ନୂଆଦିଲ୍ଲୀ : କରୋନା ସମୟରେ ଲୋକଙ୍କ ଅସୁବିଧା ଦୂର କରିବା ପାଇଁ ରିଜର୍ଭ ବ୍ୟାଙ୍କ୍ ଅଫ୍ ଇଣ୍ଡିଆ(ଆର୍ବିଆଇ) ଆଣିଛି ଓ୍ଵାନ୍ ଟାଇମ୍ ଲୋନ୍ ରିଷ୍ଟ୍ରକ୍ଚର ସ୍କିମ୍ । ଏହାର ଫାଇଦା ପର୍ସନାଲ୍ ଲୋନ୍ ନେଇଥିବା ଲୋକଙ୍କୁ ମଧ୍ୟ ମିଳିବ । ଉଦ୍ୟୋଗ ଜଗତ କିଛି ଦିନ ଧରି ଏହି ସୁବିଧା ପାଇବା ପାଇଁ ଦାବି କରି ଆସୁଥିଲା ଯାହାକୁ ଆର୍ବିଆଇ ସବୁଜ ସଙ୍କେତ ଦେଇଛି । ଆସନ୍ତୁ ଜାଣିବା ପର୍ସନାଲ୍ ଲୋନୀମାନେ କିପରି ନେବେ ଏହାର ସୁବିଧା ।
୧-ପର୍ସନାଲ୍ ଲୋନ୍ ଉପରେ କେମିତି ଲାଗୁ ହେବ
ଆର୍ବିଆଇ ଗାଇଡ୍ଲାଇନ୍ ଅନୁଯାୟୀ ଏହି ସୁବିଧା କଞ୍ଜ୍ୟୁମର ଲୋନ୍,ଏଜୁକେସନ୍ ଲୋନ୍, ହାଉସିଙ୍ଗ୍ ଲୋନ୍, ସେୟାର୍ ମାର୍କେଟ୍ ଡିବେଞ୍ଚର କିଣିବା ପାଇଁ ନିଆଯାଇଥିବା ଲୋନ୍, କଞ୍ଜ୍ୟୁମର ଡ୍ୟୁରେବିଲ୍ସ କିଣିବା ପାଇଁ ନିଆଯାଇଥିବା ଲୋନ୍,କ୍ରେଡିଟ୍ କାର୍ଡ ଲୋନ୍,ଅଟୋ ଲୋନ୍(କମ୍ର୍ସିଆଲ୍ ଭେଇକିଲ୍ ଲୋନ୍ ଛାଡିକରି),ଗୋଲ୍ଡ, ଜୁଏଲାରୀ,ଏଫ୍ଡି ବଦଳରେ ନିଆଯାଇଥିବା ଲୋନ୍, ପର୍ସନାଲ୍ ଲୋନ୍ ଟୁ ପ୍ରଫେସ୍ନାଲ କିମ୍ବା ଅନ୍ୟ କୈାଣସି କାମ ପାଇଁ ନିଆଯାଇଥିବା ଲୋନ୍ ଏହି ଯୋଜନାରେ ଅନ୍ତର୍ଭୁକ୍ତ ହେବ ।
୨-ଯୋଜନାର ଲାଭ ଉଠାଇବା ପାଇଁ କେଉଁମାନେ ସକ୍ଷମୟ
ଏହି ଯୋଜନାର ଫାଇଦା କେବଳ ବ୍ୟକ୍ତଗତ ଋଣୀଙ୍କ ପାଇଁ ଲାଗୁହେବ । ଏହାଛଡ଼ା ୨୦୨୦ ମାର୍ଚ୍ଚ ୧ ତାରିଖ ମଧ୍ୟରେ ୩୦ ଦିନ ପର୍ଯ୍ୟନ୍ତ ଡିଫଲ୍ଟର ଥିବା ଲୋନୀଙ୍କୁ ଏହି ସୁବିଧା ମିଳବ । ଏହାଠାରୁ ଅଧିକ ଦିନ ଡିଫଲ୍ଟର ଥିବା ଲୋନୀଙ୍କୁ ଏହାର ଫାଇଦା ମିଳିବ ନାହିଁ । ଯେଉଁଦିନ ପର୍ଯ୍ୟନ୍ତ ରିଜୋଲୁଶନ୍ ପ୍ଲାନ୍କୁ ଲାଗୁ କରାଯିବ, ସେ ପର୍ଯ୍ୟନ୍ତ ଏକାଉଣ୍ଟ୍ ଷ୍ଟାଣ୍ଡାର୍ଡ ହେବା ଦରକାର ।