ଲଞ୍ଚ ହେଲା ୨୫୬ ଷ୍ଟୋରେଜର ସବୁଠୁ ଶସ୍ତା ଫୋନ, ଦାମ ମାତ୍ର ୭୯୯୯ ଟଙ୍କା
ହ୍ୟାଣ୍ଡସେଟ ନିର୍ମାତା କମ୍ପାନୀ itel ଭାରତୀୟ ମାର୍କେଟରେ ଗ୍ରାହକଙ୍କ ପାଇଁ ଏକ ନୂତନ ବଜେଟ୍ ସ୍ମାର୍ଟଫୋନ୍ Itel A70 ଲଞ୍ଚ କରିଛି । ଆସନ୍ତୁ ଜାଣିବା ଏହି ଲାଟେଷ୍ଟ ମଡେଲର ମୂଲ୍ୟ ଏବଂ ଦିଆଯାଇଥିବା ସମସ୍ତ ଫିଚର ବିଷୟରେ...
ହ୍ୟାଣ୍ଡସେଟ ନିର୍ମାତା କମ୍ପାନୀ itel ଭାରତୀୟ ମାର୍କେଟରେ ଗ୍ରାହକଙ୍କ ପାଇଁ ଏକ ନୂତନ ବଜେଟ୍ ସ୍ମାର୍ଟଫୋନ୍ Itel A70 ଲଞ୍ଚ କରିଛି । ସୁଲଭ ମୂଲ୍ୟରେ ଲଞ୍ଚ ହୋଇଥିବା ଏହି ବଜେଟ୍ ଫୋନର ଗୁରୁତ୍ୱପୂର୍ଣ୍ଣ ଫିଚରଗୁଡିକ ବିଷୟରେ କହିବାକୁ ଗଲେ ଏହି ଡିଭାଇସରେ ଏକ ଦମଦାର ବ୍ୟାଟେରୀ, ଡୁଆଲ୍ ରିୟର କ୍ୟାମେରା ଏବଂ ତିନୋଟି RAM- ଷ୍ଟୋରେଜ୍ ଭାରିଆଣ୍ଟ ରହିଛି । ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି ଦାମୀ ଆଇଫୋନରେ ମିଳୁଥିବା Apple Dynamic Island ପରି ଫିଚର ମଧ୍ୟ ଏହି ଶସ୍ତା ଫୋନରେ ଦିଆଯାଇଛି ।
Itel A70 ରେ ଉପଲବ୍ଧ ଡାଇନାମିକ୍ ବାର୍ ଫିଚର ଆପଣଙ୍କୁ ନୋଟିଫିକେସନ ଦେଖାଇବ ଏବଂ ନିଶ୍ଚିତ କରିବ ଯେ ଆପଣଙ୍କର ଫୋକସ ଡାଇଭର୍ଟ ହେବ ନାହିଁ, ଆପଣ କେବଳ ଏହି ବାରରେ ସମସ୍ତ ଆଲର୍ଟ ପାଇପାରିବେ । ଆସନ୍ତୁ ଜାଣିବା ଏହି ଲାଟେଷ୍ଟ ମଡେଲର ମୂଲ୍ୟ ଏବଂ ଦିଆଯାଇଥିବା ସମସ୍ତ ଫିଚର ବିଷୟରେ…
ଏହି ଲାଟେଷ୍ଟ itel ମୋବାଇଲ୍ ଫୋନର ତିନୋଟି ପ୍ରକାର, ୪ GB RAM / ୬୪ GB ଷ୍ଟୋରେଜ୍ ଭାରିଆଣ୍ଟ, ୪ GB RAM / ୧୨୮ GB ଷ୍ଟୋରେଜ୍ ଭାରିଆଣ୍ଟ ଏବଂ ୪ GB RAM / ୨୫୬ GB ଷ୍ଟୋରେଜ୍ ଭାରିଆଣ୍ଟ ଲଞ୍ଚ କରାଯାଇଛି । ୬୪ GB ଭାରିଆଣ୍ଟର ମୂଲ୍ୟ ୬୨୯୯ ଟଙ୍କା, ୧୨୮ GB ଭାରିଆଣ୍ଟର ମୂଲ୍ୟ ୬୭୯୯ ଟଙ୍କା ଏବଂ ୨୫୬ GB ଷ୍ଟୋରେଜ୍ ଭାରିଆଣ୍ଟର ମୂଲ୍ୟ ମାତ୍ର ୭୨୯୯ ଟଙ୍କା ।
