ଟ୍ରାଫିକ ନିୟମ ଭାଙ୍ଗିଲେ ସୁପରଷ୍ଟାର ଥଲପତି ବିଜୟ, ଲାଗିଲା ଜରିମାନା
ସୁପରଷ୍ଟାର ଥଲପତି ବିଜୟଙ୍କ ଉପରେ ଲାଗିଛି ଜରିମାନା । ଗୋଟିଏ ଦିନରେ ୨ରୁ ଅଧିକ ଥର ଟ୍ରାଫିକ ନିୟମ ଭାଙ୍ଗିଥିବାରୁ ତାଙ୍କ ଉପରେ ଟ୍ରାଫିକ ପୋଲିସ୍ ପକ୍ଷରୁ ଜରିମାନା ଲଗାଯାଇଥିବା ଜଣାପଡ଼ିଛି ।
ମୁମ୍ବାଇ: ତାମିଲ ଫିଲ୍ମ ଇଣ୍ଡଷ୍ଟ୍ରୀର ଜଣେ ପ୍ରଭାବଶାଳୀ ଅଭିନେତା ସୁପରଷ୍ଟାର ଥଲପତି ବିଜୟ । ଫିଲ୍ମ ଜଗତରେ ତାଙ୍କର ୨ ଦଶନ୍ଧିର କ୍ୟାରିୟର ରହିଛି । ଏ ପର୍ଯ୍ୟନ୍ତ ଅଭିନେତା ଅନେକ ଫିଲ୍ମ କରିସାରିଥିବା ବେଳେ ତାଙ୍କର ଅନେକ ଫିଲ୍ମ ସୁପର ହିଟ୍ ରହିଛି । କିଛି ଫିଲ୍ମ ରେକର୍ଡ ବ୍ରେକ ଆୟ ବି କରିଛି । ଥଲପତି ବିଜୟ କେବଳ ଆକ୍ଟିଂରେ ନୁହେଁ, ବରଂ ଡ୍ୟାନ୍ସିଂରେ ବି ବେଶ୍ ମାହିର ଅଛନ୍ତି। ଏବେ ସେ ରାଜନୀତିରେ ପ୍ରବେଶ କରିବାର ଚର୍ଚ୍ଚା ଜୋର୍ ଧରିଛି ।
ଏହାରି ଭିତରେ ସୁପରଷ୍ଟାର ଥଲପତି ବିଜୟଙ୍କ ଉପରେ ଲାଗିଛି ଜରିମାନା । ଗୋଟିଏ ଦିନରେ ୨ରୁ ଅଧିକ ଥର ଟ୍ରାଫିକ ନିୟମ ଭାଙ୍ଗିଥିବାରୁ ତାଙ୍କ ଉପରେ ଟ୍ରାଫିକ ପୋଲିସ୍ ପକ୍ଷରୁ ଜରିମାନା ଲଗାଯାଇଥିବା ଜଣାପଡ଼ିଛି । କୁହାଯାଉଛି ସୁପରଷ୍ଟାର ଥଲପତି ବିଜୟ ଜୁଲାଇ ୧୧ରେ ବିଜୟ ମକ୍କଲ ଅୟକକମ୍ ର ସଦସ୍ୟଙ୍କୁ ଭେଟିଥିଲେ। ଏହା ପରେ ସେ ରାଜନୀତିରେ ଯୋଗ ଦେଇପାରନ୍ତି ବୋଲି ଚର୍ଚ୍ଚା ହୋଇଥିଲା । ପନିୟୁରରେ ଭିଏମଆଇ ସଦସ୍ୟଙ୍କୁ ଭେଟି ଘରକୁ ଫେରୁଥିବାବେଳେ ଅଭିନେତା ଟ୍ରାଫିକ ନିୟମ ଭାଙ୍ଗିଥିଲେ ।
ସେ ନିଜ ଗାଡିରେ ଯାଉଥିବା ସମୟରେ ୨ରୁ ଅଧିକ ସ୍ଥାନରେ ରେଡ୍ ସିଗନାଲ ଡେଇଁ ଗାଡି ଧରି ଚାଲିଯାଇଥିବା ଅଭିଯୋଗ ଆସିଛି । ତେବେ ଏଭଳି ଅଭିଯୋଗ ଆସିବା ପରେ ଥଲପତି ବିଜୟ ନିଜର ପ୍ରତିକ୍ରିୟା ରଖିଛନ୍ତି । ସେ କହିଛନ୍ତି ପ୍ରଶଂସକମାନେ ତାଙ୍କ ପିଛା କରୁଥିବାରୁ ସେ ବାଧ୍ୟ ହୋଇ ଏଭଳି ଭାବେ ଟ୍ରାଫିକ ନିୟମ ଭାଙ୍ଗି ରେଡ୍ ଲାଇଟ୍ ସିଗନାଲ୍ ଡେଇଁ ଚାଲିଯାଇଥିଲେ ।
ଅଭିନେତାଙ୍କ ପ୍ରଶଂସକମାନେ ତାଙ୍କୁ ପନିୟୁରରୁ ନୀଲାଙ୍ଗରାୟସ୍ଥିତ ତାଙ୍କ ଘର ପର୍ଯ୍ୟନ୍ତ ଫଲୋ କରିଥିଲେ ଏବଂ ଏଥିରୁ ରକ୍ଷା ପାଇବା ପାଇଁ ବିଜୟ ଓ ତାଙ୍କ ଡ୍ରାଇଭର ଟ୍ରାଫିକ୍ ନିୟମକୁ ଭାଙ୍ଗିବାକୁ ବାଧ୍ୟ ହୋଇଥିଲେ । ତେବେ ସୂଚନା ଥାଉକି, ଲକ୍ଷ ଲକ୍ଷ ଫ୍ୟାନଙ୍କ ହୃଦୟରେ ଅଛନ୍ତି ଥଲପତି ବିଜୟ। ଭାରତୀୟ ସିନେମାରେ ଥଲପତି ବିଜୟଙ୍କର ବହୁତ ପ୍ରଶଂସକ । ବଲିଉଡର ସବୁ କଳାକାରଙ୍କୁ ପଛରେ ପକାଇ ସେ ଦକ୍ଷିଣ ଭାରତୀୟ ଷ୍ଟାର ସବୁଠାରୁ ଦାମୀ ସୁପରଷ୍ଟାର ପାଲଟିଛନ୍ତି ।