ପେଟ୍ରୋଲ ଡିଜେଲ ପରେ ବଢ଼ିଲା PNG ଓ CNG ଗ୍ୟାସ୍ ମୂଲ୍ୟ

ଆଇଜିଏଲ୍ ପୁଣିଥରେ PNG ର ମୂଲ୍ୟ ଦୁଇ ଟଙ୍କା ବୃଦ୍ଧି କରିଛି । ୧୦ ଦିନ ମଧ୍ୟରେ ଏହା ଦ୍ୱିତୀୟ ଥର ବୃଦ୍ଧି ହୋଇଥିବାରୁ PNG ଗ୍ୟାସ୍ ମହଙ୍ଗା ହୋଇଛି । ଆଇଜିଏଲ୍ ଅନୁଯାୟୀ ଘରୋଇ ପିଏନଜି ମୂଲ୍ୟ ଏସସିଏମ୍ ପିଛା ୨ ଟଙ୍କା ବୃଦ୍ଧି କରାଯାଇଛି। ନୂଆ ମୂଲ୍ୟ ୧୩ ଅକ୍ଟୋବର ୨୦୨୧ ଅର୍ଥାତ୍ ଆଜିଠାରୁ କାର୍ଯ୍ୟକାରୀ ହେବ । ମୂଲ୍ୟ ବୃଦ୍ଧି ପରେ ଗୌତମ ବୁଦ୍ଧ ନାଗରରେ PNG ର ମୂଲ୍ୟ ୩୪.୮୬ / SCM ହେବ ।

ଏହାପୂର୍ବରୁ ଅକ୍ଟୋବର ୧ ରେ ଦିଲ୍ଲୀରେ ପିଏନଜି ମୂଲ୍ୟ ୟୁନିଟ୍ ପିଛା ୨.୧୦ ଟଙ୍କା ମହଙ୍ଗା ହୋଇଥିବାବେଳେ ନୋଏଡା, ଗାଜିଆବାଦ ଏବଂ ଗ୍ରେଟର ନୋଏଡାରେ ଏହି ମୂଲ୍ୟ ୟୁନିଟ୍ ପିଛା ୨ ଟଙ୍କା ବୃଦ୍ଧି କରାଯାଇଥିଲା। ଏଭଳି ପରିସ୍ଥିତିରେ ବର୍ତ୍ତମାନ ଦିଲ୍ଲୀରେ ପିଏନଜି ୟୁନିଟ୍ ପିଛା ୩୩.୦୧ ଟଙ୍କାକୁ ହ୍ରାସ ହୋଇଥିବାବେଳେ ଏନସିଆରରେ ଏହା ୟୁନିଟ୍ ପିଛା ୩୨.୮୬ ଟଙ୍କା ହୋଇଛି। ନୋଏଡା ରେ ପୁଣି ଥରେ ମୂଲ୍ୟ ବୃଦ୍ଧି କରିବା ପରେ, ବର୍ତ୍ତମାନ PNG ର ମୂଲ୍ୟ ୩୪.୬୮ / SCM ହେବ ।

ନୂଆ ମୂଲ୍ୟ କାର୍ଯ୍ୟକାରୀ ହେବା ପରେ, ଅକ୍ଟୋବର ୧୩ ରୁ ଦିଲ୍ଲୀରେ ପିଏନଜି ମୂଲ୍ୟ ୟୁନିଟ୍ ପିଛା ୩୫.୧୧ ଟଙ୍କା, ଗ୍ରେଟର ନୋଏଡା, ଗାଜିଆବାଦରେ ପିଏନଜି ମୂଲ୍ୟ ଏସସିଏମ ପିଛା ୩୪.୬୮ ଟଙ୍କା ହେବ। ଏଥି ସହିତ ରେୱାରୀ, କର୍ଣ୍ଣଲରେ ପିଏନଜି ମୂଲ୍ୟ ଏସସିଏମ ପିଛା ୩୩.୯୨ ଟଙ୍କା ଥିବାବେଳେ ମୁଜାଫରନଗର, ମେରଠ ଏବଂ ଶାମଲିରେ ଏସସିଏମ ପିଛା ୩୮.୯୭ ଟଙ୍କା ହେବ।

CNG ମୂଲ୍ୟରେ ପରିବର୍ତ୍ତନ

CNG ଗ୍ୟାସର ମୂଲ୍ୟ ପରିବର୍ତ୍ତନ ଆଜି ସକାଳ ୬ ଟାରେ କରାଯାଇଛି । ଦିଲ୍ଲୀରେ ସିଏନଜି ୪୯.୭୬ ଟଙ୍କା, ନୋଏଡା, ଗ୍ରେଟର ନୋଏଡା ଏବଂ ଗାଜିଆବାଦରେ ୫୬.୦୨ ଟଙ୍କା ହେବ। ଏଥି ସହିତ ଗୁଡ଼ୁଗାଓଁରେ ସିଏନଜି ମୂଲ୍ୟ କିଲୋଗ୍ରାମ ପିଛା ୫୮.୨୦ ଟଙ୍କା ହେବ। ସୂଚନା ଅନୁସାରେ ୧୦ ଦିନ ମଧ୍ୟରେ ଦ୍ୱିତୀୟ ଥର ପାଇଁ ଦିଲ୍ଲୀ ଏନସିଆର ଏବଂ ଅନ୍ୟାନ୍ୟ ସ୍ଥାନରେ CNG ଏବଂ PNG ଗ୍ୟାସର ମୂଲ୍ୟ ବୃଦ୍ଧି ପାଇଛି ।ମୂଲ୍ୟରେ କିଲୋଗ୍ରାମରେ ପ୍ରାୟ ୨.୫୦ ଟଙ୍କା ବୃଦ୍ଧି ଦେଖିବାକୁ ମିଳିଛି। ଏହାପୂର୍ବରୁ ଅକ୍ଟୋବର ୨ ରେ ମୂଲ୍ୟ ବୃଦ୍ଧି କରାଯାଇଥିଲା।

Leave A Reply

Your email address will not be published.