ଆଲିଆ ଭଟ୍ଟଙ୍କ ପରେ ବିପାଶା ବାସୁ କ୍ରିସ୍ମାସରେ ସେୟାର କଲେ ଝିଅ ଦେବୀଙ୍କ ଫଟୋ, ଜାଣନ୍ତୁ କ’ଣ କହିଲେ ଫ୍ୟାନ୍ସ
ପ୍ରଶଂସକଙ୍କ ମନରୁ ରାହାଙ୍କ କ୍ୟୁଟ୍ନେସ୍ ବାହାରି ନଥିବା ବେଳେ, ବିପାଶା ବସୁ ମଧ୍ୟ ଫ୍ୟାନ୍ସଙ୍କୁ ଆଶ୍ଚର୍ଯ୍ୟ କରିଛନ୍ତି । କ୍ରିସ୍ମାସ ଅବସରରେ ବିପାଶା ପ୍ରଥମ ଥର ପାଇଁ ପ୍ରଶଂସକଙ୍କୁ ଦେବୀଙ୍କ ଚେହେରା ମଧ୍ୟ ଦେଖାଇଛନ୍ତି ।
ଚଳିତ ବର୍ଷର କ୍ରିସ୍ମାସ ବଲିଉଡ ସେଲିବ୍ରେଟିମାନଙ୍କ ପାଇଁ ଅତ୍ୟନ୍ତ ସ୍ୱତନ୍ତ୍ର ରହିଥିଲା । କ୍ରିସ୍ମାସ ଅବସରରେ ସେଲିବ୍ରେଟିମାନେ ସେମାନଙ୍କ ଫ୍ୟାନ୍ସଙ୍କୁ ଆଶ୍ଚର୍ଯ୍ୟଜନକ ସୂଚନା ଦେଇଛନ୍ତି, ଯାହା ସେମାନେ କେବେ ହେଲେ ଭାବିନଥିଲେ । ଯେପରି ରଣବୀର କପୁର ଏବଂ ଆଲିଆ ଭଟ୍ଟ ଝିଅ ରାହାଙ୍କ ଚେହେରା ଫ୍ୟାନ୍ସଙ୍କୁ ଦେଖିବାକୁ ମିଳିଛି । ଏପରି ଭାବେ ରଣବୀର ଏବଂ ଆଲିଆ ରାହାଙ୍କୁ ପାପାରାଜିଙ୍କ ସାମ୍ନାରେ ଆଣିଥିଲେ । ତେବେ ପ୍ରଶଂସକଙ୍କ ମନରୁ ରାହାଙ୍କ କ୍ୟୁଟ୍ନେସ୍ ବାହାରି ନଥିବା ବେଳେ, ବିପାଶା ବସୁ ମଧ୍ୟ ଫ୍ୟାନ୍ସଙ୍କୁ ଆଶ୍ଚର୍ଯ୍ୟ କରିଛନ୍ତି । କ୍ରିସ୍ମାସ ଅବସରରେ ବିପାଶା ପ୍ରଥମ ଥର ପାଇଁ ପ୍ରଶଂସକଙ୍କୁ ଦେବୀଙ୍କ ଚେହେରା ମଧ୍ୟ ଦେଖାଇଛନ୍ତି । ଦେବୀଙ୍କ ଫଟୋ ଦେଖି ପ୍ରଶଂସକମାନେ ତାଙ୍କ କ୍ୟୁଟ୍ନେସ୍ରେ ପାଗଳ ହୋଇଯାଇଛନ୍ତି ।
ଗତ ବର୍ଷ ବିପାଶା ବସୁ ଏବଂ କରଣ ସିଂ ଗ୍ରୋଭର ପିତାମାତା ହୋଇଥିଲେ । ଦେବୀଙ୍କ ଜନ୍ମ ପରଠାରୁ ବିପାଶାଙ୍କ ପରିବାରରେ ଏହା ମୁଖ୍ୟ ଖବର ହୋଇଥିଲା । ଏହି ବର୍ଷ ଦେବୀ ତାଙ୍କର ପ୍ରଥମ ଜନ୍ମଦିନ ଦୀପାବଳିରେ ପାଳନ କରିଥିଲେ । ଏହା ପରେ ପ୍ରଶଂସକମାନେ ଭାବିଥିଲେ ଯେ ବିପାଶା ଏବଂ କରଣ ପ୍ରଶଂସକଙ୍କୁ ନିଜ ଝିଅର ଚେହେରା ଦେଖାଇବେ କିନ୍ତୁ ଏପରି ହୋଇନଥିଲା । ହେଲେ କ୍ରିସ୍ମାସ ଦିନ ସେମାନଙ୍କର ଇଚ୍ଛା ପୂରଣ ହୋଇଛି ।
