ସୋନୁ ସୁଦଙ୍କୁ ନିଜ ଠାକୁର ଘରେ ରଖି ପୂଜା କଲେ ବ୍ୟକ୍ତି, ଭିଡିଓ ଦେଖିବା ପରେ ଏମିତି ଜବାବ ଦେଲେ ଅଭିନେତା
କରୋନା ଭାଇରସ କାରଣରୁ ଜାରୀ ରହିଥିବା ଲକଡାଉନରେ ସୋନୁ ସୁଦ ପ୍ରବାସୀ ଶ୍ରମିକମାନଙ୍କ ପାଇଁ ଦେବଦୂତ ସାଜିଛନ୍ତି। ସିନେମାରେ ଖଳନାୟକ ଭୂମିକାରେ ଅଭିନୟ କରୁଥିବା ସୋନୁ ସୁଦ ବାସ୍ତବରେ ଜଣେ ହିରୋ ଭଳି କାମ କରୁଛନ୍ତି। ସୋନୁ ମୁମ୍ବାଇରେ ଫସିରହିଥିବା ହଜାର ହଜାର ଲୋକଙ୍କୁ ତାଙ୍କ ଘରେ ପହଁଚାଇଛନ୍ତି। ସେହିପରି ତାଙ୍କର ଏହି ମହତ କାମ ଏବେ ବି ଜାରୀ ରହିଛି। ଏହି କାମ ପାଇଁ ତାଙ୍କୁ ସାଧାରଣ ଜନତାଙ୍କ ସମେତ ମହାରାଷ୍ଟ୍ର ସରକାର ମଧ୍ୟ ତାଙ୍କ ପ୍ରଶଂସା କରୁଛନ୍ତି।
ଏହି କାମ ପାଇଁ ତାଙ୍କୁ ବିଭିନ୍ନ ମହଲରୁ ପ୍ରଶଂସା ମିଳୁଛି। କେବଳ ଏତିକି ନୁହେଁ ଅନେକ ଲୋକେ ତାଙ୍କୁ ଭଗବାନ ବୋଲି ମଧ୍ୟ ମାନିଲେଣି। ନିଜ ଘରେ ସୁରକ୍ଷିତ ପହଁଚିବା ପରେ ଲୋକମାନେ ନିଜ ନିଜ ଅନ୍ଦାଜରେ ସୋନୁ ସୁଦଙ୍କୁ ଧନ୍ୟବାଦ କରୁଛନ୍ତି। ନିକଟରେ ସୋନୁ ସୁଦଙ୍କୁ ନେଇ ଏକ ଏମିତି ଭିଡିଓ ଭାଇରାଲ ହେଉଛି ଯାହାକୁ ଦେଖିବା ପରେ ସୋନୁ ସୁଦ ନିଜେ ମଧ୍ୟ ଆଶ୍ଚଯ୍ୟର୍ ହୋଇାଯାଇଛନ୍ତି। ଏହି ଭିଡିଓରେ ଜଣେ ବ୍ୟକ୍ତି ନିଜ ମାଆଙ୍କୁ ଭେଟିବା ପରେ ସୋନୁ ସୁଦଙ୍କୁ ଏକ ନୂଆ ଢ଼ଙ୍ଗରେ ଧନ୍ୟବାଦ ଜଣାଇଛନ୍ତି। ବ୍ୟଙ୍କି ଜଣଙ୍କ ସୋନୁ ସୁଦଙ୍କୁ ଭଗବାନ ମାନି ତାଙ୍କୁ ପୂଜା ଘରେ ରଖି ପୂଜା କରୁଛନ୍ତି।
अरे भाई ऐसा मत कर 🙏 माँ से कहना मेरे लिए भी रोज़ दुआ माँग ले। सब सही हो जाएगा। https://t.co/raG8yQND3K
— sonu sood (@SonuSood) June 2, 2020
ବ୍ୟକ୍ତିଙ୍କ ଏହି ଭିଡିଓକୁ ସୋନୁ ସୁଦ ଟ୍ଵିଟରରେ ସେୟାର କରିଛନ୍ତି। ଭିଡିଓରେ ଦେଖିବାକୁ ମିଳୁଛି ଯେ ବ୍ୟକ୍ତି ସୋନୁ ସୁଦଙ୍କ ଫଟୋ ରଖି ପୂଜା କରୁଛନ୍ତି। ବ୍ୟକ୍ତି ଭିଡିଓକୁ ସେୟାର କରି କ୍ୟାପସନରେ ଲେଖିଛନ୍ତି, ‘ଯିଏ ମା ସହିତ ମିଶାଇଲେ ସେ ଭଗବାନ। ସୋନୁ ସୁଦଙ୍କ ଭଳି ସବୁ ମଣିଷ ଭଗବାନ ନୁହିଁନ୍ତି। ସୋନୁ ସୁଦ ମୁଁ ଆପଣଙ୍କୁ ଭଗବାନ ବୋଲି ମାନୁଛି। ଆପଣ ମୋତେ ମୋ ମାଆ ସହିତ ଭେଟ କରାଇଛ।
ଏହି ଭିଡିଓରେ ସୋନୁ ସୁଦ ଉତ୍ତରରେ ଲେଖିଛନ୍ତି। ‘ଆରେ ଭାଇ ଏମିତି କରନାହିଁ। ବସ ତୁମେ ତୁମ ମା’ଙ୍କୁ କୁହ ସେ ସବୁଦିନ ମୋତେ ଆଶିର୍ବାଦ କରୁଥାନ୍ତୁ। ସବୁ ଠିକ ହୋଇଯିବ।’
