AnTuTu ଜୁନ ମାସରେ ଟପ୍ ୧୦ ବେଷ୍ଟ ପରଫର୍ମିଙ୍ଗ୍ ଆଣ୍ଡ୍ରଏଡ୍ ଫୋନ୍ ଲିଷ୍ଟ ଜାରୀ କରିଛି। ଲୋକପ୍ରିୟ ବେଞ୍ଚମାର୍କ ଟୁଲ୍ AnTuTu ମୁତାବକ, ଗ୍ଲୋବାଲ୍ ମାର୍କେଟରେ ଜୁନ୍ ମାସର ଟପ୍ ୧୦ ବେଷ୍ଟ ପରଫର୍ମିଙ୍ଗ୍ ସ୍ମାର୍ଟଫୋନ ଲିଷ୍ଟରେ ୱାନପ୍ଲସ ୭ ପ୍ରୋ ପ୍ରଥମ ସ୍ଥାନରେ ରହିଛି। ସେହିଭଳି ଦ୍ବିତୀୟରେ Mi ୯ ଏବଂ ତ୍ରୁତୀୟ ନମ୍ବରରେ Mi ବ୍ଲାର୍କଶାର୍କ ୨ ସ୍ମାର୍ଟଫୋନ ନିଜର ସ୍ଥାନ ବନାଇଦେଇଛି।
ଏହି ଲିଷ୍ଟର ଚତୁର୍ଥ ସ୍ଥାନରେ ରହିଛି Redmi K20। ଯେଉଁଭଳି ଏହି ଲିଷ୍ଟରେ OnePlus 7 Pro ପ୍ରଥମ ସ୍ଥାନରେ ପହଁଚିଛି ସେହିଭଳି ଏହା ସହିତ ଲଞ୍ଚ ହୋଇଥିବା OnePlus 7 ଫୋନ ପଞ୍ଚମ ସ୍ଥାନରେ ରହିଛି। ଟପ୍ ୧୦ ଲିଷ୍ଟରେ Sony, LG ଏବଂ ସାମସଙ୍ଗ୍ ମଧ୍ୟ ନିଜର ସ୍ଥାନ ବଜାୟ ରଖିଛି। ଆସନ୍ତୁ ଜାଣିବା ଏହି ଲିଷ୍ଟରେ ପ୍ରଥମ ସ୍ଥାନରେ ଥିବା OnePlus 7 Pro ବିଷୟରେ।
ୱାନପ୍ଲସ ୭ ପ୍ରୋ ଫିଚର୍ସ
OnePlus 7 Proରେ କମ୍ପାନୀ ୬.୭ ଇଞ୍ଚର QHD+ଫ୍ଲୁଇଡ୍ AMOLED ଡିସପ୍ଲେ ଦିଆଯାଇଛି ଯାହାର ରିଜ୍ୟୁଲେସନ ୩୧୨୦x୧୪୪୦ ପିକ୍ସେଲ ରହିଛି। ସେହିଭଳି ଫୋନର ଆସପେକ୍ଟ ରେସିଓ ୧୮.୫:୯ ଏବଂ ସ୍କ୍ରୀନ ଟୁ ବଡି ରେସିଓ ୯୩% ରହିଛି। ଯେମିତି ପ୍ରଥମ ଲିକରୁ କୁହାଯାଇଥିଲା ଯେ ୱାନପ୍ଲସ୍ ୭ ପ୍ରୋକୁ ମିରର୍ ଗ୍ରେ, ନେବ୍ୟୁଲା ବ୍ଲୁ ଏବଂ ଆଲମଣ୍ଡ କଲରରେ ଲଞ୍ଚ କରାଯାଇଛି।
ଏହା ସହ ପଢ଼ନ୍ତୁ : ୫ ଶକ୍ତିଶାଳୀ ସ୍ମାର୍ଟଫୋନ୍, ଯାହା କେବେ ହୁଏ ନାହିଁ ହ୍ୟାଙ୍ଗ୍
କ୍ୟାମେରାରେ ରହିଛି ଅନେକ ଖାସିୟତ
ୱାନପ୍ଲସ ୭ ପ୍ରୋ ଟ୍ରିପଲ ରିୟର କ୍ୟାମେରା ଏଥିରେ ରହିଛି ଏବଂ ଏଥିରେ ୪୮ ମେଗାପିକ୍ସେଲ+୮ ମେଗାପିକ୍ସେଲ ସେଟଅପ୍ ଦିଆଯାଇଛି। ଫୋନରେ f/୧.୬ ଅପର୍ଚର ସହିତ ୪୮ ମେଗାପିକ୍ସେଲର ସୋନି IMX୫୮୬ ପ୍ରାଇମେରୀ ସେନସର, f/୨.୨ ଅର୍ପଚର ବିଶିଷ୍ଟ ୧୬ ମେଗାପିକ୍ସେଲର ଅଲଟ୍ରା ୱାଇଡ୍ କ୍ୟାମେରା ଏବଂ ୩X ଅପ୍ଟିକାଲ ଜୁମ ସହିତ ୮ ମେଗାପିକ୍ସେଲର ଟେଲିଫଟୋ କ୍ୟାମେରା ଅଛି ଯାହାର ଅର୍ପଚର f/୨.୪ ରହିଛି।
ଭାରତରେ ଏହାର ପ୍ରାରମ୍ଭିକ ଦାମ ରହିଛି ୪୮,୯୯୯ ଟଙ୍କା, ଯାହା ୬ଜିବି+୧୨୮ ଜିବି ଇଣ୍ଟରନାଲ ଷ୍ଟୋରେଜ୍ ବେରିୟଣ୍ଟର ଅଟେ। ଏହାର ୮ ଜିବି ରାମ/୨୫୬ ଜିବି ଷ୍ଟୋରେଜ୍ ବେରିୟଣ୍ଟ ୫୨,୯୯୯ ଟଙ୍କା ଏବଂ ୧୨ ଜିବି ରାମ/ ୨୫୬ ଜିବି ଷ୍ଟୋରେଜ୍ ବେରିୟଣ୍ଟ ୫୭,୯୯୯ ଟଙ୍କାରେ କିଣାଯାଇପାରିବ।