ସବୁଠାରୁ ଅଧିକ ଡିମାଣ୍ଡ କରୁଥିବା ଷ୍ଟାର ମାନଙ୍କ ମଧ୍ୟରେ ରହିଛନ୍ତି ପ୍ରିୟଙ୍କା ଚୋପ୍ରା, ଶାହରୁଖ ଖାନ ଓ କିଆରା ଆଡଭାନି
ପ୍ରିୟଙ୍କା ଚୋପ୍ରା ବିଗତ କିଛି ବର୍ଷ ମଧ୍ୟରେ ନିଜକୁ ଏକ ଗ୍ଲୋବାଲ ଷ୍ଟାର ଭାବରେ ପ୍ରତିଷ୍ଠିତ କରିଛନ୍ତି । ଏକ ଅଧ୍ୟୟନରୁ ପ୍ରିୟଙ୍କାଙ୍କ ଲୋକପ୍ରିୟତା ଆକଳନ କରାଯାଇଛି, ଯାହା ଅନୁଯାୟୀ ପ୍ରିୟଙ୍କା ଦୁନିଆର ବହୁ ଚର୍ଚ୍ଚିତ କଳାକାରଙ୍କ ମଧ୍ୟରେ ତୃତୀୟ ସ୍ଥାନରେ ରହିଛନ୍ତି। ଆଶ୍ଚର୍ଯ୍ୟର କଥା ହେଉଛି ଟପ୍ ୧୦ ମୋଷ୍ଟ ଇନ-ଡିମାଣ୍ଡ ଅଭିନେତା ତାଲିକାରେ ଶାହରୁଖ ଖାନ ଏହି ତାଲିକାରେ ଶୀର୍ଷରେ ଥିବାବେଳେ ତେଲୁଗୁ ତାରକା ଆଲୁ ଅର୍ଜୁନ ଦ୍ୱିତୀୟ ସ୍ଥାନରେ ଅଛନ୍ତି। ଶ୍ରେଷ୍ଠ ୧୦ରେ କେବଳ ଦୁଇଜଣ ମହିଳା ଅଭିନେତ୍ରୀ ଅନ୍ତର୍ଭୁକ୍ତ ଥିବାବେଳେ ସେମାନଙ୍କ ମଧ୍ୟରୁ ପ୍ରିୟଙ୍କା ଚୋପ୍ରା ରହିଛନ୍ତି ।
ରିପୋର୍ଟ ଅନୁସାରେ ଜୁଲାଇ ୨୦ ରୁ ଅଗଷ୍ଟ ୧୮ ମଧ୍ୟରେ ଏକ ସର୍ଭେ ହୋଇଥିଲା । ଏହି ସର୍ଭେରୁ ଜଣାପଡିଛି ଯେ ଭାରତୀୟ କଳାକାରଙ୍କ ଚାହିଦା ଅଧିକ। ବାକି କାଷ୍ଟରେ ଧନୁଷ, ଟମ୍ ହିଡଲେଟନ୍, ଦୁଲ୍ଲକର ସଲମାନ, ସଲମାନ ଖାନ, କିଆରା ଆଡଭାନି ଏବଂ ମହେଶ ବାବୁ ରହିଛନ୍ତି । କେବଳ ଆମେରିକାରେ ଟମ୍ ହିଡଲେଟନ୍ ସବୁଠାରୁ ଅଧିକ ଡିମାଣ୍ଡ ଖୋଜୁଥିବା ଷ୍ଟାର ବୋଲି ଜଣାପଡିଛି। ତାଙ୍କ ପରେ ଜେନିଫର୍ ଲୋପେଜ୍ ଅଛନ୍ତି।
