WhatsApp ଆଣିଲା ନୂଆ ଫିଚର, ଏବେ ଏକାଧିକ ମେସେଜ କରିପାରିବେ ପିନ୍
ପିନ୍ ମଲ୍ଟିପଲ୍ ମେସେଜର ଏହି ଫିଚରରେ ଆପଣ ଏକାସାଙ୍ଗରେ ଏକାଧିକ ମେସେଜ ପିନ୍ କରିବାକୁ ସମର୍ଥ ହେବେ । ଏହି ଫିଚରରେ ଆପଣ ଗୁରୁତ୍ୱପୂର୍ଣ୍ଣ ମେସେଜ ସହଜରେ ପାଇପାରିବେ । WABetaInfo ଏହି ଫିଚର ବିଷୟରେ ସୂଚନା ଦେଇଛି ଏବଂ ଏହାର ଏକ ସ୍କ୍ରିନସଟ୍ ମଧ୍ୟ ସେୟାର କରିଛି ।
ହ୍ୱାଟ୍ସଆପ୍ ଗୋଟିଏ ପରେ ଗୋଟିଏ ନୂଆ ଫିଚର ଆଣିଚାଲିଛି । ଏହି କ୍ରମରେ, ହ୍ୱାଟ୍ସଆପ୍ ଫିଚର ତାଲିକାରେ ଏକ ନୂତନ ଫିଚର ଯୋଡା ଯାଇଛି, ଯେଉଁଥିରେ ୟୁଜର୍ସମାନେ ଚାଟରେ ଏକାସାଙ୍ଗରେ ଏକାଧିକ ମେସେଜ ପିନ୍ କରିପାରିବେ । ଏହି ନୂତନ ଫିଚରର ନାମ ହେଉଛି ପିନ୍ ମଲ୍ଟିପଲ୍ ମେସେଜ୍, ଯାହା ୟୁଜର୍ସମାନଙ୍କୁ ଏକ ନୂତନ ଅଭିଜ୍ଞତା ଦେବାକୁ ଯାଉଛି । ଏହି ଫିଚର ଗୁରୁତ୍ୱପୂର୍ଣ୍ଣ ମେସେଜଗୁଡ଼ିକୁ ଶୀର୍ଷରେ ରଖିବ ।
ପିନ୍ ମଲ୍ଟିପଲ୍ ମେସେଜର ଏହି ଫିଚରରେ ଆପଣ ଏକାସାଙ୍ଗରେ ଏକାଧିକ ମେସେଜ ପିନ୍ କରିବାକୁ ସମର୍ଥ ହେବେ । ଏହି ଫିଚରରେ ଆପଣ ଗୁରୁତ୍ୱପୂର୍ଣ୍ଣ ମେସେଜ ସହଜରେ ପାଇପାରିବେ । WABetaInfo ଏହି ଫିଚର ବିଷୟରେ ସୂଚନା ଦେଇଛି ଏବଂ ଏହାର ଏକ ସ୍କ୍ରିନସଟ୍ ମଧ୍ୟ ସେୟାର କରିଛି । ହ୍ୱାଟ୍ସଆପ୍ ଏହି ନୂତନ ଫିଚରରେ, ଆପଣ ପିନ୍ ହୋଇଥିବା ମେସେଜଗୁଡ଼ିକୁ ସହଜରେ ଦେଖିପାରିବେ । ପିନ୍ ମଲ୍ଟିପଲ୍ ମେସେଜ୍ ର ଏହି ଫିଚର ଆପଣଙ୍କୁ ତିନୋଟି ମେସେଜ୍ ପିନ୍ କରିବାକୁ ଅନୁମତି ଦେବ ।
ଯଦି ଆପଣ ଚତୁର୍ଥ ମେସେଜ ପିନ୍ କରନ୍ତି, ତେବେ ପ୍ରଥମ ପିନ୍ ହୋଇଥିବା ମେସେଜ ଅଟୋମେଟିକ ରିମୁଭ ହୋଇଯିବ । ଯଦି ଆପଣ ନିଜ ଫୋନରେ ଏହି ଫିଚର ଚାହୁଁଛନ୍ତି, ତେବେ ଏଥିପାଇଁ ଆପଣଙ୍କୁ ଗୁଗୁଲ୍ ପ୍ଲେ ଷ୍ଟୋରରୁ ଆପଣଙ୍କ ଫୋନରେ ହ୍ୱାଟ୍ସଆପ୍ ବିଟା ଫର ଆଣ୍ଡ୍ରଏଡ୍ 2.24.6.15 ଅପଡେଟ୍ ପାଇଁ ଇନଷ୍ଟଲ କରିବାକୁ ପଡିବ । ହ୍ୱାଟ୍ସଆପ୍ ଖୁବ୍ ଶୀଘ୍ର ଅନ୍ୟ ଏକ ନୂତନ ଫିଚର ମଧ୍ୟ ପ୍ରଦାନ କରିବାକୁ ଯାଉଛି, ଯେଉଁଥିରେ ୟୁଜର୍ସମାନେ ଟେଲିଗ୍ରାମ କିମ୍ବା ସିଗନାଲ୍ ପରି ଅନ୍ୟ ଆପରେ ମେସେଜ ସେଣ୍ଡ ଏବଂ ରିସିଭ କରିବାରେ ସକ୍ଷମ ହେବେ । ବର୍ତ୍ତମାନ କମ୍ପାନୀ ଏହି ଫିଚର ଉପରେ ଟେଷ୍ଟିଂ କରୁଛି ।
