କ୍ୟାଚ୍ ଧରିବା ଚକ୍କରରେ ପରସ୍ପର ସହିତ ଜୋରରେ ଧକ୍କା ହେଲେ ଭାରତୀୟ ଖେଳାଳି, ଜଣେ ହସପିଟାଲରେ ଭର୍ତ୍ତି
ଅଷ୍ଟ୍ରେଲିଆ ଟସ୍ ଜିତି ବ୍ୟାଟିଂ କରୁଥିବା ବେଳେ ଇନିଂସର ୨୫ତମ ଓଭରରେ ବେଥ ମୁନୀ ବ୍ୟାଟିଂ କରୁଥିବା ବେଳେ ପୂଜା ଶର୍ଟ ଥାର୍ଡ ଓ ସ୍ନେହ ବ୍ୟାକୱର୍ଡ ପଏଣ୍ଟରେ ଫିଲ୍ଡିଂ କରୁଥିଲେ । ଶଟକୁ ଧରିବା ପାଇଁ ଉଭୟ ଖେଳାଳି ଦୌଡିଥିଲେ । ଉଭୟଙ୍କ ନଜର ବଲ ଉପରେ ରହିଥିଲା ତେଣୁ ସେମାନେ ପରସ୍ପରକୁ ଧକ୍କା ଦେଇଥିଲେ।
ଅଷ୍ଟ୍ରେଲିଆ ବିପକ୍ଷ ଦ୍ୱିତୀୟ ଦିନିକିଆରେ ଭାରତୀୟ ମହିଳା ଟିମକୁ ଶକ୍ତ ଝଟକା ଲାଗିଛି । ଟସ୍ ଜିତି ବ୍ୟାଟିଂ କରିବା ପାଇଁ ନିଷ୍ପତ୍ତି ନେଇଥିଲେ ଅଷ୍ଟ୍ରେଲିଆ ଅଧିନାୟକ । ଅଷ୍ଟ୍ରେଲିଆ ୫୦ଓଭରରେ ୮ ଓ୍ଵିକେଟ ହରାଇ ୨୫୮ ରନ୍ କରିଥିଲା । କିନ୍ତୁ ଫିଲ୍ଡିଂ କରିବା ବେଳେ ଘଟିଛି ଅଭାବନୀୟ ଘଟଣା । ଦୁଇ ଷ୍ଟାର ଖେଳାଳି ପୂଜା ବସ୍ତ୍ରକର ଓ ସ୍ନେହ ରାଣା ପରସ୍ପର ସହ ପିଟି ହୋଇଯାଇଛନ୍ତି ।
ଦୁହେଁ ଏତେ ଜୋରରେ ଧକ୍କା ହୋଇଥିଲେ ଯେ, ସେହ୍ନ ରାଣାଙ୍କୁ ହସ୍ପିଟାଲ ଯିବାକୁ ମଧ୍ୟ ପଡ଼ିଛି । ସେ ମୁଣ୍ଡରେ ଯନ୍ତ୍ରଣା ଅନୁଭବ କରୁଥିବାରୁ ତାଙ୍କର ସ୍କାନ ସହ ଅନ୍ୟାନ୍ୟ ପରୀକ୍ଷା କରାଯାଇଛି । ତାଙ୍କ ବଦଳରେ ହରଲୀନ ଦେଓଲଙ୍କୁ ବଦଳ ଖେଳାଳି ଭାବେ ସୁଯୋଗ ମିଳିଥିଲା ।
ଅଷ୍ଟ୍ରେଲିଆ ଟସ୍ ଜିତି ବ୍ୟାଟିଂ କରୁଥିବା ବେଳେ ଇନିଂସର ୨୫ତମ ଓଭରରେ ବେଥ ମୁନୀ ବ୍ୟାଟିଂ କରୁଥିବା ବେଳେ ପୂଜା ଶର୍ଟ ଥାର୍ଡ ଓ ସ୍ନେହ ବ୍ୟାକୱର୍ଡ ପଏଣ୍ଟରେ ଫିଲ୍ଡିଂ କରୁଥିଲେ । ମୁନୀ କଟ ଶଟ ମାରିଥିବା ବେଳେ ଏହାକୁ ଧରିବା ପାଇଁ ଉଭୟ ଖେଳାଳି ଦୌଡିଥିଲେ । ଉଭୟଙ୍କ ନଜର ବଲ ଉପରେ ରହିଥିଲା ତେଣୁ ସେମାନେ ପରସ୍ପରକୁ ଧକ୍କା ଦେଇଥିଲେ ।
ପରସ୍ପର ସହିତ ଧକ୍କା ହେବା ପରେ ଉଭୟ ଖେଳାଳି ତଳେ ପଡ଼ିଯାଇଥିଲେ । ସେମାନଙ୍କୁ ତୁରନ୍ତ ଚିକିତ୍ସା କରାଯିବ ପରେ ପୂଜା ଛିଡ଼ା ହେବାକୁ ସକ୍ଷମ ହୋଇଥିଲେ । କିନ୍ତୁ ସ୍ନେହ ଛିଡା ହେବାକୁ ସକ୍ଷମ ନଥିବାରୁ ତାଙ୍କ ମୁଣ୍ଡରେ ଆଇସପ୍ୟାକ ଲଗାଇ ପଡ଼ିଆ ଛାଡ଼ିଥିଲେ ।
𝗨𝗣𝗗𝗔𝗧𝗘: Sneh Rana complained of headache after a collision while fielding during the second ODI against Australia.
She has been taken for scans and she will not take any further part in the ongoing ODI.
Harleen Deol has been named as a concussion substitute.#INDvAUS pic.twitter.com/iD5aECuigD
— BCCI Women (@BCCIWomen) December 30, 2023
ବିସିସିଆଇ କହିଛି ଯେ, ସେହ୍ନ ରାଣା ଧକ୍କା ହେବା ପରେ ମୁଣ୍ଡରେ ସମସ୍ୟା ଅନୁଭବ କରିଥିଲେ। ତେଣୁ ତାଙ୍କୁ ତୁରନ୍ତ ସ୍କାନ ପାଇଁ ନିଆଯାଇଛି । ସେ ଆଉ ଅଷ୍ଟ୍ରେଲିଆ ମହିଳା ବିପକ୍ଷ ଦ୍ୱିତୀୟ ଦିନିକିଆରେ ଭାଗ ନେଇ ପାରିବେ ନାହିଁ। ତାଙ୍କ ବଦଳରେ ହରଲୀନ ଦେଓଲ ସ୍ଥାନ ପାଇଛନ୍ତି ।
