କରୋନା ପାଇଁ ଭାଇରାଲ ହେଉଥିବା ଘରୋଇ ଉପାୟର ଜାଣନ୍ତୁ ସତ୍ୟତା
କରୋନାର ୨ୟ ଲହର ସମସ୍ତଙ୍କୁ ଡରାଇ ରଖିଛି । ଏଥିରେ ସ୍ୱାସ୍ଥ୍ୟ ବ୍ୟବସ୍ଥା ଅନେକ ମାତ୍ରାରେ ଜାଗୃତ ହୋଇପଡିଛି । ରୋଗୀଙ୍କ ସୁରକ୍ଷା ପାଇଁ ନିଜ ଜୀବନକୁ ବାଜି ଲଗାଉଛନ୍ତି । ପ୍ରାୟ ଲୋକ ଏହାର ନିରାକରଣ ପାଇଁ ଅନେକ ଘରୋଇ ଉପାୟ ଆପଣାଉଛନ୍ତି । କିଛି ଉପାୟ ସୋସିଆଲ ମିଡିଆରେ ମଧ୍ୟ ଭାଇରାଲ ହେବାରେ ଲାଗିଛି । ତେବେ ଚାଲନ୍ତୁ ଜାଣିବା ସେହି ଉପାୟ କେତେ ମାତ୍ରାରେ ଫଳପ୍ରଦ ।
କର୍ପୂର- ଜୁଆଣି:
ଭାଇରାଲ- କର୍ପୂର ଓ ଜୁଆଣିରେ ୟୁକାଲିପଟାସର ତେଲର ମିଶ୍ରଣ କୋଭିଡ ରୋଗୀଙ୍କ ପାଇଁ ବେଶ ଲାଭଦାୟକ ହୋଇଥାଏ ।
ତଥ୍ୟ- ଆମେରିକା ସ୍ୱାସ୍ଥ୍ୟ ଏଜେନ୍ସି ସିଡିସିଙ୍କ କହିବା ଅନୁଯାୟୀ, କର୍ପୂରର ସୁଗନ୍ଧ ଶରୀର ମଧ୍ୟରେ ପ୍ରବେଶ କରି ଏହା ବିଷାକ୍ତ ହୋଇପାରେ । ଏହା ବାହାର ବ୍ୟବହାର ଉପଯୋଗୀ ଜିନିଷ ହୋଇଥାଏ ।
ଲେମ୍ବୁ ନାକରେ ପକାଇଲେ ଅକ୍ତିଜେନ ସ୍ତର ଠିକ ରୁହେ:
ଭାଇରାଲ- କିଛିଦିନ ପୂର୍ବରୁ ଏହା ଭାଇରାଲ ହୋଇଥିଲା ଯେ, ଏହାକୁ ନାକରେ ପକାଇବା ଦ୍ୱାରା ଶରୀରରେ ଅକ୍ସିଜେନ ମାତ୍ରା ବୃଦ୍ଧି ପାଇଥାଏ ।
ତଥ୍ୟ- ବିଶ୍ୱ ସ୍ୱାସ୍ଥ୍ୟ ସଙ୍ଗଠନ ମୁତାବିକ , ଲେମ୍ବୁରେ ଥିବା ସାଇଟ୍ରିକ ଏସିଡ ଆମ ଶରୀର ପାଇଁ ଭଲ ହୋଇଥାଏ; ମାତ୍ର ଏହା କରୋନା ରୋଗକୁ ପ୍ରତିହତ କରିବ ବୋଲି କୌଣସି ପ୍ରମାଣ ନାହିଁ ।
ଉଷୁମ ପାଣିର ବ୍ୟବହାର:
ଭାଇରାଲ- ପ୍ରତିଦିନ ଉଷୁମ ପାଣିରେ ଲୁଣ ପକାଇ ଏହାକୁ କୁଳି କଲେ ତଣ୍ଟି ଜନିତ ସମସ୍ୟା ଦୂର ହୁଏ । ଯାହାଦ୍ୱାରା ଭାଇରସ ଭିତରକୁ ପ୍ରବେଶ କରିପାରେ ନାହିଁ ।
ତଥ୍ୟ- ହାର୍ବାଡ ବିଶ୍ୱ ବିଦ୍ୟାଳୟ ଅନୁସାରେ ଏହାର କୌଣସି ପ୍ରମାଣ ନାହିଁ ଯେ ଏହାକୁ ବାରମ୍ବାର କଲେ ଆପଣ କୋଭିଡ ଆକ୍ରାନ୍ତ ହେବେନାହିଁ ।
