ଲକଡାଉନ ପରର ସ୍ଥିତି କେମିତି ରହିବ, ସରକାର କେଉଁ ନିଷ୍ପତ୍ତି ନେବେ ସେନେଇ ଏପର୍ଯ୍ୟନ୍ତ କିଛି ଜଣାପଡ଼ିନାହିଁ। ତଥାପି ରେଳବିଭାଗ ତରଫରୁ ଯାତ୍ରୀଙ୍କ ସୁବିଧାକୁ ଦୃଷ୍ଟିରେ ରଖି ଏପ୍ରିଲ ୧୪ ପରେ ରେଳ ଚଳାଚଳ କରିବାକୁ ଯୋଜନା କରାଯାଉଛି। ମାତ୍ର ଏବେ ଦେଶରେ କରୋନା ସ୍ଥିତି ଉଦବେଗଜନକ ଥିବାରୁ ରେଳ ବିଭାଗ ତରଫରୁ ଅନେକ ସତର୍କତାମୂଳକ ପଦକ୍ଷେପ ଗ୍ରହଣ କରାଯିବା ପରେ ହିଁ ଟ୍ରେନ ଗଡ଼ିବ ବୋଲି ଜଣାଯାଇଛି।
ତେବେ ପୁନଶ୍ଚ ଟ୍ରେନ ଚଳାଚଳ ଆରମ୍ଭ କରିବା ପୂର୍ବରୁ କେଉଁମାନେ ଟ୍ରେନରେ ଯାତ୍ରା କରିବେ ବିଭାଗ ତରଫରୁ ସେନେଇ କେତେକ ପ୍ରସ୍ତାବ ଉପରେ ଆଲୋଚନା କରାଯାଉଛି। ଆସନ୍ତୁ ଜାଣିବା ଲକଡାଉନ ପରେ ରେଳ ବିଭାଗ କେଉଁ ମାନଙ୍କୁ ଯାତ୍ରା ପାଇଁ ଅନୁମତି ଦେବ…
- ଯେଉଁ ଯାତ୍ରୀ ମାନେ ସମ୍ପୂର୍ଣ୍ଣ ସୁସ୍ଥ ଥିବେ।
- ଟ୍ରେନରେ ଯାତ୍ରା ସମୟରେ ସାମାଜିକ ଦୂରତା ବଜାୟ ରଖିବା ଜରୁରୀ।
- ଯାତ୍ରୀ ମାସ୍କ ପିନ୍ଧିବା ଆବଶ୍ୟକ।
- ଥର୍ମାଲ ସ୍କ୍ରିନିଂ ପରେ ହିଁ ଯାତ୍ରୀ ଟ୍ରେନକୁ ପ୍ରବେଶ କରିପାରିବେ।
ଲକଡାଉନ ପରେ ଟ୍ରେନ ଚଳାଚଳ ହେବକି ନାହିଁ ସେ ନେଇ ସରକାର ନିଷ୍ପତ୍ତି ନେବେ। ସମସ୍ତ ସ୍ଥାନକୁ ଟ୍ରେନ ଚଳାଚଳ ହେବ ନାହିଁ। ଯେଉଁ ଅଞ୍ଚଳକୁ କୋଭିଡ-୧୯ ହଟସ୍ପଟ ଭାବେ ସୂଚିତ କରାଯାଇନଥିବ, କେବଳ ସେହି ଅଞ୍ଚଳକୁ ଟ୍ରେନ ଚଳାଚଳ ପାଇଁ ଅନୁମତି ମିଳିପାରେ ବୋଲି ଆଶା କରାଯାଉଛି।