ପ୍ରିୟଙ୍କାଙ୍କ ହଲିଉଡ କ୍ୟାରିଅର କଥା ଯଦି କହିବା ତେବେ ସେ ବର୍ତ୍ତମାନ କିନୁ ରିଭ୍ସଙ୍କ ସହ ମ୍ୟାଟ୍ରିକ୍ସ ୪ ରେ ନଜର ଆସିବେ । ଏଥିସହିତ ବଲିଉଡରେ ପ୍ରିୟଙ୍କା ବର୍ତ୍ତମାନ ଫରହାନ ଅଖତରଙ୍କ ନିର୍ଦ୍ଦେଶିତ ଫିଲ୍ମ ଜି ଜାରା ଫିଲ୍ମରେ ନଜର ଆସିବେ। ଏହି ଚଳଚ୍ଚିତ୍ରରେ ପ୍ରିୟଙ୍କା କ୍ୟାଟ୍ରିନା କେଫ ଏବଂ ଆଲିଆ ଭଟ୍ଟଙ୍କ ସହ ସ୍କ୍ରିନ୍ ସ୍ପେସ୍ ବାଣ୍ଟିବାକୁ ଯାଉଛନ୍ତି। ଏହା ବ୍ୟତୀତ ପ୍ରିୟଙ୍କା ଫିଲ୍ମ ପ୍ରଡକ୍ସନ୍ ସହିତ ମଧ୍ୟ ଜଡିତ ଅଛନ୍ତି । ଏହା ସହିତ ପ୍ରିୟଙ୍କା ଡ୍ରାମା ଧାରାବାହିକ ସିଟାଡେଲର ସୁଟିଂ ମଧ୍ୟ କରୁଛନ୍ତି, ଯାହାର ଚିତ୍ର ସେ ସୋସିଆଲ ମିଡିଆରେ ସେୟାର କରିଛନ୍ତି।
ଏହି ତାଲିକାରେ ଶାହରୁଖ ଖାନଙ୍କ ନାମ ରହିବ ମଧ୍ୟ ଆଶ୍ଚର୍ଯ୍ୟଜନକ । କାରଣ ତିନି ବର୍ଷ ଧରି ତାଙ୍କର କୌଣସି ଫିଲ୍ମ ରିଲିଜ ହୋଇନାହିଁ। ଶାହରୁଖଙ୍କୁ ଶେଷ ଥର ପାଇଁ ୨୦୧୮ ର ଜିରୋରେ ଦେଖିବାକୁ ମିଳିଥିଲା । ତେବେ ସୋସିଆଲ ମିଡିଆ ମାଧ୍ୟମରେ ଶାହରୁଖ ତାଙ୍କ ପ୍ରଶଂସକଙ୍କ ସହ ଜଡିତ ରହିଛନ୍ତି। ଏଥି ସହିତ କିଆରା ଆଡଭାନୀଙ୍କୁ ଆମାଜନ ପ୍ରାଇମ ଭିଡିଓରେ ମୁକ୍ତିଲାଭ କରିଥିବା ଶେର୍ସା ଫିଲ୍ମରେ ଦେଖିବାକୁ ମିଳିଥିଲା। ଏହି ଚଳଚ୍ଚିତ୍ରରେ ସିଦ୍ଧାର୍ଥ ମଲହୋତ୍ରା ମୁଖ୍ୟ ଭୂମିକାରେ ଅଛନ୍ତି। ଏହି ଫିଲ୍ମକୁ ବହୁତ ପ୍ରଶଂସା କରାଯାଉଛି । ମହିଳା ଲିଡରେ କିଆରାର ସବୁଠାରୁ ସଫଳ ଚଳଚ୍ଚିତ୍ର ହେଉଛି କବୀର ସିଂ, ଯେଉଁଥିରେ ସହିଦ କପୁର ମୁଖ୍ୟ ଭୂମିକାରେ ଅଭିନୟ କରିଥିଲେ। ଏହା ତେଲୁଗୁ ଚଳଚ୍ଚିତ୍ର ଅର୍ଜୁନ ରେଡ୍ଡୀଙ୍କ ରିମେକ୍ ଥିଲା ।
