ଓଟିଟିରେ ଆସିଗଲା ‘୮୩’, ଏବେ ଘରେ ବସି ଦେଖିପାରିବେ ରଣବୀର ସିଂହଙ୍କ ଦମ୍ଦାର ଫିଲ୍ମ
ଓଟିଟିରେ ଆସିଗଲା ଫିଲ୍ମ ୮୩। ଅଭିନେତା ରଣବୀର ସିଂହଙ୍କ ଫ୍ୟାନ୍ଙ୍କ ପାଇଁ ଖୁସି ଖବର। ୧୯୮୩ କ୍ରିକେଟ୍ ବିଶ୍ୱ କପ୍ ଉପରେ ଆଧାରିତ ଫିଲ୍ମ ସୋମବାର ଠାରୁ ଓଟିଟି ପ୍ଲାଟଫର୍ମରେ ଉପଲବ୍ଧ ହୋଇଛି। କରୋନା ଭାଇରସ୍ ଯୋଗୁ ହଲ୍ରେ ଫିଲ୍ମ ଦେଖିପାରିନଥିବା ଲୋକ ଏବେ ଘରେ ବସି ଆରାମରେ ଏବେ ଏହାର ମଜା ନେଇପାରିବେ। ଏବେ ଓଟିଟି ପ୍ଲାଟଫର୍ମ ଡିଜ୍ନି ପ୍ଲସ୍ ହଟ୍ଷ୍ଟାରରେ ରିଲିଜ୍ ହୋଇଛି ୮୩। ଫିଲ୍ମରେ ରଣବୀର ସିଂହ କିମ୍ବଦନ୍ତୀ କ୍ରିକେଟର କପିଲ ଦେବଙ୍କ ଭୂମିକାରେ ଅଭିନୟ କରିଛନ୍ତି।
ଫିଲ୍ମ ୮୩ ରିଲିଜ୍ ପରେ କରୋନାର ଦ୍ୱିତୀୟ ଲହରୀ ଆସିଥିଲା। ଏହି କାରଣରୁ ଅନେକ ଫିଲ୍ମ ହଲ୍ ବି ବନ୍ଦ ଥିଲା। ଏଣୁ ନିର୍ମାତାଙ୍କୁ ବହୁତ କ୍ଷତି ସହିବାକୁ ପଡ଼ିଥିଲା। କିନ୍ତୁ ଏବେ ଫିଲ୍ମକୁ ହଟ୍ ଷ୍ଟାରରେ ରିଲିଜ୍ କରାଯାଇଛି। ଫଳରେ ୟୁଜର୍ସ ଏବେ ଘରେ ଫିଲ୍ମର ମଜା ନେଇପାରିବେ। ଏହି ଫିଲ୍ମ କ୍ରିକେଟ୍ ଫ୍ୟାନ୍ଙ୍କୁ ଖୁବ୍ ପସନ୍ଦ ଆସିବ।
Finally this masterpiece on #OTT@DisneyPlusHS is all set to entertain viewers with top-notch cricketing entertainment! Ranveer Singh & Deepika Padukone starrer 83 available in Hindi, Malayalam, Telugu, Kannada, and Tamil #83onHotstar pic.twitter.com/PUxCsf0xBj
— Amit Bhatia (ABP News) (@amitbhatia1509) March 22, 2022
ସୂଚନାଯୋଗ୍ୟ ଯେ ଫିଲ୍ମ ୮୩କୁ ଓଟିଟିରେ ରିଲିଜ୍କୁ ନେଇ ହାଇକୋର୍ଟରେ ଏକ ପିଟିସନ୍ ଦାଖଲ କରାଯାଇଥିଲା। ଏହି ଫିଲ୍ମକୁ ଓଟିଟିରେ ରିଲିଜ୍ ନ କରିବାକୁ ପିଟିସନ୍ରେ ଦାବି କରାଯାଇଥିଲା। କିନ୍ତୁ କୋର୍ଟ ଫିଲ୍ମ ନିର୍ମାତାଙ୍କ ପକ୍ଷରେ ନିଷ୍ପତ୍ତି ଶୁଣାଇଥିଲେ ଓ ପିଟିସନ୍କୁ ଖାରଜ କରିଦେଇଥିଲେ। ଏଣୁ ଏବେ ଓଟିଟି ପ୍ଲାଟଫର୍ମରେ ୮୩ ରିଲିଜ୍ ହୋଇଛି।
Also Read: ତୃତୀୟ ସନ୍ତାନର ମା’ ହେବାକୁ ଯାଉଛନ୍ତି ରାହୁଲ ମହାଜନଙ୍କ ଦ୍ୱିତୀୟ ପତ୍ନୀ ଡିମ୍ପି ଗାଙ୍ଗୁଲି, ସେୟାର କଲେ ଫଟୋ
