ସାଧାରଣତଃ ନିଜର ପ୍ରିୟଜନଙ୍କୁ ହରାଇବା ସଂସାରର ସବୁଠାରୁ ବଡ଼ ଦୁଃଖ । ନିଜ ପୁଅ ପୁଅ କିମ୍ବା ଝିଅକୁ ହରାଇଥିବା ସେହି ବାପା ମା ଙ୍କୁ ପଚାରନ୍ତୁ ବୁଝିପାରିବେ ଦୁଃଖ କଣ । ଆମେରିକାରେ ଜଣେ ବ୍ୟକ୍ତି ନିଜ ୧୬ ବର୍ଷୀୟ ପୁଅକୁ ଏକ ଦୁର୍ଘଟଣାରେ ହରାଇଥିଲେ । ତେବେ ବର୍ତ୍ତମାନ ତାଙ୍କର ଏକ ଭିଡିଓ ସୋସିଆଲ ମିଡିଆରେ ଭାଇରଲ ହେବାରେ ଲାଗିଛି ଯେଉଁଥିରେ ସେ ଖୁବ ଭାବୁକ ହୋଇପଡିଛନ୍ତି । ତେବେ ଆସନ୍ତୁ ଜାଣିବା ସମ୍ପୂର୍ଣ ଖବର ।
ସୂଚନା ଅନୁଯାୟୀ ଆମେରିକାରେ ବାସ କରୁଥିବା ଜନ ନାମକ ଜଣେ ବ୍ୟକ୍ତି ଗତବର୍ଷ ସଡକ ଦୁର୍ଘଟଣାରେ ନିଜର ୧୬ ବର୍ଷୀୟ ପୁଅକୁ ହରାଇଥିଲେ । ତେବେ ଏହାପରେ ସେ ତାର ଅଙ୍ଗକୁ ଦାନ କରିଦେଇଥିଲେ ଯାହାଦ୍ୱାରା ଆଉ କାହାର ଜୀବନ ବଞ୍ଚାଯାଇପାରିବ । ଏହାର ମାତ୍ର କିଛିଦିନ ପରେ ତାଙ୍କୁ ଉପହାର ସ୍ୱରୂପ ଏକ ଟେଡି ବିୟର ମିଳିଥିଲା । ଯାହାକୁ ଦେଖି କେବଳ ସେ ନୁହେଁ ପୁରା ଦୁନିଆ ଆଶ୍ଚର୍ଯ୍ୟ ହୋଇଯାଇଥିଲା ।
Last year, this man lost his 16-yr old son in a car wreck. He decided to donate his son’s organs, including his heart.
This month the heart recipient sent Dad a surprise gift – a teddy bear with a recording of his son’s heartbeat.
Wait for it…💪❤️🌎pic.twitter.com/fXs5sm2qEn
— Rex Chapman🏇🏼 (@RexChapman) March 13, 2020
ଏହି ଟେଡି ବିୟରକୁ ସେହି ବ୍ୟକ୍ତି ପଠାଇଥିଲେ ଯାହାଙ୍କ ଠାରେ ମୃତ ପୁଅର ଅଙ୍ଗ ରୋପଣ କରାଯାଇଥିଲା ଏବଂ ସେ ଜନଙ୍କୁ ଧନ୍ୟବାଦ ଜଣାଇବା ପାଇଁ ଏହି ଟେଡି ବିୟରଟି ପଠାଇଥିଲେ । ଏହି ଟେଡି ବିୟରରେ ଜନଙ୍କ ପୁଅର ହାର୍ଟବିଟ ରେକର୍ଡ ହୋଇ ରହିଥିଲା । ତେବେ ଏହାକୁ ପାଇବା ପରେ ଜନ ବହୁତ ଖୁସି ହୋଇଯାଇଥିଲେ । ସର୍ବଦା ସେ କାନରେ ଲଗାଇ ଏହାକୁ ଶୁଣୁଥିଲେ ଏବଂ ଭାବବିହ୍ୱଳ ହୋଇପଡୁଥିଲେ । ଏହାକୁ ସର୍ବଦା ସେ ନିଜ ପାଖରେ ରଖୁଥିଲେ । ଜନଙ୍କ କହିବା ଅନୁଯାୟୀ ଏହାକୁ ପାଇ ସେ ନିଜ ପୁଅକୁ ପାଖରେ ପାଇବା ଭଳି ଅନୁଭବ କରୁଛନ୍ତି । ପ୍ରତ୍ୟେକ ରାତିରେ ଶୋଇବା ବେଳେ ସେ ଏହାକୁ ଶୁଣୁଛନ୍ତି । ରେକ୍ସ ଚ୍ୟାମ୍ପମ୍ୟାନ ନାମକ ଜଣେ ବ୍ୟକ୍ତି ଏହି ଭିଡିଓକୁ ନିଜର ଟ୍ୱିଟର ଆକାଉଣ୍ଟରେ ସେୟାର କରିଛନ୍ତି ଯାହାକୁ ଲୋକମାନେ ଖୁବ ପସନ୍ଦ କରୁଛନ୍ତି ।