ସପନ ସରକାରଙ୍କ ଗାଁରେ ଶୋକାକୂଳ ପରିବେଶ: ୪ ଜଣଙ୍କ ଶବ ବ୍ୟବଚ୍ଛେଦ ରିପୋର୍ଟକୁ ଅପେକ୍ଷା
ନବରଙ୍ଗପୁର (କେନ୍ୟୁଜ୍): ସପନ ସରକାରଙ୍କ ଗାଁରେ ଶୋକାକୂଳ ପରିବେଶ । ପରିବାରର ୪ ଜଣଙ୍କ ମୃତ୍ୟୁକୁ ସହଜରେ କେହି ଗ୍ରହଣ କରିପାରୁନାହାନ୍ତି । ଗତକାଲି ବିଳମ୍ବିତ ରାତିରେ ଅନ୍ତିମ ସଂସ୍କାର କରାଯାଇଛି । ପୋଲିସର ତଦନ୍ତ ରିପୋର୍ଟ ଓ ଶବ ବ୍ୟବଚ୍ଛେଦ ରିପୋର୍ଟକୁ ଅପେକ୍ଷା କରାଯାଇଛି । ସପନଙ୍କ ପରିବାର ଗୋଟିଏ ପ୍ରକାର ବେସାହାରା ହୋଇଛନ୍ତି ଓ ଦୁଃଖରେ ଭାଙ୍ଗି ପଡିଛନ୍ତି ।
ନବରଙ୍ଗପୁର ଜିଲ୍ଲା ରାଇଘର ତହସିଲ କାର୍ଯ୍ୟାଳୟରେ ସୁପରଭାଇଜର୍ ଥିଲେ ସପନ ସରକାର । ସପନ୍ ନିଜ ପତ୍ନୀ ଓ ଦୁଇଜଣ ସମ୍ପର୍କୀୟଙ୍କ ସହ ଶନିବାର ରାତିରେ ଭୋଜି ଖାଇ ଛତିଶଗଡ଼ର କାଙ୍କେରରୁ ବାହାରିଥିଲେ । ପରେ ଆଉ ତାଙ୍କର ଖୋଜ୍ ଖବର ମିଳିନଥିଲା । ବହୁ ଖୋଜାଖୋଜି ପରେ କାଙ୍କେର ୩୦ ନମ୍ବର ଜାତୀୟ ରାଜପଥ ନିକଟ ଏକ ପରିତ୍ୟକ୍ତ କୂଅ ମଧ୍ୟରୁ ଗାଡ଼ି ସହ ୪ ଜଣଙ୍କ ମୃତଦେହ ଉଦ୍ଧାର କରାଯାଇଥିଲା । ଅନ୍ୟ ତିନିଟି କାର ଘରକୁ ଫେରିଥିବା ବେଳେ ସପନଙ୍କ ଗାଡ଼ି ଆଉ ଘରକୁ ଫେରିନଥିଲା ।
