୧୦୦ କୋଟି କ୍ଲବରେ ସାମିଲ ହେଲା ‘କ୍ରୁ’, ସମଗ୍ର ବିଶ୍ୱରେ ଧମାଲ୍ କରୁଛି ଏହି ଫିଲ୍ମ
ଫିଲ୍ମ କ୍ରମାଗତ ଭାବରେ ବକ୍ସ ଅଫିସରେ ଭଲ ପ୍ରଦର୍ଶନ କରୁଛି । ମାତ୍ର ୯ ଦିନରେ 'କ୍ରୁ' ୧୦୦ କୋଟି ଟଙ୍କା ରୋଜଗାର କରିଛି ।
କରୀନା କପୁର, ତବୁ ଓ କ୍ରିତି ସାନନ୍ ଷ୍ଟାରର୍ ଫିଲ୍ମ ‘କ୍ରୁ’ ସମଗ୍ର ବିଶ୍ୱରେ ଧମାଲ୍ କରୁଛି । ରାଜେଶ ଏ କୃଷ୍ଣନଙ୍କ ନିର୍ଦ୍ଦେଶନାରେ ନିର୍ମିତ ଏହି କମେଡି ଫିଲ୍ମକୁ ଦର୍ଶକଙ୍କ ଜବରଦସ୍ତ ରେସ୍ପନ୍ସ ମିଳୁଛି । ଏହି କାରଣରୁ ଏବେ ଫିଲ୍ମ ଏକ ନୂଆ ରେକର୍ଡ ସୃଷ୍ଟି କରିଛି ।
ଫିଲ୍ମ କ୍ରମାଗତ ଭାବରେ ବକ୍ସ ଅଫିସରେ ଭଲ ପ୍ରଦର୍ଶନ କରୁଛି । ସେପଟେ ଏବେ ଫିଲ୍ମ ମାତ୍ର ୯ ଦିନରେ ୧୦୦ କୋଟି ଟଙ୍କା ରୋଜଗାର କରିଛି । ୧୦୦ କୋଟି କ୍ଲବରେ ପ୍ରବେଶ କରିଛି ‘କ୍ରୁ’ ।
ଫିଲ୍ମର ହିରୋଇନ୍ କରୀନା କପୁର ଖାନ ସୋସିଆଲ ମିଡିଆରେ ନିଜେ ଏହି ସୂଚନା ସେୟାର କରିଛନ୍ତି । କରୀନା ନିଜ ଇନଷ୍ଟାଗ୍ରାମ ଆକାଉଣ୍ଟରେ ଏକ ପୋଷ୍ଟ ସେୟାର କରି କହିଛନ୍ତି ଯେ ‘କ୍ରୁ’ ଓ୍ଵାର୍ଲ୍ଡଓ୍ଵାଇଡ୍ ୧୦୪.୮ କୋଟିରୁ ଅଧିକ ଆୟ କରିଛି ।
ଏହା ସହିତ ‘କ୍ରୁ’ ଚଳିତ ବର୍ଷର ସର୍ବାଧିକ ଆୟ କରିଥିବା ପଞ୍ଚମ ଫିଲ୍ମ ହୋଇପାରିଛି । କହି ରଖୁଛୁ, ଏହାପୂର୍ବରୁ ‘ଫାଇଟର’, ‘ତେରୀ ବାତୋଁ ମେଁ ଏସା ଉଲଝା ଜିୟା’, ‘ଆର୍ଟିକଲ୍ ୩୭୦’, ‘ସୈତାନ’ ୧୦୦ କୋଟି କ୍ଲବରେ ନିଜର ଜାଗା ସୃଷ୍ଟି କରିଥିଲେ ।
ସେପଟେ ଘରୋଇ ବକ୍ସ ଅଫିସ୍ ରୋଜଗାର କଥା ଦେଖିଲେ, ଏହି ଫିଲ୍ମ ଅର୍ଦ୍ଧ ଶତକ ପାର୍ କରିଛି । ଶନିବାର କ୍ରୁ ୫.୨୫ କୋଟି ଟଙ୍କା ରୋଜଗାର କରିଛି । ବକ୍ସ ଅଫିସରେ ଏହି ଫିଲ୍ମ ୯ ଦିନରେ ମୋଟ ୫୨.୭ କୋଟି ଟଙ୍କା ଆୟ କରିଛି ।
ଏହି ଫିଲ୍ମରେ ତବୁ, କରୀନା କପୁର ଓ କ୍ରିତି ସାନନଙ୍କ ବ୍ୟତୀତ ଦିଲଜିତ ଦୋସାଞ୍ଜ, କପିଲ ଶର୍ମା, ଶାଶ୍ୱତ ଚାଟାର୍ଜୀ, ରାଜେଶ ଶର୍ମା ଓ କୁଲଭୂଷଣ ଖରବନ୍ଦା ମଧ୍ୟ ନଜର ଆସିଛନ୍ତି । ‘କ୍ରୁ’ର ସୁଟିଂ ଭାରତର ବିଭିନ୍ନ ସ୍ଥାନରେ ହୋଇଥିବା ବେଳେ ଅଧିକାଂଶ ସୁଟିଂ ମୁମ୍ବାଇରେ ହୋଇଛି ।
View this post on Instagram
