ରାଜ କପୁର ଓ ବୈଜୟନ୍ତୀମାଳାଙ୍କ ଅନୈତିକ ସମ୍ପର୍କ ଯୋଗୁ ପତ୍ନୀ କୃଷ୍ଣା କପୁର ଛାଡିଥିଲେ ଘର
ଋଷି କପୁର ଆଜି ଆମ ଗହଣରେ ନାହାଁନ୍ତି ହେଲେ ତାଙ୍କର ସୁନ୍ଦର ଫିଲ୍ମ ଆଜି ତାଙ୍କୁ ଆମ ଗହଣରେ ଜୀବିତ କରି ରଖିଛନ୍ତି । ଋଷି କପୁର ଜଣେ ଏମିତି କଳାକାର ଯିଏ ଫିଲ୍ମ ବ୍ୟତୀତ ନିଜ ଜୀବନକୁ ନେଇ ମଧ୍ୟ ଖୋଲାଖୋଲି ଭାବେ କହିଥାନ୍ତି । ନିଜ ବହିରେ ସେ ନିଜ ପରିବାର ବିଷୟରେ ମଧ୍ୟ ସତ୍ୟ ଲେଖିବାକୁ ପଛେଇ ନାହାଁନ୍ତି ।
ପିତା ରାଜ କପୁରଙ୍କ ଅନୈତିକ ସମ୍ପର୍କକୁ ନେଇ ମଧ୍ୟ ସେ ଏହି ପୁସ୍ତକରେ ଲେଖିଛନ୍ତି । ବଲିଉଡର ପ୍ରଖ୍ୟାତ ଅଭିନେତା ରାଜ କପୁର ନିଜ ଫିଲ୍ମ ଓ ଆଫେୟାରକୁ ନେଇ ସର୍ବଦା ବଲିଉଡରେ ଚର୍ଚ୍ଚାରେ ରହିଥିଲେ । ନର୍ଗିସ ଓ ବୈଜୟନ୍ତୀମାଳାଙ୍କ ସହ ରାଜ କପୁରଙ୍କ ପ୍ରେମ ସମ୍ପର୍କ ବଲିଉଡରେ ବେଶ ଚର୍ଚ୍ଚାରେ ରହିଥିଲା । ଋଷି କପୁର ଏମିତି ବି ଲେଖିଛନ୍ତି ଯେ ପିତାଙ୍କ ଆଫେୟାର ଯୋଗୁ ମା’ କୃଷ୍ଣା କପୁର ଘର ମଧ୍ୟ ଛାଡିଦେଇଥିଲେ ।
ମା’ଙ୍କ ସହ ଋଷି କପୁର ଛାଡିଥିଲେ ଘର
ଋଷି କପୁର ଲେଖିଛନ୍ତି ‘ ମୁଁ ବହୁତ ଛୋଟ ଥିଲି ଯେବେ ମୋର ପିତାଙ୍କର ନର୍ଗିସ ଜୀଙ୍କ ସହ ଆଫେୟାର ଥିଲା । ତେବେ ମୋର ସେ ସମ୍ପର୍କରେ ସେମିତି କିଛି ମନେ ନାହିଁ ଯେ ଏଥିପାଇଁ ଆମ ଘରେ କିଛି ଝଗଡା ହେଉଥିଲା । ତେବେ ମୋର ଏତିକି ମନେ ଅଛି ଯେ ପାପା ଯେବେ ବୈଜୟନ୍ତିମାଲାଙ୍କ ସହ ସମ୍ପର୍କରେ ଥିଲେ ମୁଁ ମା’ଙ୍କ ସହ ମରିନ ଡ୍ରାଇଭରେ ଥିବା ନଟରାଜ ହୋଟେଲରେ ରହୁଥିଲି ।
ଆମେ ଦୁଇ ମାସ ହୋଟେଲରେ ରହିବାପରେ ଚିତ୍ରକୁଟରେ ଥିବା ଏକ ଆପାର୍ଟମେଣ୍ଟରେ ରହିଥିଲୁ । ପିତା ମା‘ ପାଇଁ ଏହି ଆପାର୍ଟମେଣ୍ଟ କିଣିଥିଲେ । ସେତେବେଳେ ପିତା ଆମକୁ ମନାଇବା ପାଇଁ ବହୁତ କିଛି କରିଥିଲେ । ହେଲେ ମା’ ଜିଦରେ ଥିଲେ ଯେ ପାପା ଯେ ପର୍ଯ୍ୟନ୍ତ ଏହି ସମ୍ପର୍କକୁ ସମାପ୍ତ ନ କରିଛନ୍ତି ସେ ପର୍ଯ୍ୟନ୍ତ ମା’ ହାର ମାନିବେ ନାହିଁ ।
ହେଲେ ବୈଜୟନ୍ତୀମାଳା ରାଜ କପୁରଙ୍କ ସହ ନିଜର ସମ୍ପର୍କକୁ ନେଇ ଅସ୍ୱୀକାର କରିଥିଲେ । ଏହା କେବଳ ଫିଲ୍ମ ପ୍ରମୋଶନ ପାଇଁ କହି କଥାକୁ ସହଜ କରିଦେଇଥିଲେ । ହେଲେ ଋଷି କପୁର ଏହାକୁ ନେଇ ବହୁତ ଅସନ୍ତୁଷ୍ଟ ହୋଇଥିଲେ ।