କରଞ୍ଜିଆ (କେନ୍ୟୁଜ): ମୟୁରଭଞ୍ଜ ଜିଲ୍ଲା ଠାକୁରମୁଣ୍ଡା ଥାନା ଅନ୍ତର୍ଗତ ହାତୀଗୋଡ଼ା ଗ୍ରାମରେ ଘଟିଛି ଏକ ହତ୍ୟାକାଣ୍ଡ। ସ୍ତ୍ରୀର ମୁଣ୍ଡକୁ କଟୁରି କାଟି ହତ୍ୟା କରିଛି ସ୍ୱାମୀ। ଶୁକ୍ରବାର ସକାଳ ପ୍ରାୟ ୯ ଟା ସମୟରେ ଗ୍ରାମର ରାଜେନ୍ଦ୍ର ମହାକୁଡ଼ ତାର ସ୍ତ୍ରୀ ପ୍ରତିମାକୁ ନିଜ ଘରଭିତରେ ଏକ କଟୁରି ନେଇ ମୁଣ୍ଡକୁ କାଟି ମୁଣ୍ଡ ଓ ଗଣ୍ଡି କୁ ଅଲଗା କରି ଦେଇଛି।
ହତ୍ୟା କରିବା ପରେ ମୁଣ୍ଡକୁ ତାଙ୍କ ଘର ଛେଳି ଗୁହାଳ ଭିତରେ ମାଟି ଖୋଳି ପୋତି ଦେଇଥିବା ବେଳେ ହତ୍ୟାକାଣ୍ଡ ସ୍ଥଳରେ ଘର ଭିତରେ ମୁଣ୍ଡ ବିହୀନ ଦେହ ପଡି ରହିଛି।ସ୍ତ୍ରୀ କୁ ହତ୍ୟା କରିବା ପରେ ହତ୍ୟାକାରୀ ରାଜେନ୍ଦ୍ର ବ୍ୟବହୃତ କଟୁରି ନେଇ ଠାକୁରମୁଣ୍ଡା ଥାନାରେ ଆତ୍ମସମର୍ପଣ କରିଛି। ଥାନା ରେ ଆତ୍ମସମର୍ପଣ କରିବା ପରେ ପୋଲିସ ଘଟଣାସ୍ଥଳକୁ ଯାଇ ତଦନ୍ତ ଆରମ୍ଭ କରିଛି। ହତ୍ୟାକାଣ୍ଡ ର କାରଣ ଜଣ ତାହା ଜଣା ପଡ଼ିନାହିଁ। ହତ୍ୟାକାଣ୍ଡ ସ୍ଥଳ କୁ ତଦନ୍ତ କରିବାକୁ ସାଇଣ୍ଟିଫିକ ଟିମ ଆସୁଥିବା ର ଜଣାଯାଇଛି।