ସୁଶାନ୍ତ ସିଂ ରାଜପୁତଙ୍କ ପୂର୍ବତନ ଗର୍ଲଫ୍ରେଣ୍ଡ ଅଙ୍କିତା ଲୋଖଣ୍ଡେ ବର୍ତ୍ତମାନ ତାଙ୍କ ପରିବାରର ଅତି ନିକଟତର ହୋଇଛନ୍ତି । ସୁଶାନ୍ତଙ୍କ ମୃତ୍ୟୁ ପରେ ସେ ତାଙ୍କ ପରିବାରକୁ ମଧ୍ୟ ଭେଟିଥିଲେ । ଏହା ମଧ୍ୟ କୁହାଯାଉଛି ଯେ ସୁଶାନ୍ତଙ୍କ ଆତ୍ମହତ୍ୟା ପରେ ସେ ଦୁଇଥର ପାଟନା ଯାଇଥିଲେ ଏବଂ ରିୟା ଚକ୍ରବର୍ତ୍ତୀଙ୍କ ସହ ତାଙ୍କର ଖରାପ ସମ୍ପର୍କ ବିଷୟରେ କହିଥିଲେ ।
କେବଳ ଏତିକି ନୁହେଁ, ସୁଶାନ୍ତଙ୍କ ସହ ରିୟାଙ୍କର ହୋଇଥିବା କିଛି ଚାଟକୁ ମଧ୍ୟ ଅଙ୍କିତା ତାଙ୍କ ଭଉଣୀ ଶ୍ୱେତାଙ୍କୁ ଦେଖାଇଥିଲେ। ବର୍ତ୍ତମାନ ସେ ବିହାର ପୋଲିସକୁ ନିଜର ବୟାନ ଦେଇଛନ୍ତି ଯେଉଁଥିରେ ସେ ଅନେକ ଗୁରୁତ୍ୱପୂର୍ଣ୍ଣ କଥା କହିଛନ୍ତି । ଅଙ୍କିତା ଲୋଖଣ୍ଡେ ବିହାର ପୋଲିସକୁ କହିଛନ୍ତି ଯେ ଫିଲ୍ମ ‘ମଣିକର୍ଣ୍ଣିକା’ର ପ୍ରମୋସନ ସମୟରେ ସୁଶାନ୍ତ ସିଂ ତାଙ୍କୁ ୱିସ କରିବା ପାଇଁ କଲ କରିଥିଲେ। ଉଭୟଙ୍କ ମଧ୍ୟରେ ବହୁତ କଥାବାର୍ତ୍ତା ମଧ୍ୟ ହୋଇଥିଲା ।
ଅଙ୍କିତା କହିଛନ୍ତି ଯେ ସୁଶାନ୍ତ ଅତ୍ୟନ୍ତ ଇମୋସନାଲ ହୋଇ ତାଙ୍କୁ କହିଥିଲେ ଯେ ସେ ଏହି ରିଲେସନସିପକୁ ନେଇ ସେ ବହୁତ ବିରକ୍ତ ହୋଇଗଲେଣି । ସେ ଆହୁରି କହିଛନ୍ତି ଯେ ସୁଶାନ୍ତ ଏହି ସମ୍ପର୍କକୁ ଶେଷ କରିବାକୁ ଚାହୁଁଥିଲେ । କାରଣ ରିୟା ଚକ୍ରବର୍ତ୍ତୀ ତାଙ୍କୁ ବହୁତ ହାରାସ କରୁଥିଲେ ।
ଅଙ୍କିତା ବିହାର ପୋଲିସ ସହିତ ଏହି ଚାଟ ମଧ୍ୟ ସେୟାର କରିଥିଲେ । ଏହା ବ୍ୟତୀତ ଅଙ୍କିତାଙ୍କର ମଧ୍ୟ ଅନେକ ଚାଟ୍ ଥିଲା ଯାହା ତାଙ୍କ ଏବଂ ସୁଶାନ୍ତଙ୍କ ମଧ୍ୟରେ ହୋଇଥିଲା । କେବଳ ଏତିକି ନୁହେଁ ଅଙ୍କିତା କହିଛନ୍ତି ଯେ ସୁଶାନ୍ତ ଏବଂ ତାଙ୍କ ସମ୍ପର୍କ ଅତି ନିବିଡ଼ ଥିଲା ସେ ସୁଶାନ୍ତଙ୍କୁ ବହୁତ ଭଲ ପାଉଥିଲେ । ସୁଶାନ୍ତ ଏତେ ଶୀଘ୍ର ନିଜ ହୃଦୟର କଥା କାହାକୁ କହିପାରନ୍ତି ନାହିଁ । ସେ ଏହା ମଧ୍ୟ କହିଛନ୍ତି ଯେ 2016 ମସିହାରେ ବ୍ରେକଅପ୍ ପରେ ସେ ଆଶା କରିଥିଲେ ଯେ ସୁଶାନ୍ତ ତାଙ୍କ ନିକଟକୁ ନିଶ୍ଚୟ ଫେରିବେ । କିନ୍ତୁ ତାହା ଘଟିଲା ନାହିଁ। ଅଙ୍କିତା କହିଛନ୍ତି ଯେ ଯଦି ସୁଶାନ୍ତ ମୋ ସହିତ ଥାଆନ୍ତେ ଆଜି ହୁଏତ ସେ ଆମ ସହିତ ଥାଆନ୍ତେ ।