ଆପଣ ଏହି ବଜେଟ୍ ଫୋନ୍ କୁ ବ୍ଲୁ, ଗୋଲ୍ଡ, ଫିଲ୍ଡ ଗ୍ରୀନ ଏବଂ ଷ୍ଟାଇଲିସ୍ ବ୍ଲାକ ରଙ୍ଗରେ କିଣିପାରିବେ । ଉପଲବ୍ଧତା ବିଷୟରେ କହିବାକୁ ଗଲେ, ଏହି ସୁଲଭ ଫୋନର ବିକ୍ରୟ ଜାନୁଆରୀ ୫ ରୁ ଆମାଜନ ବ୍ୟତୀତ ଅଫଲାଇନ୍ ଷ୍ଟୋର୍ରେ ଆରମ୍ଭ ହେବ । ବ୍ୟାଙ୍କ ଅଫରର ଲାଭ ପାଇବା ପରେ ଆପଣ ଏହି ଫୋନର ଫାଷ୍ଟ ଭାରିଆଣ୍ଟ ମାତ୍ର ୫,୯୯୯ ଟଙ୍କା ପାଇବେ ।
Itel A70 ସ୍ପେସିଫିକେସନ୍ସ:
ଡିସପ୍ଲେ: 120 Hz ରିଫ୍ରେସ ରେଟ ସପୋର୍ଟ ସହିତ 550 ନଟ୍ ବ୍ରାଇଟନେସ ଲେବଲ ସହ ଆସୁଥିବା ଏହି ବଜେଟ୍ ଫୋନରେ 6.6 ଇଞ୍ଚ HD ପ୍ଲସ୍ ଡିସପ୍ଲେ ରହିଛି ।
ଚିପସେଟ: ସ୍ପିଡ୍ ଏବଂ ମଲ୍ଟିଟାସ୍କିଂ ପାଇଁ ଏହି ବଜେଟ୍ ଫୋନରେ ୟୁନିସକ୍ T603 ଅକ୍ଟା-କୋର ପ୍ରୋସେସର୍ ବ୍ୟବହାର କରାଯାଇଛି ।
RAM ଏବଂ ଷ୍ଟୋରେଜ୍: ଫୋନରେ 8 GB ଭର୍ଚୁଆଲ୍ RAM ସପୋର୍ଟ ମିଳିବ, ଯାହାର ଅର୍ଥ ହେଉଛି ଆପଣ ଏହି ଫୋନରେ RAM କୁ 12 GB ପର୍ଯ୍ୟନ୍ତ ବୃଦ୍ଧି କରିପାରିବେ । ଏହା ବ୍ୟତୀତ, ମାଇକ୍ରୋ ଏସଡି କାର୍ଡ ସାହାଯ୍ୟରେ ଷ୍ଟୋରେଜ୍ 2 ଟିବି ପର୍ଯ୍ୟନ୍ତ ବୃଦ୍ଧି କରାଯାଇପାରିବ ।
କ୍ୟାମେରା ସେଟଅପ୍: ଫୋନ୍ ପଛରେ ଦୁଇଟି କ୍ୟାମେରା ସେନ୍ସର, 13 ମେଗାପିକ୍ସେଲ ପ୍ରାଇମେରୀ କ୍ୟାମେରା ଏବଂ AI କ୍ୟାମେରା ସେନସର ଉପଲବ୍ଧ । ସେଲଫି ପାଇଁ ଆଗରେ ଏକ 8 ମେଗାପିକ୍ସେଲ କ୍ୟାମେରା ସେନ୍ସର ପ୍ରଦାନ କରାଯାଇଛି ।
କନେକ୍ଟିଭିଟି: ଜିପିଏସ୍, ୱାଇ-ଫାଇ 802.11, 4ଜି ଏବଂ USB ଟାଇପ୍-ସି ପୋର୍ଟ ପ୍ରଦାନ କରାଯାଇଛି । ସୁରକ୍ଷା ପାଇଁ ଫୋନ୍ ପାର୍ଶ୍ୱରେ ଏକ ଫିଙ୍ଗର ପ୍ରିଣ୍ଟ ସେନ୍ସର ଯୋଗାଇ ଦିଆଯାଇଛି ।
