ପୁଅର ଶବ ନେବାକୁ ଜଗଜିତ ସିଂଙ୍କୁ ଦେବାକୁ ପଡିଥିଲା ଲାଞ୍ଚ, ଅନେକ ବର୍ଷ ପରେ ମହେଶ ଭଟ୍ଟ କଲେ ଖୁଲାସା
ଜଗଜିତ ସିଂ ବହୁତ କମ୍ ବୟସରେ ପୁଅକୁ ହରାଇଥିଲେ । ଜଗଜିତ ସିଂଙ୍କ ପୁଅ ୨୦ ବର୍ଷ ବୟସରେ ଏକ କାର ଦୁର୍ଘଟଣାରେ ମୃତ୍ୟୁ ବରଣ କରିଥିଲେ । ପୁଅର ମୃତ୍ୟୁ ପରେ ଜଗଜିତ ସିଂ ଦୁଃଖରେ ଭାଙ୍ଗି ପଡ଼ିଥିଲେ । ଜଗଜିତ ସିଂଙ୍କ ପୁଅଙ୍କ ଦେହାନ୍ତକୁ ନେଇ ଫିଲ୍ମ ନିର୍ମାତା ମହେଶ ଭଟ୍ଟ ଏକ ବଡ଼ ଖୁଲାସା କରିଛନ୍ତି ।
ଗଜଲ ଗାୟକ ଜଗଜିତ ସିଂ ଅନେକ ଦୁଃଖ ସମୟ ଦେଇ ଗତି କରିଛନ୍ତି । ସେ ବହୁତ କମ୍ ବୟସରେ ପୁଅକୁ ହରାଇଥିଲେ । ଜଗଜିତ ସିଂଙ୍କ ପୁଅ ୨୦ ବର୍ଷ ବୟସରେ ଏକ କାର ଦୁର୍ଘଟଣାରେ ମୃତ୍ୟୁ ବରଣ କରିଥିଲେ । ପୁଅର ମୃତ୍ୟୁ ପରେ ଜଗଜିତ ସିଂ ଦୁଃଖରେ ଭାଙ୍ଗି ପଡ଼ିଥିଲେ । ଜଗଜିତ ସିଂଙ୍କ ପୁଅଙ୍କ ଦେହାନ୍ତକୁ ନେଇ ଫିଲ୍ମ ନିର୍ମାତା ମହେଶ ଭଟ୍ଟ ଏକ ବଡ଼ ଖୁଲାସା କରିଛନ୍ତି । ମହେଶ ଭଟ୍ଟ କହିଛନ୍ତି ଯେ ଜଗଜିତ ସିଂଙ୍କୁ ତାଙ୍କ ପୁଅର ଶରୀର ନେବା ପାଇଁ ଲାଞ୍ଚ ଦେବାକୁ ପଡିଥିଲା । ତେବେ ମହେଶ ଭଟ୍ଟ ଅନୁପମ ଖେରଙ୍କ ସହ ଏ ବିଷୟରେ କଥା ହୋଇଥିଲେ । ସେ ଅନୁପମ ଖେରଙ୍କ ସହ ତାଙ୍କ ଫିଲ୍ମ ‘ସାରାଂଶ’ ବିଷୟରେ କଥାବାର୍ତ୍ତା କରୁଥିଲେ, ସେହି ସମୟରେ ସେ ଜଗଜିତ ସିଂଙ୍କ ପୁଅର ଦେହାନ୍ତ ବିଷୟରେ କହିଥିଲେ ।
ସୂଚନା ମୁତାବକ ମହେଶ ଭଟ୍ଟ କହିଛନ୍ତି, ‘ଯେତେବେଳେ ଜଗଜିତ ସିଂଙ୍କ ପୁଅ ଦୁର୍ଘଟଣାରେ ମୃତ୍ୟୁ ବରଣ କରିଥିଲେ, ସେତେବେଳେ ସେ ମୋତେ କହିଥିଲେ ଯେ ତାଙ୍କ ପୁଅର ମୃତଦେହ ପାଇବା ପାଇଁ ତାଙ୍କୁ ଜୁନିଅର ଅଫିସରମାନଙ୍କୁ ଲାଞ୍ଚ ଦେବାକୁ ପଡିଥିଲା ଏବଂ ସେତେବେଳେ ସେ ତାଙ୍କ ପୁଅର ଶବ ପାଇଲେ । ଏହା ପରେ ସେ ଏପରି ମଧ୍ୟ କହିଥିଲେ ଯେ ଜଣେ ସାଧାରଣ ମଣିଷ ନିଜ ମୃତ ଶରୀର ସଂଗ୍ରହ କରିବା ପାଇଁ ଏତେ ସଂଘର୍ଷ କରେ । ଏହା ଫିଲ୍ମ ପାଇଁ ଏକ ରେଫରେନ୍ସ ପଏଣ୍ଟ ହୋଇଛି । ପୁଅର ମୃତ୍ୟୁ ପରେ ଜଗଜିତଙ୍କ ପତ୍ନୀ ଚିତ୍ରା ସିଂ ଜଣେ ପ୍ରସିଦ୍ଧ ଗାୟକ ଥିଲେ, ଯିଏ ଗୀତ ଗାଇବା ବନ୍ଦ କରିଦେଇଥିଲେ । ଏହା ବ୍ୟାତୀତ ଏହି ଦମ୍ପତିଙ୍କର ଗୋଟିଏ ଝିଅ ମଧ୍ୟ ଥିଲେ, ଯିଏକି ୨୦୦୯ରେ ମୃତ୍ୟୁବରଣ କରିଥିଲେ ।
ତେବେ ମଙ୍ଗଳବାର ଫିଲ୍ମ ‘ସାରାଂଶ’କୁ ୪୦ ବର୍ଷ ପୂରଣ ହୋଇଛି । ଏହି ଫିଲ୍ମରେ ଅନୁପମ ଖେର, ରୋହିଣୀ ହାଟାଗାଡି ମୁଖ୍ୟ ଭୂମିକାରେ ନଜର ଆସିଥିଲେ । ଏହି ଫିଲ୍ମର କାହାଣୀ ଏକ ମହାରାଷ୍ଟ୍ର ଦମ୍ପତିଙ୍କ ବିଷୟରେ ଥିଲା, ଯେଉଁମାନେ ଏକମାତ୍ର ପୁଅକୁ ହରାଇଥିଲେ । ଏହି ଫିଲ୍ମରେ ବୃଦ୍ଧମାନଙ୍କ ଚିନ୍ତା, ଏକାକୀତା ଏବଂ ଦୁଃଖ ବିଷୟରେ ଦେଖା ଯାଇଛି ।