ମାଲକାନାଗିରି (କେନ୍ଯୁଜ୍) : ସାହସିକତାର ଏକ ବଡ଼ ଉଦାହରଣ ସାଜିଲେ ଶିକ୍ଷକ । କାନ୍ଧରେ ବସାଇ ଛାତ୍ରଛାତ୍ରୀଙ୍କୁ ନଦୀ ପାର କଲେ । ଏଭଳି ଦୃଶ୍ୟ ଦେଖିବାକୁ ମିଳିଛି ମାଳକାନାଗିରି ଜିଲ୍ଲା ସୀମାନ୍ତ ଛତିଶଗଡ଼ର ବିଜାପୁର ଜିଲ୍ଲାର ଚିତ୍ରକୋଡପାଲ ଗାଁରେ । ଏଠାରେ ରହିଛି ପ୍ରାଇମେରୀ ମିଡିଲ୍ ସ୍କୁଲ୍ ।
ବିଦ୍ୟାଳୟକୁ ଯିବାକୁ ହେଲେ ବିପଦସଙ୍କୁଳ ଅବସ୍ଥାରେ ନାଳ ପାର ହେବାକୁ ପଡିଥାଏ । ପିଲାମାନେ ସ୍କୁଲରୁ ଫେରିବା ବେଳକୁ ପ୍ରବଳ ବର୍ଷା ଯୋଗୁଁ ନାଳରେ ଜଳସ୍ତର ବୃଦ୍ଧି ପାଇବା ସହ ପ୍ରଖର ସ୍ରୋତ ବାଧକ ସାଜିଥିଲା । ତେବେ ପିଲାଙ୍କୁ ପାଠ ପଢ଼ାଉଥିବା ଶିକ୍ଷକ ନିଜ କାନ୍ଧରେ ବୋହି ୧୫ଜଣ ଛାତ୍ରଛାତ୍ରୀଙ୍କୁ ନାଳ ପାର କରିଥିଲେ ।