ରାଉରକେଲାରୁ ଦିଲ୍ଲୀ : ମୋଦିଙ୍କୁ ପ୍ରତିଶୃତି ମନେପକାଇ ଦେବା ପାଇଁ ୧୩୫୦ କିମି ଚାଲିଲେ ଓଡ଼ିଆ ଯୁବକ
ନୂଆଦିଲ୍ଲୀ : ଚାଲି ଚାଲି ରାଉରକେଲାରୁ ଦିଲ୍ଲୀ । ମୋଦିଙ୍କୁ ଅଧୁରା ପ୍ରତିଶୃତି ମନେପକାଇବାକୁ ୧୩୫୦ କିମି ଚାଲିଲେ ଓଡିଆ ଯୁବକ । ଯୁବକଙ୍କ ନାଁ ହେଉଛି ମୁକ୍ତିକାନ୍ତ ବିଶ୍ବାଳ । ୨୦୧୫ରେ ରାଉରକେଲା ଗସ୍ତ ସମୟରେ ଏକ ମଲଟି ସ୍ପେଶାଲିଟି ହସ୍ପିଟାଲ୍ ତିଆରି କରିବାକୁ ମୋଦି ପ୍ରତିଶୃତି ଦେଇଥିଲେ । କେବଳ ସେତିକି ନୁହେଁ ବ୍ରାହ୍ମଣୀ ନଦୀରେ ଦ୍ବିତୀୟ ସେତୁ ନିର୍ମାଣ କରିବାକୁ ମଧ୍ୟ ପ୍ରତିଶୃତି ଦେଇଥିଲେ । ହେଲେ ତାହା ଆଜି ଯାଏଁ ପୁରା ହୋଇନାହିଁ । ଏହା ମଧ୍ୟରେ ୪ ବର୍ଷ ବିତି ଯାଇଥିଲେ ମଧ୍ୟ ଏଯାଏଁ ମୋଦି ନିଜ ପ୍ରତିଶୃତି ପୂରଣ କରିନାହାଁନ୍ତି ।
ମୁକ୍ତିକାନ୍ତ ରାଉରକେଲାରେ ମୂର୍ତ୍ତି ତିଆରି କାମ କରନ୍ତି। ସେ ହାତରେ ତ୍ରିରଙ୍ଗା ନେଇ ନିଜର ଯାତ୍ରା ଆରମ୍ଭ କରିଥିଲେ। ଆଗ୍ରା ହାଇଓ୍ଵେରେ ପହଞ୍ଚିବା ପରେ ସେ ବେହୋସ ହୋଇ ପଡ଼ିଥିଲେ ଏବଂ ତାଙ୍କୁ ହସ୍ପିଟାଲରେ ଭର୍ତ୍ତି କରିବାକୁ ପଡ଼ିଥିଲା।
