ ସାହିରେ ପାନୀୟ ଜଳ ସମସ୍ୟା ଲାଗି ରହିଛି। ଗୋଟିଏ କୂଅ ଓ ନଳକୂପ ଉପର ସାହିର ପ୍ରାୟ ୧୫୦ଟି ପରିବାର ନିର୍ଭର କରିଥାନ୍ତି।
ସମସ୍ୟା ଦୂର ପାଇଁ ବାରମ୍ବାର ଅଭିଯୋଗ ପରେ ମଧ୍ୟ ସମାଧାନ ନେହେବାରୁ ରାସ୍ତାରୋକ କରିଥିଲେ। ଗୋଟିଏ ଗରା, ମାଠିଆ ଓ ବାଲ୍ତି ଧରି ରାସ୍ତା ଉପରେ ବସିରହିଥିଲେ। ଫଳରେ ରାସ୍ତାର ଉଭୟ ପାର୍ଶ୍ୱରେ ଗାଡି ମୋଟର ଅଟକି ରହିଥିଲା। କାମାକ୍ଷାନଗର ପୋଲିସ ପହଞ୍ଚି ବୁଝାସୁଝା କରି ପ୍ରତିଶୃତି ଦେବା ପରେ ପ୍ରାୟ ୨ଘଣ୍ଟା ପରେ ଆନ୍ଦୋଳନ ହଟିଥିଲା।
