ହ୍ୟାକ ହେଲା ଫେସବୁକର ଟ୍ୱିଟର ଓ ଇନଷ୍ଟାଗ୍ରାମ ଆକାଉଣ୍ଟ
ଶୁକ୍ରବାର ସନ୍ଧ୍ୟାରେ ହ୍ୟାକ ହୋଇଛି ଫେସବୁକର ଟ୍ୱିଟର ଓ ଇନଷ୍ଟାଗ୍ରାମ ଆକାଉଣ୍ଟ । ତେବେ ଏହାକୁ OurMine ଗ୍ରୁପ ହ୍ୟାକ କରିଛି ବୋଲି ଦାବି କରିଛି । ଏହି ଗୃପର କହିବା ଅନୁଯାୟୀ ସେ ଗତ ସପ୍ତାହରେ NFL ଓ ESPNର ସୋସିଆଲ ମିଡ଼ିଆ ଆକାଉଣ୍ଟକୁ ହ୍ୟାକ କରିଥିଲା । ଯଦିଓ ହ୍ୟାକ କରାଯାଇଥିବା ଆକାଉଣ୍ଟ ମାତ୍ର 30 ମିନିଟ ମଧ୍ୟରେ ନର୍ମାଲ ହୋଇଯାଇଥିଲା ।
ତେବେ ନିଜକୁ ଦାୟୀ କରିଥିବା OurMine ଗ୍ରୁପ ଫେସବୁକର ଟ୍ୱିଟର ଆକାଉଣ୍ଟ ଦ୍ୱାରା ଅନେକ ପୋଷ୍ଟ କରିଛି । ତାସହିତ ମେସେଞ୍ଜର ଆକାଉଣ୍ଟରେ ମଧ୍ୟ କିଛି ପୋଷ୍ଟ କରିଛି । ଏକ ରିପୋର୍ଟ ଅନୁଯାୟୀ ଡିଲିଟ କରାଯିବା ପୂର୍ବରୁ ସେମ ପୋଷ୍ଟ ଅନେକଥର ପୋଷ୍ଟ କରାଯାଇଥିଲା । ତେବେ ଏହି ସାଇଟ ଟ୍ୱିଟରରେ କିଛି ଫଟୋ ମଧ୍ୟ ସେୟାର କରିଛି । ଏହି ମେସେଜ ଟ୍ୱିଟରର ଅଫିସିଆଲ ମେସେଞ୍ଜର ହ୍ୟାଣ୍ଡେଲରୁ ମଧ୍ୟ ପୋଷ୍ଟ କରାଯାଇଥିଲା ।
ଏକ ଷ୍ଟେଟମେଣ୍ଟରେ ଟ୍ୱିଟର କହିଥିଲା ଯେ ହ୍ୟାକିଂ ଥାର୍ଡ଼ ପାର୍ଟି ପ୍ଲାଟଫର୍ମ ଦ୍ୱାରା କରାଯାଇଥିଲା । ତେବେ କମ୍ପାନୀର କହିବା ଅନୁଯାୟୀ ଯେତେବେଳେ ହ୍ୟାକିଂ ପରେ ଏହାର ସୂଚନା ମିଳିଥିଲା ଆମେ ସଙ୍ଗେ ସଙ୍ଗେ ହ୍ୟାକ କରାଯାଇଥିବା ଆକାଉଣ୍ଟକୁ ଲକ କରିଥିଲୁ ଏବଂ ଏହାକୁ ରିଷ୍ଟୋର କରିବା ପାଇଁ ଫେସବୁକରେ ଆମର ପାର୍ଟନରସ ମାନେ କାମ କରୁଛନ୍ତି ।
OurMine ଗ୍ରୁପ ଅଫିସିଆଲ ଫେସବୁକ ଏବଂ ମେସେଞ୍ଜର ଇନଷ୍ଟାଗ୍ରାମ ଆକାଉଣ୍ଟକୁ ହ୍ୟାକ କରିଥିଲା । ତେବେ ପବ୍ଲିକେସନ ଏହାର ଫଟୋକୁ ମଧ୍ୟ ସେୟାର କରିଛି । ଏକ ରିପୋର୍ଟରେ କୁହାଯାଇଛି ଯେ ଫେସବୁକ ନିଜେ ହ୍ୟାକ ହୋଇନାହିଁ ନା ହିଁ ଟ୍ୱିଟରରେ ହ୍ୟାକିଂ ହୋଇଛି । ହୁଏତ ଏହା ଥାର୍ଡ଼ ପାର୍ଟି ସର୍ଭିସ Khoros ଦ୍ୱାରା ପଠାଯାଇଛି ଯାହାକୁ NFL ଆକାଉଣ୍ଟରୁ ହାଇଜ୍ୟାକଡ ଟ୍ୱିଟ ପଠାଇବା ପାଇଁ ବ୍ୟବହାର କରାଯାଇଥିଲା । ତେବେ Khoros ଇନଷ୍ଟାଗ୍ରାମରେ ମଧ୍ୟ ପୋଷ୍ଟ ପବ୍ଲିସ କରିପାରେ । ବର୍ତ୍ତମାନ ପର୍ଯ୍ୟନ୍ତ ଫେସବୁକ ପକ୍ଷରୁ କୌଣସି ପ୍ରତିକ୍ରିୟା ମିଳିପାରିନାହିଁ ।