ବିଶ୍ୱ ବଜାରରେ ଗତ ସପ୍ତାହ ଅଶୋଧିତ ତୈଳ ଦର ଦ୍ରୁତ ଗତିରେ ବଢିବା ପରେ ଚଳିତ ସପ୍ତାହ ଏହି ମୂଲ୍ୟରେ କିଛିଟା ସ୍ଥିରତା ଆସିଥିବା ଲକ୍ଷ କରାଯାଇଛି । କିନ୍ତୁ ଆଜି ଭାରତୀୟ ବଜାରରେ ଡ଼ିଜେଲ ମୂଲ୍ୟ ବଢିଥିବା ରେକର୍ଡ ହୋଇଛି । ସରକାରୀ ତୈଳ କମ୍ପାନୀ ଗୁଡିକ ପେଟ୍ରୋଲ ମୂଲ୍ୟରେ କୌଣସି ପରିବର୍ତ୍ତନ ଆଣି ନ ଥିବାବେଳେ ଡ଼ିଜେଲ ମୂଲ୍ୟରେ ୧୭ ପଇସାର ବୃଦ୍ଧି ଘଟାଇଥିବା ଜଣାଯାଇଛି । ଏହା ପୂର୍ବରୁଗୋଟେ ଦିନ ପୂର୍ବରୁ ଡିଜେଲ ଦର ୧୩ ପଇସା ବୃଦ୍ଧି କରାଯାଇଥିବା ବେଳେ ଗତକାଲି କୌଣସି ପରିବର୍ତ୍ତନ ଅଣାଯାଇନଥିଲା । ଯେବେକି ସୋମବାର ଲିଟର ପ୍ରତି ୧୧ ପଇସା ବଢ଼ା ଯାଇଥିଲା । ଏହା ସହ ରାଜଧାନୀ ଦିଲ୍ଲୀରେ ଡିଜେଲ ଦର ଲିଟର ପ୍ରତି ୮୧.୩୫ ଟଙ୍କାରେ ପହଁଚିଥିବା ରେକର୍ଡ ହୋଇଛି ।
ଲକ୍ଷ କରାଯାଉଛିକି, ଗତ କିଛିଦିନ ହେବ ଦେଶର ବିଭିନ୍ନ ତୈଳ କମ୍ପାନୀ ଗୁଡିକ ଡିଜେଲ ମୂଲ୍ୟରେ ବୃଦ୍ଧି ଘଟାଉଥିବା ଲକ୍ଷ କରାଯାଉଛି । ସୂଚନା ଦେବା ଯୋଗ୍ୟକି, ଗତ ୧୮ ଦିନ ହେବ ପେଟ୍ରୋଲ ମୂଲ୍ୟରେ କୌଣସି ପରିବର୍ତ୍ତନ ଆସିନାହିଁ । ଏହା ପୂର୍ବରୁ ଜୁନ ୨୯ ତାରିଖରେ ହିଁ ପେଟ୍ରୋଲ ମୂଲ୍ୟରେ ପରିବର୍ତ୍ତନ ଆସିଥିଲା । ଦିଲ୍ଲୀରେ ଜୁଲାଇ ୧୭ ଅର୍ଥାତ ଶୁକ୍ରବାର ପେଟ୍ରୋଲ ଦର ଲିଟର ପ୍ରତି ୮୦.୪୩ ଟଙ୍କା ଥିବା ବେଳେ ଡିଜେଲ ଦର ଲିଟର ପ୍ରତି ୮୧.୩୫ ଟଙ୍କା ଥିବା ଜଣାଯାଇଛି । ସୂଚନା ଦେବା ଯୋଗ୍ୟକି ଭାରତରେ ଦିଲ୍ଲୀ ଏକ ମାତ୍ର ରାଜ୍ୟ ଯେଉଁଠି ଡିଜେଲ, ପେଟ୍ରୋଲ ଠାରୁ ଅଧିକ ମୂଲ୍ୟରେ ବିକ୍ରି ହୋଇଥାଏ । ସେହିପରି ଦେଶର ଆର୍ଥିକ ରାଜଧାନୀ ମୁମ୍ବାଇରେ ଡିଜେଲ ଓ ପେଟ୍ରୋଲ ମୂଲ୍ୟ ୭୯.୫୬ ଟଙ୍କା ଓ ୮୭.୧୯ ଟଙ୍କା ଥିବା ବେଳେ କୋଲକାତାରେ ଯଥାକ୍ରମେ ୭୬.୪୯ ଟଙ୍କା ଓ ୮୨.୧୦ ଟଙ୍କା ରହିଛି ।