ବିପାଶା ବସୁ କ୍ରିସ୍ମାସରେ ଦେବୀଙ୍କ ଏକ ଫଟୋ ସେୟାର କରିଛନ୍ତି ଯେଉଁଥିରେ ତାଙ୍କ ଏକ ସାଇଟ୍ ଚେହେରା ଦେଖିବା ପାଇଁ ମିଳିଛି । ଲାଲ ରଙ୍ଗର ପୋଷାକ ଏବଂ ହେୟାରବ୍ୟାଣ୍ଡରେ ଦେବୀ ବହୁତ ସୁନ୍ଦର ଦେଖାଯାଉଛନ୍ତି । ଫଟୋ ସେୟାର କରିବାବେଳେ ବିପାଶା ଲେଖିଛନ୍ତି, ଏହି କ୍ରିସ୍ମାସ ସାନ୍ତାଙ୍କର ଜଣେ ନୂତନ ସହାୟକ ଅଛନ୍ତି ଯିଏ ତାଙ୍କ ସହ ସମସ୍ତଙ୍କ ପାଇଁ ଖୁସି ଏବଂ ଭଲ ପାଇବାର ଉପହାର ଆଣିଛନ୍ତି ।
ଦେବୀଙ୍କ ଚେହେରା ଦେଖି ଫ୍ୟାନ୍ସ ନିଜକୁ ଅଟକାଇ ପାରିଲେ ନାହିଁ ଏବଂ ବିପାଶାଙ୍କ ପୋଷ୍ଟରେ ଏକ ମନ୍ତବ୍ୟ ଲାଇନ୍ ଯୋଡିଥିଲେ । କିଛି ପ୍ରଶଂସକ ଦେବୀଙ୍କୁ କରଣଙ୍କ କପି ବୋଲି କହୁଛନ୍ତି । ଜଣେ ପ୍ରଶଂସକ ଲେଖିଛନ୍ତି, ପାପାଙ୍କ କପି । ଅନ୍ୟ ଜଣେ ପ୍ରଶଂସକ ଲେଖିଥିଲେ, ବାର୍ବି ଡଲ୍ । ସେହି ପରି ଅନ୍ୟ ଜଣେ ପ୍ରଶଂସକ ଲେଖିଛନ୍ତି, ଆମର ଛୋଟ ସାନ୍ତା । ଏହି ଫଟୋଟି ବିପାଶା ବାସୁଙ୍କ ଇନ୍ଷ୍ଟାଗ୍ରାମ୍ ଆକାଉଣ୍ଟ୍ରେ ସେୟାର ହୋଇଛି ।
ତେବେ ବିପାଶା ନଭେମ୍ବର ୧୨,୨୦୨୨ରେ ଦେବୀଙ୍କୁ ଜନ୍ମ ଦେଇଥିଲେ । ନିକଟରେ ବିପାଶା ଡେଲିଭରି ପରେ ତାଙ୍କ ଓଜନ ବଢିବାକୁ ନେଇ ଟ୍ରୋଲ କରୁଥିବା ଲୋକଙ୍କୁ ଏକ ଉପଯୁକ୍ତ ଉତ୍ତର ଦେଇଥିଲେ । ସୂଚନା ମୁତାବକ, ଏପରି ଭାବେ ବିପାଶା କହିଥିଲେ, ମୁଁ ସେମାନଙ୍କୁ କହିବାକୁ ଚାହେଁ ଦୟାକରି ଟ୍ରୋଲ ଜାରି ରଖନ୍ତୁ । ତାହା ସମ୍ପୂର୍ଣ୍ଣ ଭଲ କାରଣ ମୋର ଧ୍ୟାନ ନାହିଁ । ଏପରି ଭାବେ ବିପାଶା ସମସ୍ତ ଲୋକଙ୍କୁ ଉତ୍ତର ଦେଇଥିଲେ । ହେଲେ ଏବେ ବିପାଶାଙ୍କ ଝିଅଙ୍କ ଫଟୋ ସୋସିଆଲ ମିଡିଆରେ ସାମ୍ନାକୁ ଆସିବା ପାରେ, ଫ୍ୟାନ୍ସ ଦେବୀଙ୍କ ପ୍ରଶଂସା ନକରି ରହିପାରୁନାହାଁନ୍ତି ।
View this post on Instagram